رواية ابن الهواري الفصل الثاني بقلم الكاتبه ملكه حسن حصريه وجديده على مدونة أصل للمعلومات

 رواية حب في مهمه الفصل الاول حتى الفصل التاسع بقلم ميمو حصريه وجديده في مدونة أصل للمعلومات والروايات 

رواية حب في مهمه الفصل الاول حتى الفصل التاسع بقلم ميمو حصريه وجديده في مدونة أصل للمعلومات والروايات 

في مكان مظلم 

بتفتح نور عينيها ببطئ وبتقوم وبتحط ايديها 

علي راسها بدوخه 

بتبص حواليها بتلاقي نفسها ف مكان غريب ومش شايفه كويس بسبب الضلمة 

نور بدوخه: آاا انا فين واي المكان دا.... بسم الله الرحمن الرحيم.... اي دا انا فييين. 

 بتعلي صوتها اكتر عشان حد يسمعها: في حد هنا.. انتو يا عالم انتو.... مفيش حد ولا اي.... انا بعمل اي هنا.. حد يرد عليااااا. 

هو مفيش اي حد بيرد ليه... اااه انا مش فاكرة اي حاجه..

بتكمل كلامها بصدمة: ثانية.. هو انا اتخطفت ولا اي... لااااا مكنش يومك يا نور إهئ إهئ. 

بترجع تعلي صوتها تاني بتوتر : طب يا ناس يااللي خاطفيني... هو انتو طرش ولا اي ما تردو بقا هو انا بكلم نفسي. 

نور بتأفف : اففف يووه بقا انا هفضل اكلم نفسي كتيرر... طب انا ممكن اعرف انا بعمل اي هنا.. طب ممكن تردو عليا طيب بدل ما انا بكلم نفسي زي المجنونة كدا... طب بصوا اي رأيكوا تروحوني وانا مش هقول لحد والله انكم كنتم خاطفني... او بصوا اي رأيكم تروحوني دلوقتي وتخطفوني ف وقت تاني لحسن والله مكنتش عامله حسابي خالص هاا ردو عليا بقا . 

فجأة بتسمع صوت خطوات تقيلة داخله، ظهر شاب طويل، ملامحه مش واضحه ف الضلمة، بس نظراته حادة. 

_ما تخرصي بقا من ساعة ما فوقتي وانتي لوك لوك لوك اخرصي بقا صدعتي أمي. 

بتقوم نور من مكانها بسرعه وبتقف، قلبها بيدق بسرعه بس بتحاول تبان شجاعه. 

نور (بتوتر وشوية جرأة) :ممكن اعرف انت مين وانا اي اللي جابني هاا انت خاطفني يا مجرم. 

_هششش مش عايز صوتك مفهوم؟! 

نور بغضب: لا مش مفهوم انا عايزة اعرف دلوقتي انا بعمل اي هنا؟! وانت مين؟! وخاطفني ليه اصلا؟!وعلي فكرة انا مش خايفة منك يا جدع انت. 

الشخص بغضب وهما بيبرقلها بعينه: انتي عارفه لو سمعت صوتك تاني انا هقطعلك لسانك اللي فرحانه بيه دهو وانا مش برجع ف كلمتي مفهووم؟!! 

نور بتخاف من كلامه بس بتحاول متبينش وبتربع ايديها وبتقوله بشجاعه: لا تصدق هخاف منك لا فوق كدا دا انا.. 

بتقطع كلامها لما بتشوفه بيطلع مسدسه من جيبه وبيبصلها بنظرة ارعبتها. 

نور بتبلع ريقها بتوتر: هه ههيييهه اي يا عم بهزر وياك م مبتهزرش ولا اي. 

_مش عايز اسمع صوت مفهوم؟! 

نور بترفع ايديها بتوتر وخوف: مفهوم مفهوم والله ا انا خرصت خالص اهو. 

_اسمعيني كويس وركزي ف كل كلمة انا هقولهالك

نور بتقاطعه هي بتشاور ع المسدس بغباء: هو البتاع دا حقيقي؟؟! 

سيف وهو بينفخ بضيق منها وبيقولها بعصبية: اووف بت انتي متعصبنيش. 

نور بضيق: اي يا عم انت خلقك ضيق كدا ليه انا بسألك بس البتاع دا حقيقي ولا لعبة. 

سيف وهو بيرفع المسدس في وشها ببرود: تحبي تتأكدي بنفسك؟! 

نور بتبلع ريقها بتوتر: ل لا لا خلاص خلاص. 

سيف وهو بيبصلها بنظرة مرعبة: قلت مش عايز اسمع صوتك مفهوم؟! 

نور بخوف: خلاص خلاص هخرس اهو والله. 

سيف: بصي يا انسه نور ان.. 

بتقاطع نور كلامه من تاني: اي. دا هو انت عارف اسمي كمان؟! 

بينفخ الشخص منها بضيق وبيطلع مسدسه من تاني وبيعمره: 

_لا دا انا شكلي هخلص عليكي احسن. 

نور برعب: لا لا خلاص والله ما عدت متكلمة تاني هسكت خالص والله. 

الشخص بتهديد: لو سمعت صوتك تاني هفرغ المسدس دا ف دماغك فاهمة؟! 

بتهز نور دماغها بسرعه وخوف 

_شطورة.. ركزي بقا ف كلامي كويس انا مش جايبك هنا عشان أئذيكي انا جايبك هنا عشان عايز مساعدتك. 

نور باستغراب: مساعدتي؟!انا؟! 

_ايوه انتي للاسف يعني. 

نور: بس هو انا اعرفك عشان اساعدك؟! يعني المعروف مثلا ان الخاطفين بيطلبوا فدية والكلام دا.. ولا دا خطف من نوع جديد؟! 

الشخص بضيق: ما انتي لو تخرصي وتسمعيني هتعرفي انا جايبك هنا ليه؟! 

نور: احم تمام تمام اتفضل. 

_اولا كدا معاكي المقدم سيف. 

نور بصدمة: مقدم؟! يعني حكومة وكدا؟! ومن امتا الحكومة ليها ف الخطف؟! انا والله ما عملت حاجه والله!!

سيف: انسه نور انا قولتلك ان انا عايز مساعدتك مقلتش ان حضرتك عملتي حاجه. 

نور باستغراب: مساعدتي ؟! انت مجنون؟! يعني تخطفني وتقول عايز مساعدتي؟ وانا هساعدكوا في اي ان شاء الله؟! انا مش فاهمة حاجه؟ 

سيف: انا هشرحلك كل حاجه دلوقتي بس اسمعيني كويس"

نور: تمام اتفضل يا حضرة الخاطف،كلي آذان صاغية. 

سيف بضيق: اووف يا بت انتي فاهمة نفسك فين؟! 

نور: يا عم خلصنا بقا خليني اروح. 

سيف: تمام ركزي بقا كويس. 

نور: حاضر 

سيف: جدك.... 

نور بمقاطعه: ماله جدي؟! 

سيف بهدوء: تاجر سلاح... والمطلوب منك تساعدينا نقبض عليه. 

نور (بتتراجع خطوتين لورا ووشها مصدوم): اييه؟! جدي ايه وتاجر اي؟! انت بتقول اي؟! 

سيف بهدوء: دي الحقيقه.. جدك تاجر سلاح. 

نور بضحك: هههههه انت بتقول اي، قال جدي تاجر سلاح قال ههه لا نكتة حلوة. 

سيف: انا مش بكدب عليكي دي الحقيقة.. جدك تاجر سلاح وعمك دراعه اليمين. 

نور بصدمة ودموعها بقت بتنزل علي خدها: لا لا انت بتقول اي؟! مستحيل!! لا لا مستحيل!! جدي انا تاجر سلاح؟! وكمان عمي!! انا انا عايشه وسط تجار سلاح لا لا استحاله تكون دي الحقيقة. 

سيف بهدوء: للاسف هي دي الحقيقة ولازم تصدقيها. 

نور بدموع: ب بس بس ممكن تكونو غلطانين... استحاله لا لا استحاله انا مش قادرة اصدق. 

سيف بهدوء وثبات: للاسف قولتلك دي هي الحقيقه، واحنا متأكدين، وعندنا تسجيلات وصفقات. 

نور ( بدموع وصوت بيترعش): ل لا م مستحيل لا مش قادرة اصدق . 

سيف (بيتحرك خطوتين لقدام، صوته حاد): لا صدقي.... اسمعيني كويس وللاخر.. احنا عايزين تتقربي من جدك، وتعرفي مكان المخزن اللي بيخبي فيه الشحنات. 

نور بترجع لورا بخوف: انا؟! لا لا مستحيل! مش هقدر! مش هقدر اعمل كدا! ازااي؟ 

وبتكمل كلامها بقوة وعينيها مليانه دموع: و وبعدين انا اي اللي يخليني اصدق ان كلامك دا صح؟ ما ممكن تكون بتكدب. 

سيف بيبص ليها بعنين ساكنين، وبياخد من جيبه جهاز صغير وكان مسجل قديم وبيشغله وبيطلع صوت جدها وعمها وهما بيتكلموا عن مكان ومواعيد تسليم، وصوت ضحكهم. 

نور بتتجمد مكانها والدموع بتسيح علي وشها واللون اتسحب من وشها. 

سيف بهدوء: اظن انك دلوقتي صدقتي..عارف ان دي صدمة كبيرة بالنسبالك بس افتكري ان دم كتير بيتسفك... ودمك كمان مش هيبقي ف امان. 

نور والدموع مغرقة:ازاااي؟؟!اززاي؟!!اااه لا لا!!ي يعني انا طول الفترة دي عايشه مع تجار سلاح؟!يعني انا من عيلة تجار سلاح؟!

سيف بهدوء: اهدي انا مقدر ان كل الكلام دا صعب عليكي بس كل حاجه هتكون بخير بس انتي لازم تساعدينا. 

نور ببكاء شديد: لا لا صدقني مش هقدر.. مش هقدر اعمل كدا.. دول مهما كانوا عيلتي.. م مش هقدر اسلم عيلتي للسجن بنفسي مش هقدر صدقني. 

سيف بهدوء وهو بيرمي ف وشها الصدمه اللي هتشقلب حياتها : حتي لو عرفتي ان هما السبب في موت والدتك؟! 

الجملة دي كانت بمثابة قمبلة وفرقعت في وش نور 

بتحس ان العالم اسود حواليها دموعها بقت بتقع بغزارة و قلبها بيدق جامد وجسمها بقا متجمد والكلام واقف في حلقها مش قادرة تطلعه بقت حاسه ان اليوم دا اسود يوم ف حياتها. 

نور وصوتها بيطلع بالعافية: مـ ماما؟؟! ا ا ازااي؟!

 

سيف بيتنفس بهدوء وبيقولها: امك عرفت

 حاجات كانت خطيرة عليهم، ولما حاولت تكشف قرروا  يتعاملوا معاها بنفس الطريقه اللي بيتعاملوا بيها مع اي حد بيهدد مصالحهم. 

نور ببكاء شديد: ازاي؟! اززاي قدروا يعملوا كدا؟؟! 

سيف بكل هدوء: هما قدروا يخلوها تبدو كأنها مشكلة طبيعيه، ترتيب، مفيش أثر يودي ليهم، لكن احنا لقينا حاجات، تسجيلات وصور، والادلة بتقول انهم كانوا خايفين انها تفضحهم فقرروا يتخلصوا منها. 

نور بقت بتصرخ وتعيط بشدة: لااا... ليييييه عملتوا كدااا ليييييييه؟!! ماااااامااااا مااااااااامااااا. 

نور قعدت ع الارض وبقت بتبكي بشدة وبقت منهارة 

سيف نزل لمستواها وحط ايده علي كتفها بحنية: اهدي، وخليكي قويه، ومتضعفيش، لازم تكوني قوية عشان تجيبي حق مامتك، ولا انتي عايزة حقها يضيع، ومش بس مامتك اللي كانت ضحيه ليه في ناس كتير كانوا ضحايا لجدك وعمك ناس كتير ماتوا بسببهم. 

نور فضلت تتذكر ذكرياتها مع مامتها، وكل لحظه قضتها معاها، صوتها وهي بتطبطب عليها، شكل ايديها وهي حطاها علي وشها قبل ما تنام، فجأة حزنها تحول لغضب والغضب بقا بركان. 

نور بغضب: انا مش هسيبهم يتهنوا بأي لحظة انا هنتقم منهم ونهايتهم هتبقي علي ايدي مش هسيبهم يفلتوا بعمايلهم  . 

سيف بهدوء وتشجيع: ايوه لازم تكوني قويه وترجعي حق والدتك وحق ناس كتير تانيين، بس خلي بالك الطريق خطر، ومش كل اللي بنعدك بيه مضمون. 

نور خدت نفسها بقوة،و مسحت دموعها بايديها، قامت وقفت بقوة وعينيها مليانه انتقام و غضب. 

نور بقوة ودموع : انا هساعدكم وهنتقم، انا مستعدة...اي هي الخطة؟!اقدر اساعدكوا ازاي؟! 

ــــــــــــــــــــــــــــــــــــــــــــــــــــــــــــــــــــــــــــــــــــــــــ 🖤🖤🖤🖤🖤🖤🖤🖤🖤🖤🖤🖤🖤🖤🖤

تفتكروا نور هتقدر تواجه جدها وعمها وتنتقم منهم وتكون السبب ف نهايتهم ولا هتضعف ومش هتقدر؟! 

وهل لو نور دخلت اللعبة دي... هتطلع منها زي ما دخلت ولا هتتغير 180 درجه؟!

#البارت_2

#حب_في_مهمة ✨

#بقلم_Memo 

نور واقفه قدام سيف، قلبها لسه بيتخبط، و دموعها لسه منشفتش، لكن عينيها كانت مولعه بنار الانتقام والغضب. 

نور بشجاعه مصطنعه وحزن: أنا جاهزة، ومش فارق معايا اي حاجه غير اني اجيب حق ماما. 

سيف: تمام... اول حاجه عايزك تروحي بيت جدك ولا كأن فيه حاجه، وتعيشي طبيعي وحاولي تبيني انك عادي عشان محدش يشك فيكي، واي جمله ، اي كلمة، اي حركة غريبة تعرفهاني علي طول. 

نور بتوتر: طب لو شكوا فيا او عرفوا؟ 

سيف بهدوء: متقلقيش كل حاجه مترتبة واحنا معاكي مش هنسيبك وعنينا عليكي بس اهم حاجه حاولي متخليش اي حد يشك فيكي. 

نور بتوتر: تمام هحاول. 

سيف بيطلع موبايلها من جيبه وبيديهولها 

سيف بهدوء: اتفضلي الموبايل بتاعك انا سجلت رقمي عندك وخدت رقمك عشان نبقي نتواصل وصحيح انا مسجلتوش باسمي انا سجلته بنقط عشان لو حد شافه منتكشفش. 

نور بهدوء: تمام. 

سيف وهو بيحاول يلطف الجو معاها شويه: طب يلا بقا عشان اروحك ولا عايزة تقعدي هنا كمان شويه. 

نور بابتسامه خفيفه بس وراها حزن ووجع كبير: لا طبعا هروح. 

سيف: تمام يلا بينا. 

بيركب سيف عربيته ونور بتروح قاعدة ورا. 

سيف وهو بيرفع حاجبه: اي دا هو انا السواق بتاع الهانم ولا اي؟! 

نور باستغراب: ليه؟ 

سيف: ما تيجي اقعدي قدام. 

نور بهدوء: لا انا مرتاحه كدا. 

سيف بضيق:الكلام دا لما اكون السواق بتاع حضرتك يا هانم. 

بتنفخ نور بضيق وبتنزل من العربية وبتقعد قدام. 

نور بضيق: ارتحت كدا. 

سيف بهدوء: تمام. 

بيسوق سيف العربية وبينزلها بعيد شويه عن بيتها عشان محدش يشوفهم. 

بتنزل نور من العربية 

سيف بهدوء: خلي بالك من نفسك، ومتنسيش اتعاملي عادي عشان محدش يشك فيكي. 

نور: تمام... سلام. 

سيف: سلام 

بيمشي سيف ونور بتفضل تتمشي لحد القصر 

وبتدخل القصر وبتطلع علي اوضتها بسرعه لانها مش عايزة تشوف وش اي حد ف القصر بس للاسف بتسمع صوت اكتر شخص بقت بتكرهه ف حياتها بيناديها. 

_نور، استني عندك 

نور بتبصله وبيبقي نفسها تمسكه تخنقه او تولع فيه بس بتحاول تمسك نفسها وتبان عادي 

نور بهدوء: نعم يا جدي.

_كنتي فين؟! 

نور: كنت مع صحابي. 

_متأكدة؟! 

نور وهي بتحاول تتماسك بهدوئها: ايوه يا جدو وانا هكدب عليك ليه. 

_تمام. 

بتكمل نور طلوعها لاوضتها بسرعه  

نور بهمس: الشارع اللي قدام، تك قرف اللهي تولع مكانك وانت واقف الله يلعنك. 

دخلت نور اوضتها ورمت نفسها ع السرير، وقلبها بيولع  اكتر من دموعها. 

بتحاول تنام عشان تهرب من الواقع اللي هي عايشه فيه بس هيجيلها نوم منين. 

نور بدموع وحزن: يا رب هون عليا يا رب. 

بتنام نور من التعب لان اليوم اصلا كان مرهق ومتعب بالنسبالها. 

بعد كم ساعه بتصحي نور علي رنة الموبايل. 

نور بنعاس: امم هو مين الرخم اللي بيرن دلوقتي. 

بتكمل نور نومها وبتسيب الموبايل يرن. 

الموبايل بيرن رنة ورا التانية ورا التالته 

نور بنعاس: يوووه بقا دا اي الرخامة دي. 

بتمسك نور الموبايل بتلاقي نقط. 

نور باستغراب: نقط.. نقط اي دا اي دا انا مش فاكرة اني سجلت حد كدا..... طيب عشان رخامة امك بقا مش فاتحه. 

بتسيب نور الموبايل وبتكمل نومها لحد ما الموبايل يفضل يرن للمرة السابعه. 

نور بضيق:يوووه بقا هو الواحد ميعرفش ينام خالص 

واخيرا نور بتقرر ترد الحمد لله. 

نور بضيق : الو..اي شغال رن رن هو مفيش دم خالص. 

سيف بغضب: دا انا اللي هاجي اشرب من دمك دلوقتي. 

نور: مين؟! 

سيف بعصبية: هو اي اللي مين انتي عبيطه يا بت..وبعدين انا هتحايل علي امك عشان تفتحي يا زفتة . 

نور بضيق: ما تخلص يا عم تقول مين وتخل...... 

لسه نور مكملتش كلامها وبتفتكر وبتبقي عايزة الارض تتشق وتبلعها

نور بتكمل كلامها باحراج: ههه ثانية واحدة احم احم... اا اا سيف. 

سيف: افف استغفر الله العظيم يا رب هو انتي عندك فقدان ذاكرة ولا اي يا بنتي دا احنا لسه ف البداية.... افف شكلها هتبقي بداية فل ان شاء الله. 

نور بتوتر واحراج: اهه لا لا ا انا بس بس ع عشان كنتي نايمة ولسه صاحية دلوقتي علي الرن وبعدين انا لسه يعني ملحقتش استوعب حاجه. 

سيف بضيق: امم واحنا هنقضيها نوم من اولها ولا اي. 

نور بضيق: لا بقولك اي انا مش طايقه حد ولا طايقه نفسي و مخنوقه يعني مش ناقصاك. 

وبتكمل بحزن: ما انت مش حاسس باللي انا حاسه بيه عارف يعني اي بين يوم وليله اكتشف ان اهلي تجار سلاح 

وبتكمل نور كلامها ودموعها بقت بتنزل علي خدها: و ك كمان اعرف ان هما اللي قتلوا امي ودمروا حياتي... ان..انا جوايا وجع كبير اوي محدش حاسس بيه. 

بيتنهد سيف بحزن علي كلامها: انا مقدرك والله بس لازم تكوني قوية عشان تاخدي حق امك وتخلصي الناس من شر جدك.. بصي خديلك فترة ارتاحي فيها وعشان تستوعبي بردو ودماغك تقدر تشتغل بس خلي بالك الفترة دي مش هتطول اشطا؟! عشان متخديش علي كدا يعني 

نور: لا لا متقلقش انا اصلا مش ههدي ولا هيرتاح بالي الا لما اخد حق ماما. 

سيف بهدوء: تمام ريحيلك يومين وان شاء الله هبقي احكيلك تعملي اي. 

نور: تمام. 

سيف: تمام سلام. 

نور: سلام. 

بتقفل نور معاه وبتكمل نومها تاني. ـــــــــــــــــــــــــــــــــــــــــــــــــــــــــــــــــــــــــــــــــــــــــ

نروح بقا عند سيف 

بيبقي قاعد مع صاحبه سليم ف المكتب

سليم: انت متأكد يابني ان البنت دي هتقدر تعمل حاجه، افرض معرفتش وبوظت كل خططنا كدا كل الخطط اللي خططنهالها هتروح. 

سيف بهدوء: متقلقش انا واثق انها هتقدر متشغلش دماغك انت. 

سليم بمرح وهو بيغمزله: بس اي البت مزة. 

سيف بغضب: سليم احترم نفسك ويلا برا من مكتبي. 

سليم مصطنع الضيق: اي دا انت بتطردني يا صاحبي. 

سيف: ايوه بطردك خلي عندك دم بقا واطلع. 

سيف مصطنع الحزن: ماشي يا صاحبي بس مكنش العشم بردو. 

سيف وهو بيشاور ع الباب: برا يلا. 

سليم وهو بيطلع بمرح وضحك: بس مزة بردو. 

سيف وهو بيضحك عليه: نفسي بس اعرف مين الحمار اللي دخلك شرطة والله. 

ــــــــــــــــــــــــــــــــــــــــــــــــــــــــــــــــــــــــــــــــــــــــــ نرجع تاني لنور 

بتصحي نور من نومها 

نور: هو انا فعلا هفضل مقضياها نوم ولا اي انا لازم ابدأ دلوقتي لازم ارجع حق ماما. 

بتقوم نور وبتنزل تحت بتلاقي جدها وعمها ف المكتب  ف بتقرر انها تتصنت عليهم وتحاول تطلع ب اي معلومه . 

ــــــــــــــــــــــــــــــــــــــــــــــــــــــــــــــــــــــــــــــــــــــــــ

يا تري نور هتلاقي معلومات تفيدهم ولا مش هتقدر تفيدهم بحاجه؟! 

وهل هي هتقدر تاخد حق مامتها وتكون السبب ف سجنهم ولا مش هتقدر وهيكشفوها؟! 

#البارت_التالت

#رواية_حب_في_مهمة ✨

#بقلم_Memo 

بتقوم نور وبتنزل تحت بتلاقي جدها وعمها ف المكتب  ف بتقرر انها تتصنت عليهم وتحاول تطلع ب اي معلومه . 

 و بتحط ودانها ع الباب عشان تقدر تسمع كويس 

...... 

_ الجد (بصوت هادي لكن فيه قسوة): 

_"الصفقة دي مش زي اي صفقة فاتت... اي غلطة هتدمرنا كلنا. 

هاشم بهدوء، عينه فيها ذكاء وحذر: 

_"أنا رتبت كل حاجه، الصفقة اللي جايه هتتعقد مع جماعه برة مصر، سلاح نوعيته أعلي من اللي كنا بنتعامل بيه، والمكسب هيكون ضعف اللي فات.

حسنين هز راسه ببطئ،عينه بتبرق ببرود : كويس.. بس عايزك تفتكر... احنا مش بنلعب عشان فلوس... احنا بنلعب عشان نخلي اسم الجبالي رعب، اللي يفكر يقف قصادنا يفكر ألف مرة.

هشام: صح يا كبير. 

بيكمل حسنين بصوته الغليظ: 

_"   الصفقة دي لازم تتسلم قبل آخر الشهر..... السلاح اتجمع واتخزن ف المخازن الجديدة، ومفيش مجال للغلط . "

هاشم:صحيح الشرطة بدأت تشم ريحة يا كبير.... بس مطمن، عندنا رجالتنا ف كل مكان.. و الشركات اللي بره غطا كفاية يبعد الشبهات. 

حسنين(بابتسامه باردة): 

_"احنا طول عمرنا بنتحرك صح، ومحدش يقدر يمسك علينا حاجه.. 

..... 

نور بهمس ف سرها: آه يا ولاد الكلب وربنا نهايتكوا هتبقي علي ايدي يا شوية كلاب. 

بتتسحب نور براحه وبتطلع علي اوضتها بسرعه وبتقفل الباب وراها وبتسند ضهرها عليه ودموعها بقت بتنزل علي خدها. 

نور بهمس ودموع: يا رب قويني يا رب يا رب. 

بتقعد نور علي سريرها وبتاخد نفس وبتحاول تبان قوية وبتمسك موبايلها وبتقرر ترن علي سيف. 

نور بهدوء: الو. 

سيف: الو اي يا نور. 

نور: انا دلوقتي كنت نزلت ولقيت جدي وعمي ف المكتب ف وقفت أتصنت. 

سيف: براڤو عليكي يا نور انا عارف انك قدها

وبيكمل كلامه: ها سمعتي اي؟! 

نور: سمعتهم بيقولوا ان الصفقه دي مش زي اي صفقة فاتت واي غلطة هتدمرهم. 

سيف: ها طب ومعرفتيش حاجه عن الصفقه دي؟ 

نور: انا سمعتهم بيقولوا ان الصفقة دي هتتعقد مع جماعة برة مصر والسلاح نوعيته اعلي من اللي كانوا بيتعاملوا بيه قبل كدا وكمان المكسب هيبقي ضعف اللي فات. 

سيف: تمام طب معرفتيش الصفقة دي امتا وفين؟!

نور: لا اللي سمعته ان الصفقه دي هتتسلم قبل آخر الشهر والسلاح اتجمع واتخزن ف المخازن الجديدة. 

سيف: امم طب معرفتيش امتا بالظبط او المخازن الجديدة دي فين. 

نور: لا للاسف، انا كل اللي سمعته قولتهولك. 

سيف: تمام كويس اوي بجد براڤوا عليكي  عايزك بقا تعرفيلي معلومات اكتر عن الصفقة دي وتحاولي تعرفيلي هي امتا ومكانها فين بالتحديد. 

نور بهدوء: تمام هحاول. 

بتقفل نور معاه وبتقعد علي سريرها حزينة وعماله بتفتكر ذكرياتها مع مامتها. 

نور بدموع وهي ماسكه موبايلها وبتضغط عليه بقوة: وربنا لهدمركم ونهايتكوا هتبقي علي ايدي ومش هرحمكم يا كلاب هوريكم ازاي تحرموني من امي وتدمرولي حياتي وحياة ناس كتير. 

شوية وبتلاقي حور صاحبتها بترن عليها. 

نور  بتمسح دموعها بسرعه وبتفتح على حور. 

نور: الو اي يا قلبي. 

حور: الو اي يا بنتي كنتي فين اختفيتي مرة واحدة كدا ورنيت عليكي كتير وانتي مبترديش قلقتينا عليكي اوي. 

نور بتتوتر ومبتبقاش عارفه ترد عليها تقولها اي بس بتحاول تألف اي كدبة تقولهالها 

نور: ااا اا مفيش ا انا كنت تعبانة شوية وروحت ونسيت اقولكوا خالص ونمت اا نمت محستش بالتيليفون خالص و اا هو اصلا كان صامت ف عشان كدا مسمعتش الرن. 

حور بشك: متأكدة ولا دي حجه بتكدبي عليا بيها. 

نور بتوتر: لا لا وانا هكدب عليكي ليه انا فعلا تعبانة  . 

حور: طب الف سلامة عليكي دا احنا قلنا البت اتخطفت ولا اي 

نور بقت متوترة اكتر:ه هه لا لا خطف اي بس ا انا كنت تعبانة زي ما قولتلك.

 

حور:امم طب بصي خلاص انا هكلم رهف وهنجيلك دلوقتي عشان نطمن عليكي. 

نور بسرعه بتوتر: لا لا خليكوا متتعبوش نفسكوا. 

حور: لا لا ولا تعب ولا حاجه وبعدين انا قلت هنجيلك يعني هنجيلك. 

نور بتوتر: ب بس انا مش عايزة اتعبكوا معايا. 

حور: بت انتي متعصبنيش قلتلك هجيب رهف ونيجي وهقول كمان ل شهد تيجي معانا. 

نور بقلة حيله: ا احم تمام. 

حور: تمام سلام. 

نور: سلام. 

بتقفل نور معاها وبتتنفس بتوتر 

نور: افف ربنا يستر، مش لازم اي حد يعرف انا كنت فين امبارح ولا يعرفوا اي حاجه.. يا رب انا مش قد الحكاية دي والله يا رب يا رب التوفيق من عندك. 

بعد شوية وقت بتلاقي الباب بيخبط. 

نور: مين. 

الخدامة: صحابك تحت يا ست هانم. 

نور: تمام يا صبحية انا نازلة اهو. 

بتنزل نور من اوضتها وهي بتحاول تمسح كل آثار الدموع اللي في عينيها 

وصلت الصاله لقت حور ورهف وشهد قاعدين مستنينها 

حور وهي بتبص عليها بتركيز: اي يا بت شكلك تعبانة بجد ولا اي، انتي عامله اي؟ 

نور بابتسامه: الحمد لله يا قلبي، شوية صداع بس. 

رهف وهي ماسكه ايديها: طب وانتي مقولتلناش ليه كنا علي الاقل وصلناكي بدل القلق اللي انتي قلقتيهولنا امبارح  . 

شهد: بجد انتي قلقتينا عليكي اوي.

 

نور بتوتر: م ما انا مكنتش عايزة اتعبكوا معايا. 

شهد: بت انتي، انتي عبيطه تعب ايه ولا بتاع اي. 

نور: خلاص خلاص يا جماعه حقكوا عليا، تعالو بقا نروح نقعد ف الاوضه. 

حور: تمام يلا 

بيروحو البنات ع الاوضه بس وهما رايحين شهد بتقولهم: 

_"طب انا عطشانه هروح اشرب واحصلكوا. 

البنات: تمام ماشي. 

بيسبقوها البنات وهي بتروح تشرب 

بس وهي ماشيه بتلاقي نفسها بتخبط ف جسم صلب. 

شهد: اه. 

يوسف بضيق: انتي غبية؟! 

شهد بتوتر وخجل: ا انا آسفه مكنش قصدي. 

يوسف بهدوء: خلاص خلاص حصل خير. 

شهد بتوتر: ت تمام انا آسفه مرة تانيه. 

يوسف: خلاص يا بنتي انتي هتفضلي تتأسفيلي طول اليوم. 

شهد بتوتر: آسفه. 

يوسف بضحك: هههه لا دي اسطوانه بقا. 

بتوه شهد في ضحكتوا وبتفضل تبصله كتير. 

يوسف بغرور: عارف اني قمور. 

شهد ووشها بقا عبارة عن فرواله من الاحراج: اا اا ل لا اا ه ل. 

يوسف بابتسامه: خلاص خلاص يا بنتي هي شجرة الفروالة طلعت ولا اي. 

بتتحرج شهد من كلامه اكتر ووشها احمر اكتر. 

يوسف بضحك: يا نهار ابيض خلاص خلاص يا بنتي وشك شوية و هيفرقع. 

شهد بتوتر واحراج: ع ع عن ا اذنك. 

بتجري شهد من قدامه بسرعه وبتروح علي اوضة نور وهي هتموت من الاحراج وبيبقي شكلها اهبل اوي ويوسف بيضحك عليها. 

بتدخل شهد اوضه نور بسرعه وهي عماله تتنفس باحراج وتوتر 

بيبصولها البنات باستغراب ومش عارفين هي مالها. 

حور: الله مالك يا بت وشك احمر اوي كدا ليه. 

نور: دا وشها شوية وهيفرقع. 

رهف بضحك: اوعي تكوني شوفتيه. 

نور وحور بضحك: شكلها كدا. 

شهد باحراج: اسكتوا بقا، وايوا شوفته وخبطت فيه. 

رهف: اوووو احكيلنا بقا وبعدين. 

بتحكيلهم شهد علي اللي حصل وبيضحكوا البنات عليها. 

نور بضحك: طب وانتي يا بنت الموكوسه مش عارفه تمسكي نفسك شويه بدل ما انتي فضلتي واقفة مبحلقه فيه كدا. 

شهد: اعمل اي يعني ضحكتوا حلوة اوي وتخطف القلب كدا ومقدرتش مسرحش في الضحكة القمر دي. 

حور بضحك: نفسي بس اعرف حبيتي فيه ايه. 

شهد وهي بتبصلها برفعة حاجه: ليه ياختي وهو ماله بقا ان شاء الله. 

حور بضحك: لا لا دا انا بقولك زي العسل. 

شهد بغيره: طب اسكتي بقا لحسن بغير. 

بيضحكوا البنات عليها. 

نور بضحك: دا انتي شكلك واقعه من الدور ال200.

رهف بضحك: لا ياختي دي معدية كمان. 

بيفضلوا البنات يضحكوا مع بعض شوية وشوية وبيروحو 

ـــــــــــ

(صحيح نسيت اعرفكم 🤦🏻‍♀️

يوسف دا يبقي ابن عم نور وشهد معجبة بيه وبتحبه) 

ــــــــــــ

.... 

بالليل بتنادي الخدامة علي نور عشان تنزل تتعشا

بتنزل نور بس هي مش طايقة فكرة ان هي تاكل مع جدها وعمها علي سفرة واحدة بس للاسف ما في اليد حيلة  . 

نور بهمس: اففف استغفر الله العظيم  يا رب اعع مش طايقه انا اقعد اتعشي مع العرر دول بس اقول اي مغلوبة علي أمري 

بتقعد نور ع السفرة وكانت بتحاول انها تخبي ضيقها بصعوبة. 

حسنين: هو انتي بقا يا استاذة نور عامله حظر ولا اي. 

نور باستغراب: حظر.. حظر اي يا جدي. 

حسنين: اصلك يعني طول اليوم متلحقة في اوضتك مبتطلعيش. 

نور بهمس: متلقحة؟! تك تلقيحه تجيلك يا بعيد. 

نور: اصل انا كنت تعبانة شويه يا جدو ف كنت مريحه في اوضتي. 

حسنين: اممم تمام 

نور بهمس: الشارع اللي قدام. 

بعد ما بيخلصوا عشا. 

حسنين: يلا يا هاشم. 

هاشم: تمام انا جاي وراك يا كبير. 

نور فضول: رايح علي فين يا جدي. 

حسنين: دا شغل مهم كدا هنخلصه. 

نور: امم تمام ربنا يعينكو 

وبتكمل بهمس:ربنا ياخدكو يلا غورو اهو يخلالي الجو شوية واعرف اطلع بحاجه. 

بيمشي حسنين وهاشم ونور بتطلع علي اوضتها عشان ترن علي سيف. 

نور: الو يا سيف. 

سيف: ها يا نور فيه حاجه جديدة؟ 

نور: امم جدي دلوقتي هو وعمي طلعوا برا القصر وشكلهم هيطولو. 

سيف: امم حاجه كويسه طب بصي انتي تنزلي دلوقتي علي مكتب جدك وتحاولي تدوري علي اي حاجه ف المكتب اي حاجه هتفيدنا. 

نور: تمام انا نازله دلوقتي سلام. 

سيف: سلام. 

بتنزل نور وبتتسحب براحه وبتدخل المكتب. 

نور بتوتر: احم بسم الله يا رب استر معايا. 

بتفضل نور تدور ف المكتب وبيبقي فيه ورق ياما بس ملوش علاقه بشغلهم الاساسي 

وبتفتح الخزنة بتلاقي بعض الملفات بس لما بتفتحهم بتلاقيهم ملفات للشركة 

نور بتأفف: يوووه بقا انا مش لاقيه حاجه انا زهقت.... ثانية انا لسه مفتحتش الخزنة دي ما ممكن الاقي فيها حاجه. 

بتجرب نور تفتحها بس مبتعرفش لانها بتكون مقفوله. 

نور: افف لا انا حاسه ان اكيد الخزنة دي فيها حاجه، بس هفتحها ازاي.. اه انا لازم ادور ع المفتاح لازم الحق الاقيه قبل ما هما ييجو.. 

بتفضل نور تدور وتفتش بس فججأأة بتسمع صوت من خلفها. 

_نوور انتي بتعملي اي عندك. 

بتتجمد نور مكانها ومبتبقاش قادرة تتحرك من الصدمة وكانت خلاص بتقول ان هي انتهت 

ــــــــــــــــــــــــــــــــــــــــــــــــــــــــــــــــــــــــــــــــــــــــــ

تتوقعوا اي اللي هيحصل مع نور ف البارت اللي جاي؟! 

هل هي كدا انتهت ولا؟! 

#البارت_4

#حب_في_مهمة✨

#بقلم_Memo

بتلف نور ببطئ، قلبها كان بيدق بشدة وكانت حاسه ان هي خلاص انتهت. 

نور بتوتر: ااا ان انا انا اا هه.. انا.. اه ك ك كنت بدور علي موبايلي مش ل لاقياه خالص ف فبدور عليه. 

مالك باستغراب وشك: موبايلك؟! وهو اي اللي هيجيب موبايلك هنا في المكتب؟!. 

نور بتوتر: هه هه ههه م مش عارفه ا انا مش لاقياه خ خالص ف فقلت ادور عليه هنا ممكن الاقيه. 

مالك باستغراب: امم تمام. 

وبيكمل بشك: بس!.. انتي كويسه؟! فيكي حاجه؟! حاسك غريبه كدا ومش علي بعضك... انتي كويسه؟! 

نور بتتوتر اكتر: ا اا انا؟هههه انا كويسه خالص مفييش اي حاجه الحمد لله كويسه ا انا زي الفل اهو. 

مالك بشك: متأكدة؟! اومال مالك مش علي بعضك ليه؟ 

نور بتوتر: لا لا ولا ا اي حاجه انا زي الفل اهو.. اا صحيح انا ه هروح ادور ع علي موبايلي في اي حتة تانية بقا ل لحسن م مش لاقياه هنا خالص.. ي يلا جوود بااي سلاام. 

مالك باستغراب: سلام. 

بتطلع نور من المكتب بسرعه. 

مالك باستغراب وشك: هي نور مالها؟! مش علي بعضها خالص... انا حاسس انها مخبية حاجه.. بس اي هي؟! 

(مالك يبقي ابن عم نور واخو يوسف) 

_________

بتروح نور علي اوضتها بسرعه 

وبتحط  ايديها علي قلبها وفضلت تتنفس بتوتر،وقلبها كان بيدق جامد. 

نور: اوووف الحمد لله يا رب ااااه كنت هتكشف دلوقتي.. يا رب مالك ما يشك في حاجه ولا يحط الموضوع في باله يا رب. 

بتضرب نور بايديها علي وشها: ااه انا بنت غبية اوي كانت كل حاجه هتتكشف دلوقتي ااه دا انا لسه في البداية... اووف علي رأي سيف شكلها هتبقي بداية فل. 

نور بتوتر: اا انا هرن علي سيف دلوقتي واحكيله.. ا ايوه لازم احكيله. 

نور بتراجع: لا لا مش لازم اقوله حاجه لو قلتله هيبهدلني وانا مش ناقصه كلام. 

نور بتوتر: ب بس انا لازم اقوله لازم احكيله علي كل حاجه بتحصل... ايوه لازم احكيله واهو يلا اهي حتة بهدلة يعني مش اكتر. 

بتكمل كلامها بتراجع:لا وهو يزعقلي ليه اصلا انا معملتش حاجه هو انا كنت اعرف ان مالك هييجي يعني ويشوفني. 

بتكمل بتنهد: اااه خلاص  انا هرن اقوله وخلاص واعرفه بالمعلومات اللي عرفتها دا ان كان ليها فايدة اصلا. 

بترن نور عليه وبيفتح  

نور بتوتر: اا الو ازيك ي يا سيف 

سيف: الحمد لله كويس... ها وصلتي لحاجه. 

نور بتوتر: ااا ههه اا هه اا ايوه ايوه. 

سيف باستغراب: مالك يا نور فيه حاجه ولا اي؟! 

نور بتوتر: لا لا ل لا ك كل حاجه ك كويسه ك كك كل حاجه ك كو...... 

بيقاطعها سيف بضيق: نور فيه ايه؟! جيبي من الاخر. 

نور بتوتر: هه هه اا بص ا انا ك كنت ف المكتب. 

سيف: امم وبعدين. 

نور: ك كنت ف المكتب و وو ااا كنت ف المكتب و... 

سيف بضيق: ها وبعدين. 

نور بتوتر: هه ب بحكيلك اهو ا انا كنت ف المكتب. 

سيف بضيق: اووف كنتي في المكتب يعني وبعدين. 

نور بتوتر: ك كنت في المكتب.. و اا المك مكتب اه و وو هه 

سيف بتافف وضيق: اووف بت انتي متشلنيش اخلصي. 

نور: ههه اصبر هحكيلك اهو كنت كن كنت في ال... 

ببقاطعها سيف بعصبية: 

_"عرفناا انك كنتي في الزفت المكتب اخلصي بقا ومتشلنيش انا علي اخري. 

نور بضيق: يا عم اصبر بقا وبعدين متزعقليش كدا. 

سيف بهدوء مصطنع: بصي انا هادي اهو ف اخلصي قولي انا مش ناقص شلل انا. 

نور: بص انا كنت في.. 

بيقاطعها سيف بعصبيه: اششش في الزفت ام المكتب ادخلي في المفيد علي طول اخلصي متشليش امي كنتي في المكتب ها وبعدين. 

نور باحراج: اا ههههه يا عم ميبقاش خلقك ضيق كدا خلي عندك صبر. 

سيف بضيق: أديني صابر اخلصي بقا. 

نور بتاخد نفس وبتقول بهدوء: انا فضلت ادور في المكتب وفتحت في اوراق كتير بس كل الورق دا كان عادي مفهوش حاجه كلها اوراق ملفات تبع الشركة وكان في خزنات كدا فتحتهم ملقتش غير ملفات تبع الشركة بس كان فيه خزنة مقفوله وشكلها غريب معرفتش افتحها خالص وتقريبا ليها كلمة سر او مفتاح مش عارفه. 

سيف بهدوء: امم ممكن الخزنة دي يكون فيها حاجه تفيدنا.. طب انتي محاولتيش تدوري علي المفاتيح. 

نور: ما انا فضلت ادور علي المفاتيح بس

بتكمل بتوتر: بس ب بس. 

سيف بقلق: ها في اي اي اللي حصل. 

نور بتوتر: و ا انا بدور سمعت صوت مالك ابن عمي ورايا وسألني انا بعمل اي في المكتب وكان شاكك فيا. 

سيف بضيق: هو انتي مقفلتيش الباب وراكي؟! 

نور بتوتر: باب اا باب ااه هه لا بصراحه نسيت خالص ومجاش في بالي ان مالك ابن عمي ممكن يشوفني  . 

بيضرب سيف ايده علي جبهته من غبائها: يعني انتي يا غبيه داخله تفتشي في المكتب ومش عارفه تقفلي الباب وراكي. 

نور بتوتر واحراج: اا احم اهو دا بقا اللي حصل مجاش في بالي خالص انا اسفه. 

سيف بهدوء: تمام تمام المهم انتي قولتيله اي؟ 

نور: قلتله ان انا بدور ع الموبايل بتاعي عشان مش لاقياه. 

سيف: امم وهو قالك اي. 

نور: قالي وهو موبايلي هيعمل اي في المكتب  . 

سيف: امم وانتي رديتي عليه قولتيله اي بقا 

نور: قلتله مش عارفه انا دورت عليه مش لاقياه وقلت ادور هنا بالمرة واتهربت منه ومشيت بس حاسه انه شاكك  فيكي. 

سيف: امم طب انتي حاولي انك تلغي شكوكه دي  وتتعاملي عادي قدامه وافتكري كويس اي غلطه هتدمر كل خططنا. 

نور: لا لا متقلقش ان شاء الله معدش فيه غلط تاني بعد كدا هبقي آخد بالي كويس. 

سيف: تمام خلي بالك من نفسك 

نور: تمام سلام. 

سيف: سلام... متنسيش تدوري ع المفاتيح وتفتحي الخزنة ممكن نلاقي فيها حاجه تفيدنا. 

نور: تمام هحاول سلام 

سيف: سلام 

بتقفل نور معاها وبتتنهد. 

نور بضيق:اف لازم الاقي المفاتيح دي بأي طريقه.... شكل الخزنة دي فيها سر كبير. 

بتكمل بتأفف: اففف امتا الكابوس دا يخلص بقا... هه يلا اما انام بقا وبكرة ابقي اشوف هعمل اي. 

بتغير نور هدومها وبتطلع علي سريرها وبتغمض عنيها عشان تنام 

بس فجأة بتسمع صوت خطوات جاية ناحية اوضتها 

نور بتوتر: هو مين اللي جايلي في الوقت دا. 

الخطوات بتقرب اكتر.. وبعدين الباب بيخبط. 

نور:مين. 

مالك من بره: دا انا يا نور افتحي. 

نور بتتوتر جامد وبتقوم تلبس اسدالها بسرعه 

نور بتوتر: يا نهار ابيض! هو عايز اي دلوقتي؟ اكيد شاكك فيا. 

بتفتح الباب بهدوء وهي بتتصنع العاديه. 

نور:نعم يامالك في ايه؟ 

مالك بنظرة فاحصة: نور جاوبيني بصراحه انتي كنتي بتعملي اي في المكتب من شوية. 

نور بابتسامه مصطنعه: ما لسه قايلالك يا مالك كنت بدور علي الموبايل. 

مالك بيقرب منها اكتر وبصوت هادي: انا مش مقتنع.. وهتابعك من دلوقتي يا نور... انتي بقالك كام يوم غريبه اوي وانا متأكد ان فيه حاجه.. و زي ما قولتلك.. انا هتابعك... واي حركه غريبه انا هعرفها. 

نور بتتجمد مكانها وقلبها بيقع 

مالك بيسيبها ويمشي وهو بيبصلها بنظرة كلها شك. 

نور بتقفل الباب بسرعه 

نور بتوتر:يا لهوي..استر يا رب.. دا لو فضل ورايا كدا انا هتفضح. 

بتمسك الموبايل بسرعه وبتكتب رساله لسيف 

"مالك شاكك فيا جامد وبيقول انه هيراقبني.. لازم نتصرف بسرعه" 

سيف بيرد بعد ثواني: 

"خليكي هادية.. واعملي نفسك طبيعيه لو حس انك مرتبكه هيكشف فورا.. وبالنسبه للمفاتيح ف خلاص انا لقيت الحل. 

بترد نور عليه 

" يعني ايه؟ يعني مدورش علي المفاتيح؟ اومال هفتح الخزنة ازاي؟ 

بعد ثواني بيرد سيف: انا عندي الحل.. بصي هنبقي نتقابل بكرة هبعتلك لوكيشن كافيه هنتقابل فيه بكرة. 

نور: تمام اشوفك بكرة 

سيف: تمام تصبحي علي خير. 

نور: وانت من اهله. 

ــــــــــــــــــــــــــــــــــــــــــــــــــــــــــــــــــــــــــــــــــــــــــ

تاني يوم 

بتستأذن نور من جدها إنها خارجه مع أصحابها، وبتحاول تبان انها عادية جدا، وفعلا بتروح الكافيه اللي متفقه عليه مع سيف. 

سيف كان قاعد مستنيها، اول ما شافها ابتسم ابتسامه صغيرة. 

سيف: أهلا يا نور.... شكلك مرهق. 

نور: الليله اللي فاتت كانت هتكون آخر ليله ليا ... مالك شافني وانا في المكتب.. وبالعافية قدرت اهرب منه.. ورجع تاني جالي الاوضه وقالي انه هيراقبني ف ربنا يستر. 

سيف بهدوء: ان شاء الله كل حاجه هتكون بخير.. بس بعد كدا ابقي خدي بالك كويس لان اي غلطه هتدمرنا ومالك او حتي يوسف مش لازم يعرفوا اي حاجه يعني كويس انك موقعتيش بلسانك. 

نور بهدوء: بس حاسه ان مالك مش هيسيبني في حالي دا ابن عمي وانا عارفاه مش هيرتاح الا اما يعرف ورايا اي. 

سيف: نور مالك ويوسف مش لازم يعرفوا اي حاجه لان لو عرفوا كل حاجه هتبوظ متنسيش ان مش جدهم بس اللي عايزين نخلص منه ابوهم كمان في الحكاية دي ودي مش حاجه سهله ف مش لازم يعرفوا اي حاجه. 

نور: خلاص اطمن ان شاء الله مش هيعرفوا حاجه. 

سيف: تمام انا معتمد عليكي. 

نور: صحيح انت قولتلي امبارح مدورش علي المفاتيح اومال هنفتح الخزنة ازاي. 

سيف وهو بيطلع من شنطته جهاز صغير معدني اسود،شكله غريب: 

سيف: خلاص احنا مش محتاجين مفاتيح، انا جبتلك دا.. دا اللي هيجيبلنا من الاخر. 

نور باستغراب: اي دا؟! 

سيف: دا جهاز بيساعد علي فتح اي خزنة إلكترونية أو ميكانيكيه وهو مش موجود مع اي حد..دا تقنية عاليه....بس لازم تستخدميه بحذر جدا  

نور بابنهار: وااو اي الجمدان دا. 

سيف بابتسامه: اومال يا بنتي.. هو انا اي حد ولا اي. 

نور بضحك: دا اي دا بقا دا غرور دا بقا ولا اي. 

سيف بابتسامة: امم لا مش غرور بس ممكن تعتبريها ثقة بالنفس. 

نور بابتسامه: ماشي يا عم الواثق هات بقا. 

بتاخد نور الجهاز منه وبتحطه في ايديها. 

نور: يعني انا ممكن افتح بيه الخزنة اللي شوفتها؟ 

سيف: بالظبط.. واكيد الخزنة دي مش معموله للملفات العاديه. فيها حاجه كبيرة، ويمكن تكون الدليل اللي يودي جدك وعمك في داهية. 

نور بتوتر: طب ولو اتمسكت. 

سيف: عشان كدا بقولك استخدميه في الوقت الصح وبمنتهي الذكاء... احنا معتمدين عليكي. 

نور بتنهد: حاضر... انا هحاول اكون قدها. 

سيف وهو بيطبطب علي كتفها وبيشجعها: 

"انتي قوية اكتر ما تتصوري يا نور.. انتي قدها.. بس حاولي تخلي بالك من نفسك. 

نور: حاضر. 

سيف: المهم ركزي كويس.... افتحي الخزنة، شوفي اللي فيها وصوري كل ورقه أو مستند تلاقيه، بس خلي بالك، متاخديش حاجه.. لأن لو نقص ورق هيتكشف إن حد دخل. 

نور: حاضر هاخد بالي كويس اطمن. 

سيف: تمام

نور بتبص للجهاز في ايديها، وقلبها بيدق بسرعه: 

" يا تري الكابوس دا هيخلص علي ايه؟ "

بتقوم نور وبتقف: انا همشي انا بقا سلام.. ادعيلي. 

سيف بابتسامه صغيرة: انتي قدها يا نور... انا واثق فيكي. 

بتبسم نور علي كلامه وبتحس باطمئنان. 

ـــــــــــــــــــــــــــــــــــــــــــــــــــــــــــــــــــــــــــــــــــــــ

نور رجعت القصر ودخلت بهدوء وكانت ماسكه الجهاز في شنطتها وبتتصنع الهدوء لكن جواها كانت عاصفه من القلق. 

بتعدي نور من قدام جدها. 

نور: السلام عليكم يا جدي. 

حسنين: وعليكم السلام مطولتيش يعني مع صحابك زي كل مرة. 

نور بهدوء مصطنع: مفيش حسيت نفسي تعبانه شويه فجيت. 

حسنين باستهزاء: هو انتي كل يوم تعبانه ولا اي. 

نور بتضايق من كلامه ومبتبقاش طايقه الكلام معاه بس بتغصب علي نفسك. 

نور بهدوء مصطنع: اعمل اي يا جدي هو التعب بمزاجي... انا طالعه اوضتي اريح عايز حاجه. 

حسنين: لا ياختي اطلعي اتلقحي ف اوضتك زي كل يوم. 

بتضغط نور علي سنانها بغيظ وبتطلع علي اوضتها. 

نور وهي بتحاول تهدي نفسها: ريلاكس ريلاكس اهدي استحملي اليومين دول بس ريلاااكس . 

بتطلع نور اوضتها وبتقفل الباب وراها. 

نور في سرها: ازاي هعرف الاقي فرصه أدخل المكتب من غير ما حد يشوفني؟ 

.. ……….. ... .. …….. .. …….. .. .. .. ….. .. ….. .. .. …

ــــــــــــــــــــــــــــــــــــــــــــــــــــــــ

بالليل بعد  ما الكل نام، نور كانت قاعدة في اوضتها، ماسكه الجهاز اللي اداهولها سيف، قلبها كان بيدق بسرعه وهي بتفكر: 

"لو لقيت أي دليل جوا الخزنة دي، هبقي قربت من نهاية اللعبة. 

بتتنفس بعمق وتقوم بهدوء، وتبدأ تتحرك ناحية مكتب جدها. 

نور: بسم الله.... يا رب استرها معايا. 

فتحت الباب بهدوء شديد، ودخلت المكتب، كل حاجه كانت ساكنه الا صوت دقات قلبها اللي كانت عاليه جدا. 

قربت من الخزنة، وطلعت الجهاز من شنطتها، الجهاز كان صغير و بيلمع ضوء أزرق خفيف. 

نور بتوتر: يا رب يشتغل. 

حطت الجهاز علي قفل الخزنة.. وبعد ثواني الجهاز ابتدي يصدر أصوات غريبه وكأنه بيقرا الارقام. 

فجأة 

صوت كليك 

الخزنة فتحت! 

نور بانبهار: وااااااو 

بتكمل بابتسامه: ياااه نجحت. 

بدأت تدور بسرعه جوا الخزنة، لقت ملفات غامضه، وأوراق مكتوب عليها أرقام غريبه، وصور لشحنات صناديق عليها علامه معينة. 

نور بترفع ورقه: دي علامات الشحنة...يبقي دي الصفقات اللي بيتكلموا عليها. 

 فجأة.. 

سمعت صوت خطوات بتقرب من المكتب 

نور بخضة: يا مصيبتي!! مين اللي صاحي دلوقتي؟! 

قربت الخطوات أكتر، وصوت عمها كان واضح. 

نور قلبها وقع لما عرفت انه عمها 

نور بخوف وجسمها بقا متجمد: لا مش وقته خالص... انا هتفضح دلوقتي... شكلها هتبقي نهايتي ولا اي.. لا انا لسه صغيرة ملحقتش اعيش في الدنيا. 

بتحاول بسرعه تقفل الخزنة وترجع الورق زي ما كان. 

نور في سرها وجسمها بقا يرتجف: يا رب يا رب استرها معايا يا رب... يا رب انا مليش غيرك. 

الخطوات قربت للباب... ومقبض الباب بدأ يتحرك!! 

#اقبل_يا_أدمن

ـــــــــــــــــــــــــــــــــــــــــــــــــــــــــــــــــــــــــــــــــــــــــ

تتوقعوا اي اللي هيحصل في البارت الجاي؟! 

#البارت_5

#حب_في_مهمة ✨

الخطوات قربت للباب أكتر... ومقبض الباب بدأ يتحرك!! 

و الباب بقا بيتفتح ببطئ 

نور كانت حاسه ان هي كدا خلاص دي النهاية وكانت هتموت من الخوف 

بس قبل ما هاشم يفتح النور كله كانت نور خطفت الجهاز بسرعه ورمته في شنطتها و استخبت ورا الستارة الكبيرة اللي في المكتب وكانت حرفيا هتموت من الخوف وايديها بقت بترتعش . 

هاشم دخل وفتح الخزنة وخاد منها بعض الورق وقفل الخزنة تاني بس كان حاسس بحاجه غريبة في المكتب بس مش عارف اي هي. 

ونور واقفة ورا الستارة وماسكه نفسها بالعافية، حتي نفسها بتحاول تكتمه. 

نور فضلت تدعي ف سرها كتير ودموعها علي وشك النزول من الخوف: يا رب يا رب

وهاشم لسه هيتلف ويمشي... فجأة موبايل نور اللي في شنطتها بيصدر إهتزاز بسيط. 

نور بخوف وجسمها بقا يرتعش: يا نهار اسود،يالهوي يالهوي يا رب يا رب والنبي يا رب. 

هاشم لف بسرعه ناحية الصوت، وبقا واقف قريب جدا من الستارة اللي نور مستخبيه وراها. 

مد إيده وبقا بيبعد الستارة ببطئ.. 

نور بعينين مرتجفه: يالهوي يالهوي لا والنبي يا رب لا لا يا رب يا رب . 

وقبل ما يكشفها، صوت جدها حسنين جه من برا المكتب وهو بينادي: 

'هاشم ، يلا بسرعه بقا خلينا نخلص. 

هاشم ساب الستارة ورجع ورا 

هاشم: تمام يا كبير جاي حالا. 

وخرج من المكتب 

نور وقعت علي ركبتها من الخوف وحطت ايديها علي قلبها اللي كان بيدق بشدة . 

: آه قلبي.. يلعنك يا بعيد وقفت قلبي، قطعتلي الخلف وانا لسه صغيره عن شكلك... يلا الحمد لله كنت هتكشف دلوقتي بسبب الزفت اللي ما يتسمي عمي اووف بس الحمد لله جدي الزفت فادني بحاجه. 

وقفت تتسحب برفق من المكتب، عينيها بتراقب المكان بخوف لحد ما وصلت اوضتها، أول ما دخلت، قفلت الباب وسندت ضهرها عليه وحمدت ربنا ان هي لحقت تصور الورق قبل ما عمها يدخل . 

طلعت الموبايل بسرعه واتصلت بسيف، وصوتها مليان فرحه: 

'الوو "

سيف: الو ها يا نور عملتي ايه 

نور بفرحه: انا صورت الورق كله ومعايا معلومات مهمه جدا 

سيف بلهفه: كويس قوي ابعتيهم بسرعه. 

نور بفرحه: اشطا هبعتهملك حالا 

وبتكمل بمرح: بس صحيح اي مكافئتي بقا ع الشغل الجامد دا. 

سيف بضحك:ههه لو المعلومات دي فادتنا ليكي عندي أحلي مفاجأة يا ستي. 

نور بفرحه: يسس اشطا ثانية الا ثانية واكون بعتهملك. 

بيضحك سيف عليها، ونور بتبعتله الصور. 

ــــــــــــــــــــــــــــــــــــــــــــــ

نروح بقا عند سيف كان قاعد في المكتب وقاعد معاه صاحبه سليم 

بيقفل سيف معاها وهو بيضحك، وبيلمس الموبايل بايده  وبيفتح الواتس، وصورة ورا صورة بتتقلب قدامه، ومع كل صورة بتتقلب ابتسامته بتكبر أكتر. 

سيف بابتسامه شريره: خلاص نهايتك قربت يا حسنين الجبالي انت وإبنك. 

وبعدين بيوجه كلامه لسليم صاحبه بابتسامه وثقة: 

"مش قلتلك أنا واثق انها قدها." 

سليم بابتسامه: وطلعت قد كلامك فعلا يا صاحبي

وبيكمل بجدية: بس اوعي تتحمس زيادة يا صاحبي.. الراجل دا مش سهل وكمان هاشم دا عقرب. 

سيف وهو بيشرب رشفه من القهوة قدامه: 

"عشان كدا قلتلك نور هي الورقه الرابحه، محدش هيشك فيها.. ودي ميزة ف صفنا." 

سليم بهزار: بس البت دي شكلها دماغ.. هتتعبك يا سيف. 

سيف ضحك بخفه: أنا مستعد أتعب... طول ما النتيجه ف الاخر هتكون في صالحنا. 

سليم بمرح وهو بيغمزله: بس اوعي يكون في حاجه كدا ولا كدا.. يعني مش مجرد مهمة وتروح لحالها وخلاص. 

سيف بنكر: لا لا انت بتقول اي. 

سليم: بكرة نشوف. 

بيبص سيف ع الصور مرة تانيه، لكن المرة دي ابتسامته فيها حاجه غامضه، مزيج بين الاعجاب والخوف علي نور من اللي جاي. 

ـــــــــــــــــــــــــــــــــــــــــــــ

نور كانت قاعدة علي سريرها، وبتفكر في اللي حصل، كل ما تفتكر إيد هاشم وهو بيبعد الستارة، قلبها يتقبض. 

نور: يالهوي، دا لو كان شافني كان زماني ف خبر كان دلوقتي.. يلا الحمد لله. 

بتقوم نور من علي السرير وبتاخد شاور وبتلبس ملابس مريحه وبتطلع علي سريرها وبتستعد للنوم وبتنام. 

ــــــــــــــــــــــــــــــــــــ

تاني يوم 

بتصحي نور علي رنة موبايلها وبتبقي رهف 

بتفتح نور عليها وبتلاقيها مكالمة جماعيه بينها هي ورهف وحور وشهد. 

نور: الو 

رهف: اي يا بنتي فينك كدا 

نور: موجودة يا قلبي 

شهد: موجودة فين دا؟ معدتيش لكاكه زي الاول فين لكك يا بت ولا تكوني استبدلتينا وبقيتي تلكي مع غيرنا 

نور بضحك: لا يا قلبي هو انا اقدر. 

حور: بت يا نور احنا اتفقنا ان احنا نخرج سوا النهاردة 

نور برفض: لا لا مليش مزاج اطلع اطلعوا انتوا. 

حور: لا بت انتي، انتي هتطلعي غصبا عنك وعن مزاجك. 

رهف بضحك: ايواا زي ما حور بتقول كدا بالظبط. 

شهد بمرح: وبعدين يا بت دا احنا حتي اسمنا الرباعي المرح ف هنطلع من غيرك ازاي بقا. 

نور بابتسامه: خلاص خلاص يا جماعه هطلع وأمري لله.. بس المشكله جدي ممكن ميوافقش. 

شهد: لا بصي لو علي دراكولا جدك  دا ف احنا ممكن نجيلك وناخدك. 

حور بضحك: ايواا ممكن نخلي الرجل الاخضر دا يخليكي تطلعي معانا. 

بتضحك نور علي كلامهم 

نور: خلاص يا جماعه متجوش وانا ان شاء الله هاجي. 

شهد بسرعه:لا لا انتي بتقولي اي احنا قولنا هنيجي يعني هنيجي. 

نور بضحك وخبث: انتي عايزة تجيلي انا ولا عايزة تيجي عشان تشوفي حد تاني. 

شهد بضحك: امم هو حاجه شبه كدا يعني. 

بيضحكوا البنات عليها 

وبيقعدوا يرغوا مع بعض شويه وبعدين بيقفلوا 

بتقوم نور وبتلبس دريس وبتلف طرحتها وبتقعد تلعب علي موبايلها شويه عما صحباتها ييجو. 

بعد شوية وقت بتنادي صبحية علي نور وبتقولها ان صحابها تحت

بتنزلهم نور وبترحب بيهم وبتسلم عليهم 

نور بابتسامه: والله وليكم وحشه. 

رهف: انتي أكتر يا بت. 

حور: صحيح انتي استأذنتي من دراكولا اللي عندكم في البيت ده. 

نور بلامبالاة: لأ

شهد: اومال هتطلعي من غير ما تقوليله

. 

نور ببرود: امم عادي. 

حور: عادي ازاي يا بنتي هتطلعي من غير ما تقوليله. 

نور: يا جماعه ريحوا بقا هو اصلا مش موجود. 

رهف: طب علي الاقل رني عليه عرفيه.

 

نور بلامبالاة: يا جماعه متشغلوش دماغكوا بقا خلينا نخرج وخلاص. 

البنات: انتي حرة. 

حور: مش ها يلا بقا خلينا نمشي

 

شهد بسرعه: لا لا استنوا شويه  . 

رهف باستغراب: ها نستني نعمل اي يا بنتي 

وبتكمل بضحك: ااه افتكرت صحيح ههههه. 

بيضحكوا البنات 

شهد: ما اكيد يعني مش همشي الا اما اشوفه.

 

نور بضحك: وافرض بقا يا حلوة منزلش. 

شهد بهيام: لا ان شاء الله هينزل وبعدين انا مش هعرف اعدي يومي ويبقي حلو الا اما اشوفه. 

حور بضحك وهزار: دا اي الحب المفقوع دا  . 

شهد بضيق مصطنع وضحك: اتفقعتي ف عينك يا بعيدة. 

بيضحكوا البنات شوية 

نور: يا بنتي شكله مش هينزل خلينا نمشي 

شهد بلهفه: لا لا انا لازم اشوفه. 

نور: طب تعالو نقعد في الجنينه عما هو ينزل 

بيروحوا البنات الجنينه وبيقعدو يرغوا شويه 

وبعدها بيطلع يوسف بطلته الجذابه والساحرة اللي سحرت شهد 

بتفضل شهد مبحلقه فيه وبتبصله بحب وهيام 

حور بضحك: يا بت نزلي عينك انتي هتفضلي مبحلقه كدا. 

رهف بضحك: دي واقعه واقعه علي بوزها. 

نور: طب وانتي يا اوختشي هتفضلي مبحلقه كدا وخلاص مش هتعمليلك اي منظر كدا ولا اي يا بنات

 

حور: انا عندي فكرة 

بتشد حور شهد وبقيت البنات وبيعملوا نفسهم بيتمشوا ولما بيقربوا من يوسف بيزقوا شهد عليه. 

شهد: ااه

يوسف بابتسامه: هو انتي، هو احنا موعودين بالخبط ولا اي. 

شهد باحراج: هه اا اصل.. اا انا... اااا

يوسف بضحك: هي شجرة الفروالة طلعت تاني ولا اي. 

بتبقي شهد محروجه جدا وبتفضل تلعن صحابها ف سرها. 

والبنات واقفين ف جمب وعمالين يتفرجوا. 

بيقول يوسف لنور: هو انتي خارجه ولا اي. 

نور: ااه خارجه مع صحابي. 

يوسف: طب وانتي قلتي لجدو. 

نور: امم بصراحه لأ 

يوسف باستغراب: لا؟ اومال انتي خارجه من غير ما تقولي لحد. 

نور: يعني حاجه شبه كدا. 

يوسف: اامم حاجه شبه كدا قولتيلي. 

نور بسرعه: بعدين جدو مش هنا اصلا 

يوسف: مش هنا تقومي تخرجي من غير ما تقوليله  

نور بعيون بريئة وهي بتستعطفه: يوسف اخويا حبيب قلبي، الشق ال.. 

بيقاطعها يوسف: اشش خلاص انا ماشي عموما اتبسطي بوقتك.

 

نور بابتسامه: أحلي ابن عم يا ناس دا ولا اي. 

بتغزها شهد ف كتفها بغيظ

'بس بقا يا بت انا بغير. 

نور بتضحك عليها: اي دا انتي بتغيري يا بيضه. 

شهد بغيظ: ومغيرش ليه ياختي. 

نور بابتسامه: للا بقولك اي يوسف دا اخويا.. اخويا وبس اتطمني. 

بيمشوا البنات وبيروحو كافيه وبيقعدو علي ترابيزة في الجنينة. 

نور: المكان هنا حلو أوي. 

حور: امم فعلا. 

رهف: أنا جعانه، يلا نطلب الاكل. 

نور: امم وانا كمان. 

بيطلبوا الأكل وبيستمتعوا بالجو والكلام مع بعض. 

شهد بابتسامه حب وهيام: ااه شوفتوا يوسف وهو بيبتسملي ااه يا خراشي يا ولاه. 

رهف بضحك: ابتدينا محن بقا 

بتفضل نور تضحك مع صحابها وبتستمتع باليوم. 

بعد شويه بيخلصوا الأكل. 

نور: يا بنات أنا عايزة آيس كريم. 

رهف: وانا كمان عايزة آيس كريم 

حور: وانا 

شهد: اشطا يلا بينا نطلب آيس كريم 

بيطلبوا آيس كريم وبيستمتعوا. 

نور: اليوم دا كان جميل أوي. 

حور: ايوه كان يوم جميل

 

رهف: وانا استمتعت اوي 

شهد: طب مش ها يلا نروح بقا 

نور: تمام يلا بينا 

بيقوموا ويمشوا وبيروحوا علي البيت وبيودعوا بعض. 

نور: يلا جوود باي هتوحشوني اوي وشكرا علي اليوم الجميل دا 

رهف بابتسامه ومرح: عشان كنت معانا فيه يا جميل 

نور بضحك: تسلميلي يا قلبي

. 

بيودعوا بعض وبيمشوا 

نور بترجع البيت وبتدخل علي  اوضتها. 

نور: وأخيرا يوم حلو من ساعه ام الموضوع اللي انا متورطه فيه 

نور بتغير ملابسها وبتستعد للنوم 

نور بتنام وهي فرحانه ومستمتعه باليوم اللي قضته مع صحابها وبتستسلم للنوم وبتنام

#حب_في_مهمة

#البارت_السادس 

بتصحي نور الصبح متأخرة كعادتها 

وبصت في المراية وكان باين عليها اثار النوم

 

قالت بضيق وهي بتشاور علي نفسها: هو انا ليه مصحيتش زي البطلات كدا بشعاع نور منور وشي  وشعر ناعم واستريت كدا مش منكوش؟. 

بتضحك نور علي نفسها وراحت تجهز عشان تنزل 

بتسرح نور شعرها وبيكون واصل لحد خصرها وناعم وبتلبس  بنطلون أوڤر سايز وبلوزة وبتلف طرحتها وبتنزل 

لما بتنزل بتعرف ان جدها وعمها مش موجودين وفي مشوار وبتتبسط جدا

نور بتتنفس بارتياح: آه الحمد لله شكل يومي النهاردة هيبقي حلو كدا وفله طول ما انا هشوف العرر دول. 

بتكمل نور مشيها بتلاقي يوسف ومالك قاعدين بيلعبوا بلايستيشن. 

نور بمرح: اي دا انتو بتلعبوا بلايستيسشن؟!، ألعب معاكو. 

يوسف بهزار: يلا يا بت غوري من هنا روحي شوفيلك اي مصلحه اعمليها. 

نور وهي بتطلعله لسانها. : طب بالعند فيك أنا هلعب بقا ها. 

مالك وهو بيشاورلها: تعالي تعالي فكك منه. 

نور: خلاص اللي هيكسب أنا هلعب قصاده. 

يوسف بثقه: انا الكسبان طبعا. 

مالك: هنشوف دلوقتي. 

يوسف بثقه وغرور: مش محتاجه كلام دي وانت اللي هتشوف دلوقتي. 

نور بمرح وسخريه: طيب يا خفيف ورينا شطارتك. 

بيلعب مالك و يوسف وسط ضحك وهزار وتشجيع نور وغرور يوسف 

وفي الاخر بيكسب مالك. 

نور بسخريه وضحك: هاأو أو يا عيني ع الثقه والغرور اللي كانوا من شويه دا البريستيج وقع يابني انزل لمه.

يوسف بضيق: بس يا ماما اركني في جمب. 

مالك وهو بيبص لنور بغرور: جاهزة للخسارة؟ 

نور بسخريه: هه قصدك انت جاهز للخسارة؟ 

مالك بغرور: طيب العبي واتفرجي علي خسارتك  . 

نور بضحكه وسخريه:  بس يا بابا دا انا هكسبك من أول دقيقه. 

مالك بتحدي  : هنشوف الثقه دي دا انتي هتجيبي ورا ف ثانيه. 

نور بتمسك الكنترول وبتقول بتحدي أكبر:هه هنشوف، استعد.. الخسارة جاية. 

بتمسك الكنترول بثقه وتبدأ اللعبه وكانت بتلعب بتركيز 

مالك: ها يا نور، مش قادرة تكسبيني؟ 

نور بتركيز: لا أنا هكسبك أكيد. 

يوسف بضحك: يلا يا نور ورينا شطارتك 

.. فجأة.. 

نور بتصرخ بفرحه: هييييييي! كسبت! 

مالك بدهشه: إزاي. 

نور بضحك وهي بتسقف: هيهي مش قولتلك هكسبك. 

مالك: لا لا انا مستحيل اخسر.. تعالي نلعب جولة تانيه. 

نور: اشطا يلا نلعب تاني. 

يوسف بيقوم: كملوا لعب انتو وانا خارج. 

مالك: رايح فين. 

يوسف: خارج برا شويه. 

مالك: تمام. 

بيلعب مالك ونور جوله تانيه وبيفوز مالك المرادي. 

نور بضحك: لا لا انا كسبت أول مرة 

مالك بابتسامه نصر: بس انا كسبت المرادي. 

نور بضيق: لا لا اكيد كسبت بالحظ 

لسه مالك هيرد عليها، موبايل نور بيرن، و مالك بياخد باله من الاسم.

مالك باستغراب: نقط؟! اي نقط دي؟! 

نور بتوتر: هه د دي واحدة صاحبتي.. ي يلا جود باي بقا انا طالعه اوضتي سلام. 

بيبص مالك عليها باستغراب وشك ونور بتطلع بسرعه علي اوضتها. 

نور بتدخل علي اوضتها بتوتر وبتقول بضيق: اووف يعني انا ما بصدق الغي شك مالك فيا ييجي دلوقتي ويشك فيا اكتر.. اوف يا ربي ع النحس. 

بترد نور علي سيف بغيظ: دا انت راجل فصيل ملقتش وقت غير وانا بلعب بلايستيشن دا اي الرخامه دي. 

سيف بابتسامه: بتلعبي بلايستيشن مرة واحدة.. امم ومع مين بقا. 

نور بضيق: امم ياخويا بلعب بلايستيشن ومع عيال عمي وبعدين انت مالك. 

سيف: مش ملاحظة يا بت ان انا ظابط يعني ف اي وقت مزاجي جابني احطك في الكلبوش هحطك يعني اتعدلي شويه في الكلام معايا خافي علي نفسك. 

نور بضحك وسخرية: ههه يا ماما تصدق خفت. 

بيضحك سيف عليها: مش موضوعنا دلوقتي خلينا في المهم. 

نور: تفضل يا حضرة الظابط كلي آذان صاغيه تفضل. 

سيف بفرحه: المعلومات اللي بعتيهالي دا هتفيدنا جدا ودي اللي هتجيب نهاية جدك وعمك. 

بتحس نور بغصه في قلبها لان دول مهما كانو أهلها وصعب عليها. 

سيف باستغراب: مالك يا نور فكرتك هتتبسطي ان النهاية قربت. 

نور بحزن: مش عارفه.. حسيت بنغزة ف قلبي مرة واحدة..الموضوع مش سهل عليا.. ومش قادرة استوعب.. دول مهما كانوا أهلي وانا مش عارفه انا بساعدكوا ازاي اصلا الموضوع صعب عليا اوي. 

سيف بتنهد: هو دا الصح يا نور ودي أخرة الطريق اللي جدك وعمك ماشيين فيه. 

نور بحزن ودمعه نزلت من عينيها: بس انا كدا هخسر نفسي هخسر جدي وعمي وعيال عمي اللي هما اخواتي ا انا كان نفسي يبقي ليا اخوات اوي وامنيتي دي اتحققت مع مالك ويوسف هما مش بيقصروا معايا وبيعتبروني اختهم مش عارفه نظرتهم ليا هتبقي ازاي بعد ما يعرفوا. 

سيف: نور دا الصح وبعدين يعني انتي كنتي هتبقي مرتاحه وانتي قاعدة وساكته وعارفه ان فيه ناس كتير بتموت بسبب جدك وكمان هو اللي حرمك من امك نور دا الصح وخليكي واثقه دايما ان دا الصح المفروض تكوني فخورة بنفسك. 

نور بحزن: بس انا خايفه اخسر اخواتي خايفه اخسر مالك ويوسف. 

سيف: متخافيش يا نور هما ممكن يزعلوا منك شويه بس صدقيني كل حاجه هتكون كويسه وهيقفوا معاكي وكمان هيدعموكي... جدك وعمك يا نور شغلهم مش سهل دول تجار سلاح يا نور. 

نور: عارفه ان دا الصح بس مش بمزاجي حاسه اني مخنوقه اوي. 

سيف بيتنهد بحزن عليها: حاسس بيكي بس انتي لازم تكوني قويه. 

نور بهدوء: تمام هحاول. 

سيف وهو بيحاول يفك عنها شويه وبيقولها بابتسامه: ويا ستي عشان المعلومات السكر دي لازم اكافئك عليها بصي هبعتلك لوكيشن وقابليني فيه. 

نور بتبتسم غصب عنها: اشطا مش هتأخر. 

بتقفل نور معاه وبتقول بابتسامه: يا تري اي هي المكافئة.. حاسه اني متحمسه اوي. 

بتلبس نور دريس بيبي بلو وبتلف الطرحه وبتلبس هيلز وبتنزل تحت. 

مالك باستغراب: راحه فين. 

نور بتوتر: مفيش خارجه مع صحابي شويه. 

مالك: تمام تحبي أوصلك؟ 

نور بتوتر: لا لا شكرا انا هروح لوحدي كدا كدا هما هيبقوا مستنيني قريب من هنا. 

مالك: تمام. 

بتطلع نور برا وبتتنفس براحه. 

نور بتافف: اوف هو مالك طالعلي في كل حاجه كدا ليه، مرة كان هيكشفني ف المكتب ومرة جالي في الاوضه وبيقولي انه شاكك فيا ومن شويه شاف رقم سيف مش عارفه اي الحظ دا. 

بتوصل نور علي اللوكيشن اللي سيف باعتهولها. 

نور وهي بتبص حواليها: اومال هو فين بقا مش شايفاه. 

بيعدي كام دقيقه وبيجي سيف بالعربيه بتاعته قدامها. 

سيف:هالو اركبي. 

نور: تأخير ست دقايق شغال ظابط ازاي بقا وانت مواعيدك مش ظابطه. 

سيف: معلش المرة الجايه هوصل بالدقيقه. 

نور: معلش؟! الشارع اللي في الوش يا بابا. 

سيف برفعة حاجب: نعم؟! 

نور: لا مبقولش حاجه متاخدش ف بالك. 

سيف بضحك: نفسي اعرف بس دي منظر واحدة متعلمه و في كليه. 

نور: لا بقولك اي هنا واستوب. 

سيف: طب اركبي ياختي، هنفضل نتكلم كدا في الشارع  كتير. 

بتركب نور العربية 

نور بفضول: ها رايحين علي فين بقا. 

سيف: عازمك يا ستي ف مطعم. 

نور بابتسامه: اووو تصدق بردو كنت جعانه. 

سيف بابتسامه: عدي الجمايل بقا. 

نور: انت هتذلني ولا اي. 

سيف: لا لا حاشا لله. 

بتضحك نور

بيفضل سيف سايق شويه وبيكونو في طريقهم للمطعم. 

سيف: بس بجد انتي بنت شجاعه أوي وكمان قويه وانتي اثبتي دا بنفسك، انا كنت واثق فيكي وعارف انك قدها. 

بتبتسم نور وبتفرح من كلامه. 

نور بابتسامه وهزار: عد الجمايل بقا انت كمان. 

بيضحك سيف. 

نور بترجع تتوتر: ب بس صحيح احنا كدا خلصنا يعني بقا معانا كل الادله يعني من الاخر كدا انا دوري خلص؟! 

سيف: للاسف يا نور لسه، لسه بس مش كتير.. بس احنا قربنا لسه حاجات بسيطه وهنخلص بس اطمني النهاية قربت. 

بتهز نور راسها ليه: تمام... انا نفسي ارتاح من الهم دا بقا. 

سيف بهدوء: هانت يا نور هانت. 

بيوصلوا للمطعم وسيف بينزل من العربية 

ولسه نور راحه تفتح الباب لقت سيف فتحهولها. 

نور باستغراب وابتسامه: دا اي الحنيه دي. 

سيف: عشان بس المعلومات السكر اللي انتي جيبتيها وعشان انتي اثبتي شجاعتك وقوتك وانك قدها 

بتترسم ابتسامه واسعه علي وش نور من كلامه وبتبقي مبسوطه. 

سيف: ها يلا ندخل. 

نور: تمام. 

بيدخلوا المطعم وبيقعدوا 

بيتقدم نحوهم الكاشير وبيقولهم بابتسامه رسميه: أهلا بيكم، تحبوا تطلبوا ايه؟ 

نور: عايزة واحد "شيكن برجر بالجبنة الموزاريلا" ولا اقولك من غير جبنه... امم لا لا استني حط جبنة بس شيلي الخيار. 

الكاشير: حاضر يا فندم. 

سيف بضحك: ما تثبتي علي حال يا بنتي. 

نور بضحك: لا لا خلاص انا هثبت علي كدا. 

الكاشير وهو بيوجه كلامه لسيف: وحضرتك يا فندم. 

سيف: هاتلي زيها. 

الكاشير: طب تحبوا تشربوا حاجه. 

نور: هاتلي آيس كوفي. 

سيف:وانا هاتلي كابتشينو. 

الكاشير: تمام حاضر يا فندم. 

وبيمشي ودقيقتين وبيجيب الاكل وبيقعدو ياكلوا. 

نور بابتسامه: ميرسي ع العزومة دي. 

سيف بابتسامه: عفوا يا ستي. 

نور: طب هو لسه اي علي المهمة دي المعلومات اللي كانت علي الشحنة الجديدة وبعتهلكم مستنين اي بقا. 

سيف: ما احنا لازم نكون دقيقين في شغلنا وبعدين احنا عايزين نقبض عليهم متلبسين يعني وهما بيسلموا السلاح. 

نور بحزن: امم تمام. 

سيف بتشجيع ليها: نور انتي اللي بتعمليه هو الصح ف متزعليش دول اصلا ميستاهلوش الزعل علشانهم. 

نور بتتنهد بحزن:معاك حق. 

بيفضلوا يتكلموا مع بعض شويه وسيف بيحاول يهزر معاها عشان يخليها تنسي زعلها. 

نور بابتسامه: شكرا بجد علي دعمك ليا. 

سيف بغمزة: عدي الجمايل دول كمان. 

بتضحك نور وبيتكلموا شويه.. شويه يضايقوا في بعض وشويه يتكلموا في المهمة. 

و فجأة... 

يوسف بيدخل المطعم وهو صحابه ونور بتشوفه وبتتصدم. 

نور بصدمه: يا نهار اسود. 

سيف باستغراب: مالك؟ في ايه؟ 

نور بتوتر وخوف: يوسف ابن عمي هنا دا لو شافني هتحصل مشكله..يالهوي دي مصيبه. 

#حب_في_مهمة 

#البارت_7

نور بتوتر وخوف: يوسف ابن عمي هنا دا لو شافني هتحصل مشكله..يالهوي دي مصيبه.

سيف: طب اهدي اهدي عشان مياخدش باله. 

نور وهي بتحط الكوبايه قدامها عشان تحاول تخبي وشها وبتقول بخوف: اهدي؟ اهدي ازاي؟ يالهوااااي. 

سيف بضحك: يخربيتك دا انتي كدا هتفضحينا  اخرسي. 

نور وهي بتحط طرحتها علي وشها وبتقول بصوت واطي ومتوتر: اي يا ربي كمية المصايب اللي ورا بعضها دي.. دا انا غلبانه و...... 

سيف وهو بيقاطعها بسخريه: غلبانه؟! هي مين دي اللي غلبانه انتي بتتكلمي علي مين . 

نور: ايوه غلبانة وبعدين ملكش دعوة سيبني بقا في الورطه اللي انا فيها دي. 

وفجأة.. 

بتلاقي يوسف قعد في الترابيزة اللي قصادها. 

نور بتغطي وشها اكتر بالطرحه وقلبها بقا بينبض بشدة: يا نهار اسووود!! يالهوي... انت يا عم اللهي يوقف حالك اتصرففف. 

سيف: يا بنتي اهدي كدا دا انتي كدا هتخليه ياخد باله اخرسي. 

نور: تك خرسه تجيلك يا بعيد اللهي اشوف فيك يووم كان لازم يعني تعزمني في مطعم ياللي ربنا يوقف حالك . 

سيف: يا بت اسكتي بقا بدل ما اديكي بوكس يطيرك. 

نور بسخريه: هاها لا خفيف. 

بيبص يوسف علي الترابيزة اللي عليها سيف ونور وبيبقي حاسس بحاجه غريبه.

بتدير نور وشها بسرعه وبتمسك المنيو وتحطه قدام وشها وبتقول بفزع: يا حوووستييي يا نهار احوس يا نهار احوس. 

سيف بضحك: يخربيتك دا انتي كدا هتفضحينا. 

نور وهي لسه مغطيه وشها بالمنيو: اومال اسيبه يشوفني انت عبيط. 

سيف: لا يا ام ذكاء خارق انتي.. انتي اصلا بعمايلك دي خليتي الكل واخد باله منك. 

نور وهي بتلوي شفايفها : يالهوي يالهوي الحقيني ياما تعالي خديني والنبي. 

سيف بهزار: متقلقيش متقلقيش لو شافك هقوله انك خطيبتي  . 

نور رفعت عينيها عليه بسرعه ووشها بقا أحمر: ايه!! انت بتقول اي؟ 

سيف بضحكه مكتومه: بهزر يا بنتي.. ركزي. 

بتجرب نور تنزل تحت الترابيزة تستخبي. 

سيف بجدية: نور اهدي كدا وبطلي حركاتك دي انتي كدا هتكشفينا واحنا مش مستعدين نخاطر ف اتهدي كدا. 

نور بتوتر: اومال عايزني اعمل اي يعني. 

سيف: قومي براحه كدا واطلعي بس من غير حركاتك دي لان حركاتك دي اللي هتجذب الانباه وحاولي متخلهوش ياخد باله ومتخلهوش يشوف وشك وانا هحاسب واحصلك. 

نور بتوتر: حاضر حاضر ربنا يستر. 

وطبعا يوسف كان كل شويه يبص ناحيتهم وحاسس بحاجه غريبه وشاكك. 

عمار(صاحب يوسف): الله مالك يابني كدا مش معانا خالص. 

يوسف: مش عارف بس حاسس بحاجه غريبه. 

فارس: حاجة غريبه اي؟ دا انت اللي غريب. 

يوسف: مش عارف بس حاسس اني سمعت صوت نور بنت عمي. 

عمار: ياسطا هتلاقي بيتهيألك. 

يوسف: يمكن. 

بيكمل يوسف كلام مع صحابه وبيطنش الشك اللي فيه  . 

.. 

سيف: يا بنتي يالا قومي معدش بيبص اخلصي يلا قبل ما يبص تاني. 

نور بتوتر: تمام تمام حاضر. 

.. 

يوسف: انا جاي دلوقتي مش هتأخر. 

الشباب: تمام

.

بتقوم نور ببطئ، ماسكه شنطتها وبتحاول تتسحب من ورا الكراسي من غير ما حد يلاحظها وماسكه طرحتها جامد ومخبيه بيها وشها. 

بس فجأة بتخبط في يوسف من غير ما تاخد بالها. 

نور قلبها بيقف وبترجع خطوة لورا بسرعه وطرحتها نازله مغطيه وشها. 

نور بصوت واطي وبتحاول تغير نبرة صوتها: احم آسفه.. م ماخدتش بالي 

يوسف بيبصلها بنظرة طويله: انتي..؟ 

نور بسرعه وهي عامله نفسها بتدور في شنطتها: ا انا مستعجله.. ا آسفه مرة تانيه  

وبتعدي من جنبه بسرعه وراسها لتحت والطرحه لسه مغطيه وشها 

يوسف فضل واقف مكانه، عينه متعلقه بيها، وبيقول لنفسه: اي البنت الغريبه بس انا ليه حاسس اني اعرفها حاسس انها مش غريبه عليا. 

عمار بيقاطع تفكيره وهو بينادي عليه: يووسف.. انت يابني تعالي.. اخلص. 

يوسف بيرد وهو لسه تايه: اه جاي.. جاي. 

نور بتطلع برا المطعم بسرعه وبتمشي بسرعه ولا اللي بتجري:  آه الحمد لله يا رب.. دا اي الحظ الطين دا يالهوي انا عارفه انه يوم نحس.

سيف من وراها: يا مجنونة.. يخربيتك كنتي هتفضحينا. 

نور بنهج: اسكت دا انا اتشليت. 

سيف: طب يلا ياختي خليني أوصلك وأمشي لحسن ورايا شغل كتير. 

نور: تمام يلا. 

بتركب نور مع سيف العربيه وبيوصلها قريب من البيت وبيمشي. 

بتدخل نور القصر بتلاقي جدها وعمها قاعدين. 

نور بهدوء: السلام عليكم 

=وعليكم السلام. 

حسنين: بقيتي بتخرجي كتير اوي ومن غير اذني كمان  

نور بتوتر: عادي يا جدي ك كنت مع صحابي. 

حسنين: ومستأذنتيش مني ليه يا استاذة هاا. 

نور: ما يا جدي انت كنت برا ومش موجود ف مرضتش اعطلك. 

هاشم : وكنتي فين بقا يا استاذة نور.  

نور بتوتر: ما قلت دلوقتي كنت مع صحابي. 

هاشم: امم طب وازاي بقا كنتي مع صحابك وفي نفس الوقت صحابك جم ليكي هنا يسألو عليكي. 

نور بتوتر اكتر وبتحس انها مش قادرة تنطق وبتبقي متجمدة مكانها. 

حسنين: ها يا استاذة نور.. جاوبي. 

نور بتوتر اكبر: م ما انا كنت مع ص صحابي التانيين هه هه ما انا صحابي كتير ك كانوا صحابي اللي كانوا معايا في الثانويه متفقين نخرج مع بعض النهاردة.

حسنين: تمام بس حاسس انك غريبه اليومين دول بس لو عرفت انك بتلعبي من ورايا ف انا مش محتاج اقولك بقا. 

نور بتوتر: ه هلعب من وراك ازاي يا جدي.. م مش فاهماك. 

حسنين بجمود: مش مهم.. المهم ان انا حاسس انك وراكي حاجه. 

نور بتحاول تبان طبيعيه عشان ميتكشفش أمرها وبتقول باستغراب مصطنع: انت بتقول اي يا جدي، انا معدتش فاهمة حاجه، قصدك اي؟ 

هاشم: اطلعي علي اوضتك دلوقتي يا نور خلاص مش مهم. 

نور: تمام عايز حاجه يا جدو. 

حسنين بجمود: لأ

بتطلع نور وكانت خلاص حاسه ان قلبها هيقف. 

بتدخل بسرعه اوضتها وبتحط ايديها علي قلبها. 

نور بخوف: يا نهار اسود، يالهوي يالهوي.. يا رب والنبي يا رب لا لا دا انا ممكن اروح فيها

بتخلع نور الهيلز بتاعها والطرحه وبترمي نفسها علي السرير ومبتغيرش حتي الدريس. 

نور بتوتر شديد: انا احسن حاجه اعملها دلوقتي هي اني انام ايوه هنام وابعد عن الواقع دا شويه واريح دماغي اللي هيتفرتك وقلبي اللي هيقف . 

بتفضل نور تغمض في عينيها بس بردو مش عارفه تنام قلبها بيدق بشدة وبقت خايفه ومتوترة جدا من اللي جاي 

نور بتوتر وقلق: انا هبعت لسيف رساله احسن.. يالهوي الله اهدي يا قلبي كدا دا انا حاسه انك شويه وتقف. 

بتبعت نور رساله لسيف وبتقوله علي اللي حصل. 

نور بتوتر ودقات قلبها بتزيد اكتر: هو دا مبيردش ليه كمان، مش وقتك والله انا قلبي شويه ويقف. 

ـــــــــــــــــــــــــــــــــــــ

في المكتب 

حسنين: انا حاسس ان نور فيها حاجه غريبه، مش عجباني اليومين دول. 

هاشم بيقوله بتذكر: صحيح يا كبير من يومين حسيت بحاجه غريبه في المكتب حسيت بحد موجود. 

حسنين باستغراب: ازاي يعني. 

حسنين: مش عارف بس حسيت حد موجود او مستخبي المهم حسيت بحاجه غريبه. 

حسنين وهو بيولع سيجارة وبنبرة قاسيه: اي حد هيقف في طريقنا مصيره معروف، حتي لو كان مين. 

هاشم بشك: بس لو فعلا كان في حد مستخبي في المكتب يا تري هيكون مين. 

حسنين بقسوة: انا مش هسمح لاي حد يقف في طريقنا حتي لو كانوا ولادك اللي هما حفايدي يا هاشم  

هاشم بيرمش بدهشه وبيقول بخوف وتوتر: لا لا يا كبير ا اكيد مش ولادي أكيد لأ. 

حسنين بقسوة: أيا كان.. انا مش هسمح لاي حد يقف في طريقي او يلعب بديله معايا . 

بيبلع هاشم ريقه وبيدعي انه ميكونش مالك او يوسف. 

حسنين بجمود: ونور حاسس ان وراها حاجه. 

هاشم باستغراب:نور؟ 

حسنين: ايوه... البنت دي متغيرة، ومخبيه سر، وكل يوم بتوريني وش مش فاهمه.. انا حاسس انها بتلعب من ورا ضهري. 

هاشم: بس دي لسه صغيرة.. يعني ممكن يكون توتر طبيعي او اي حاجه غير اللي في بالك. 

حسنين بحدة: لأ.. مش صغيرة، وعينيها بتفضحها. انا حافظها.. البنت دي لو فعلا طلعت عامله حاجه من ورايا.. هخليها عبرة. 

هاشم: لا ان شاء مش هتكون بتعمل حاجه من ورا ضهرنا هي اعبط من انها تعمل حاجه. 

حسنين: لو اتأكدت ان نور ماشيه في طريق مش عاجبني... اقسم بالله ما هتعيش. 

هاشم بيبص لابوه بصدمه من قسوته: بس دا حفيدتك بنت ابنك ازاي بتقول كدا. 

حسنين بقسوة: دا مصير اي حد يلعب معايا بس يا رب ما شكي يطلع صح لان لو طلع صح مش هرحمها. 

بيبصله هاشم بتوتر وبيبقي خايف من جواه ان يطلع حد من ولاده او حتي بنت اخوه لأنه عارفه ابوه كويس. 

هاشم: طب هتعمل اي؟ 

حسنين: هخلي حد يراقبها من غير ما تحس. 

ــــــــــــــــــــــــــــــــــــــــــــــــــــــــــــــــــــــــ

في نفس الوقت.. 

نور قاعدة في اوضتها بتمرجح برجليها علي السرير وموبايلها في ايدها. 

نور بتوتر: ما تخلص بقا يا سيف مش وقتك. 

بيجي اشعار علي الموبايل.. 

نور بسرعه بتفتحه: الحمد لله رد. 

سيف في الرساله: 

"اهدي يا نور، من هنا ورايح لازم تكوني اهدي من كدا..تصرفاتك هي اللي هتخليهم يشكوا اكتر لما يشوفوكي خايفه ومتوترة بعد كلامهم وكدا هيشكوا اكتر لازم تكوني هاديه. 

نور بتوتر: اعمل اي انا خايفه اوي. 

سيف: متخافيش انا مش هسيبك انا جمبك ومش هخلي اي حد يأذيكي خليكي واثقه فيا. 

بتبتسم نور لما قرأت الرساله وحاست انها اتطمنت شويه. 

سيف: بصي.. انزلي اضحكي هزري فرفشي اقعدي في الجنينه المهم بيني انك مثلا مبسوطه عشان محدش يشك فيكي.. بصي اعتبري نفسك معرفتيش اي حاجه ومسمعتيش من جدك ولا كلمه. 

نور: تمام. 

سيف: تمام انزلي دلوقتي اضحكي وهزري مثلا اخرجي مع صحابك او بصي هزري مع جدك او عمك بينيلهم انك مفهمتيش كلامهم وشيلي كل التوتر والخوف من قلبك.. وخليكي حاطه في دماغك دايما اني جمبك تمام . 

وبيكمل بهزار عشان يفك جو التوتر: وبعدين هو انا اي حد ولا اي. 

نور بضحك: لا طبعا ازاي. 

سيف: تمام يلا يا بطلتي . 

نور قلبها دق بسرعه وحست بحاجه غريبه في قلبها حاجه مختلفه: بطلتك؟ 

سيف بتغيير للموضوع: يلا يلا انزلي بقا. 

نور: تمام يلا سلام انا نازله. 

سيف: سلام. 

بتقوم نور من علي السرير وعلي وشها ابتسامه: هو انا شكلي وقعت ولا اي.. مش عارفه ليه بحب اتكلم معاه، بحب اعاند فيه واعصبه، بحس نفسي فرحانه لما اتكلم معاه.. ه هو دا معناه اي 

بتكمل نور كلامها وهي بتضرب ايديها علي وشها: انتي بتقولي اي يا زفته انتي هو دا وقته..استغفر الله العظيم يا رب 

بتتنهد وبتغير هدومها وبتلبس بنطلون اوفر سايز وبلوزة وبتلف طرحتها وبتنزل. 

بتنزل الصاله وبتحاول تبان طبيعيه ومبتسمه. 

حسنين كان قاعد بيشرب قهوة وهاشم ماسك الجرنال ومالك كان قاعد بيلعب في موبايله 

وكانوا قاعدين قدام الشاشه  وكانت شغاله علي الاخبار وحسنين كان مركز معاها. 

بتقعد نور وراسمه ابتسامه علي وشها بالعافيه. 

نور في سرها:انا لازم اضحك واهزر شويه ايوه ب بس اقول اي. 

نور ترفع صوتها فجاة وهي بتضحك: علي فكرة يا جدي. المذيعه دي صوتها يجنن. تحسها بتغني مش بتقرأ نشرة. 

هاشم بيرفع عينه من علي الجرنال وبيبصلها باستغراب. 

وحسنين بيبصلها بنظرة جامدة. 

مالك بضحك: انتي شكلك كدا مهيسه النهاردة يا نور. 

بتبتسم نور باحراج: هه ههه

نور في سرها وهي بتبص علي جدها وعمها: دا اي القرف دا هما بيبصوا كدا ليه عالم كئيبه وجاحدة تك قرف . 

نور: احم طب كملوا فرجه انتو بقا وانا هروح اشم هوا في الجنينه. 

جدها وعمها بصولها بصه ومكلفوش حتي نفسهم يردوا عليها

نور في سرها: هما مالهم مردوش حتي.. دا اي القرف دا جتكم نيله عيله معفنة. 

بتروح نور الجنينه ويتقعد علي المرجيحه. 

نور بهدوء: ولا كأن فيه حاجه انا هعمل نفسي من بنها ولا كأن شيئا لم يكن. 

بتبص نور بالصدفه بتلاقي جدها بيبص عليها من الشباك. 

نور بهدوء وبتحاول متوترش نفسها: دي فرصتي.. ممكن الغي شكه شويه. 

بتعمل نفسها بتلعب علي الموبايل وهي بتتمرجح وهي وبتحاول ترسم ابتسامه علي وشها. 

وهي بتلعب في الموبايل بتلاقي شهد صاحبتها بترن عليها. 

نور: وقتك حلو اهو شهودة دي بقا اللي هتخليني اضحك لا اراديا ومش تمثيل. 

بتفتح نور عليها. 

شهد: اي يا زفته هو انا لو مرنتش انتي مترنيش دا اي الوطينه دي. 

نور: دا اي الفاتحه دي بقا وبعدين يا بنتي دا انتي اللي في الحتة الشمال انتي قلبي يا بت. 

شهد بضحك: يا بكاشه ايوا ثبتيني ثبتيني. 

بتضحك نور 

شهد: ها جاهزة؟ الكليه الاسبوع الجاي. 

نور بصدمه وبتبقي اصلا ناسيه موضوع الكليه دا 

: الكلية؟! يالهوي دا انا نسيت خالص  

شهد: نسيتي اي؟ وهي دي حاجه تتنسي. 

نور: اه والله كنت ناسيه خالص دا كويس انك فكرتيني. 

شهد بفرحه: انا مبسوطه اوي اووييي. 

نور بضحك: خليني اخمن عشان يوسف معانا في نفس الكليه صح؟ 

شهد بابتسامه وحب: طبعااا دا انا مستينه الكليه دي بفارغ الصبر. 

نور بضحك: يا عيني يا عيني. 

شهد : بجد انا حاسه ان مش فاضل اسبوع.. لأ.. انا حاسه ان السبع ايام دول وكأنهم سبع سنين مش قادرة اصبر دا كله. 

نور بهزار: لا بقا بقولك ايه انا مبحبش شغل المحن دا انا عندي مرارة واحدة وهتتفقع بسبب محنك دا. 

شهد بغيظ: دا انتي باردة. 

نور بمرح: الله يسامحك. 

شهد بحب: المهم بجد انا متحمسه اوي. 

بتضحك نور وبتخطف نظرة كدا ناحية الشباك 

ومبتلاقيش جدها لسه واقف. 

نور بتتنفس بارتياح: الحمد لله مشي. 

شهد باستغراب: هو مين اللي مشي؟! 

نور بسرعه: لا لا متاخديش في بالك انا شكلي بهلوس بس النهاردة. 

شهد: امم ماشي ياختي.. طب بصي سلام بقا لحسن ماما بتنادي عليا. 

نور: تمام سلام. 

نور لنفسها: اما اقوم بقا أدخل اوضتي اريح شويه انا اكتفيت النهاردة انا كدا خلاص . 

بتنزل نور من علي المرجيحه وبتدخل  وبينما هي طالعه علي السلم فجأة.. 

بتسمع صوت جدها بيتكلم في التيليفون وبيقول بحدة: 

"خلي عينك عليها  متغيبهاش عن نظرك. 

نور بتتجمد مكانها وبعدها بتقول: اه يا ابن الكلب.. بقا عايز تراقبني.. ماشي وريني شطارتك بقا.. ويا انا يا انت. 

#حب_في_مهمة 

#البارت_8

نور بتتجمد مكانها : اه يا ابن الكلب.. بقا عايز تراقبني.. ماشي وريني شطارتك بقا.. ويا انا يا انت بقا ف ام الايام السودا دي . 

وبتطلع علي اوضتها. 

نور: امم ماشي يا استاذ تاجر سلاح انت شكلك مستقل بيا أوي وانا بقا هعرفك ازاي تبقي تستقل بيا بعد كدا. 

بترن علي سيف 

نور: الو 

سيف: الو عامله اي يا نور 

نور: الحمد لله تمام،انت عامل اي 

سيف:الحمد لله بخير.

نور: بص بقا الاستاذ جدي قال اي!! عايز يراقبني سمعته وانا طالعه علي السلم. 

سيف: امم يعني لازم نكون حذرين اكتر من كدا وبالذات انتي، حركاتك دي هتودينا في داهيه. 

نور بغيظ: ليه يا اخويا 

سيف: اهو كدهو بقا وخلاص

نور بغيظ: دا انت رخم 

سيف برفعة حاجب: بتقولي ايه؟! 

نور: لا مقولتش حاجه. 

سيف: بحسب 

نور حسبتك آله حاسبه مفيهاش أزرار. 

سيف: ايه؟ 

نور بمرح: ريحتك ولا ريحة الازهار

سيف: اممممم

نور: ربنا عالظالم والمفتري. 

سيف: انتي بتبرطمي تقولي اي يا بت انتي. 

نور بمرح: قفاك خلع التيشرت وجري. 

سيف بضحك: يخربيتك انتي جايبه الكلام دا منين. 

نور بمرح: من عند عمو بتاع السوبر ماركت تحب اجيبلك شويه. 

سيف بضحك: لا بقا دا انتي دماغك مهوية خالص.

نور بضحك:تسلم ياسطا الله يخليك  

بيضحك سيف وبعدها بيقول بجديه: سيبك بقا من الهري دا تعالي نتكلم جد شويه. 

نور: تفضل يا حضرة الظابط. 

سيف: انتي لازم من هنا ورايح تبقي تاخدي بالك كويس لان اي حركه انتي هتخطيها هتكون في نفس الثانية عند جدك يعني اي خطوة منك لازم تكون بحساب. 

نور بثقه: لا متشغلش دماغك انت.. مش انت بتقول انك مش أي حد انا بردو مش أي حد ويا أنا يا هو في ام الايام السودة دي. 

سيف بابتسامه: اوو اي الثقه اللي ظهرت فجأة دي. 

نور بابتسامه: اتعلمتها منك. 

بيبتسم سيف وبعدها بيقول بهزار وبيحاول يستفزها: عدي الجمايل بقا لحسن كتروا اوي. 

نور بغيظ: تصدق انك بارد، هو انت معندكش غير ام الجمله دي انا اصلا غلطانه اني رنيت تك قرف. 

سيف: انتي عارفه لو اي حد تاني كان قالي كدا كان زماني دفنته مكانه دا مفيش حد يستجرأ انه يكلمني كدا اصلا. 

نور: يا سلام؟! طب اي رأيك بقا اسمعك صوت القطر دلوقتي .

وبتفصل في وشه.  

ـــــــــــــــــــــــــــــــــــــــــــــــــــــــــــــــــــــــــــــــــــــ

سيف: آه يا بنت ال*** بقا بتقفلي ف وشي ماشي. 

دا لو اي حد تاني كلمني بالطريقه دي كان زماني دافنه مكانه وبعدين محدش اصلا يستجرأ مين ما كان تيجي بنت ال** 

بيتنهد و بيكمل بابتسامه: بس انا ليه متضايقتش؟! ليه معاها هي وببقي شخص تاني؟! ليه بحب جنونها وهزارها معايا؟!  ليه هي الوحيدة اللي ببقا معاها كدا. 

بيكمل بابتسامه أكبر: يمكن لانها فعلا مش اي حد 

بيفضل سيف سرحان فيها وبيتخيل شكلها قدامه بيتخيل ابتسامتها وغمازاتها اللي بتبان لما بتضحك وعيونها العسليه. 

و فجأة سليم بيدخل المكتب من غير حتي ما يخبط واول ما عينه لمحت سيف استغرب من شكله 

كان مبتسم وسرحان حتي مخدش باله ان سليم دخل. 

سليم باستغراب: سيف 

و سيف لسه سرحان ومش واخد باله 

بيعلي سليم صوته: سييف. 

وسيف بردو ولا هنا 

سليم بابتسامه ومرح: الله الله الله سيف بيه سرحان ومبتسم يا سبحان الله. 

بيعلي سليم صوته اكتر: يا سييييييف. 

سيف بيفوق من سرحانه وبيقول بخضه: ايي يخربيتك خضتني. 

سليم: الف سلامه عليك من الخضة يا صاحبي.. قولي بقا مالك كدا كنت سرحان في اي. 

سيف بتهرب: انا؟! لا م مكنتش سرحان في حاجه. 

سليم بضحك: مكنتش سرحان ازاي، انت مكنتش شايف نفسك ولا اي. 

سيف : م مفيش كنت بس سرحان في الشغل. 

سليم بغمزة: وهو في حد بردو يبقي سرحان في الشغل ويبقي مبتسم كدا. 

سيف بغيظ: ايوه انا خلصنا بقا. 

سليم بضحك: عليا بردو يا صاحبي. 

سيف بغيظ: لا اله الا الله، عايز اي يعني يا زفت. 

سليم بغمزة: احكيلي كنت سرحان في مين كدا يا صاحبي. 

سيف بضيق: ولا قولتلك كذا مرة مبحبش ام الكلام دا وقولتك مكنتش سرحان في حد ف خلصنا 

سليم: افضل توه بقا، ما تقولي وخلصني دا احنا حتي صحاب. 

سيف بجدية: سليم لو جاي في حاجه مفيدة ف اخلص قول غير كدا ف اتفضل اطلع برة

سليم بغيظ:هو انت كل حاجه شغل شغل كدا. 

سيف بجديه مصطنعه عشان يتوهه: ايوه واخلص بقا. 

ــــــــــــــــــــــــــــــــــــــــــــــــــــــــــــــــــــ

في نفس الوقت عند نور. 

نور بضحك:يالهوي هتلاقيه بيفرقع دلوقتي بعد ما سمعته صوت القطر ههه. 

بتفضل نور سرحانه شويه وبتفكر فيه . 

وفجاة بتنفض كل افكارها 

نور بتأفف:اووف اي اللي انا بهببه دا، انا مينفعش اصلا افكر فيه. 

بتكمل بحزن: متنسيش يا نور ان هو ظابط وانتي اهلك تجار سلاح يعني هو هيقبض علي اهلك مينفعش اصلا افكر فيه.. اول ما المهمة تخلص كل واحد هيروح لحاله. 

وبتكمل بحزن اكبر وبتحس ان قلبها مقبوض: هو اصلا هيفكر فيا ازاي، شوفي هو في اي وانتي في اي.. اهلي هيفضلوا عار عليا.. ازاي اصلا هيفكر في واحدة اهلها تجار سلاح. 

بتكمل بتنهد: فوقي يا نور فوقي وبلاش توهمي نفسك في الفاضي فوقي ويا ريت متعلقيش نفسك بحد مش دايم ليكي. 

بتحس نور بخنقه ودموعها بدأت تتجمع في عينيها. 

نور بدموع: الله هو في اي يا نور اجمدي كدا.. كدا مينفعش 

بتكمل ودموعها بقت بتنزل من عينيها:لا مش قادرة وبعدين انا ليه زعلانه كدا؟!هو فعلا عمره ما هيفكر فيا، وانا كمان المفروض مفكرش فيه.. فوقي يا نور فوقي بقا. 

بتقعد نور علي سريرها وبتبقي حاسه بخنقه فظيعه: ليه يا ربي بيحصل معايا كدا؟! ليه خلتني ف مكان زي دا؟ ليه حطتني ف عيلة تجار سلاح؟ بحاول ابان طبيعيه بس انا من جوايا طفلة حزينة الدنيا جايه عليها اوي..ليه كدا يا رب؟!. 

نور بتراجع وهي بتمسح دموعها: استغفر الله العظيم يا رب، استغفر الله العظيم من كل ذنب عظيم، الحمد لله يا رب علي كل حاجه.. انا هقوم اتوضي واصلي احسن بدل ما انا عماله بندب في حظي كدا. 

بتقوم نور تتوضي وتصلي وبتقرأ وردها اليومي من القرءان. 

بعد ما بتخلص 

نور براحه: الحمد لله يا رب.. حاسه ان حمل كبير انزاح من علي قلبي بعد ما صليت، الحمد لله علي كل نعمة كانت أو هي كائنة..الحمد لله دايما يا رب. 

 اللَّهُمَّ إِنِّي ظَلَمْتُ نَفْسِي ظُلْمًا كَثِيرًا، وَلَا يَغْفِرُ الذُّنُوبَ إِلَّا أَنْتَ، فَاغْفِرْ لِي مَغْفِرَةً مِنْ عِنْدِكَ وَارْحَمْنِي إِنَّك أَنْتَ الْغَفُورُ الرَّحِيمُ. 

 رَبَّنَا لاَ تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً إِنَّكَ أَنتَ الْوَهَّابُ 

ـــــــــــــــــــــــــــــــــــــــــــــــــــــــــــــــــــــــــــــــــــــ

عدي اسبوع ونور مبتخرجش من القصر وكانت في الاسبوع دا بتحاول علي قد ما تقدر انها  تلغي شك جدها وعمها فيها وكانت بتتواصل مع سيف علي الموبايل وبتنقله كل معلومه هي بتعرفها. 

بتصحي نور من نومها علي صوت المنبه ف بتقوم  بكسل وبتفصله وبتفضل تتمطع: ااه اصطبحنا واصطبح الملك لله يا رب 

اللهم بك أصبحنا وبك أمسينا ،وبك نحيا وبك نموت،وإليك النشور. 

بتقوم نور من علي السرير وبتدخل الحمام وبتاخد شاور وبتتوضي وتصلي. 

بتقف عند دولابها بحيرة

نور بتفكير وحيرة وهي بتشاور علي دريسين: امم البس الدريس دا ولا الدريس دا؟... امم خلاص ولا دا ولا دا انا هلبس دا. 

بتلبس نور دريس تاني وبتلف طرحتها وبتحط ليب جلوس بس علي شفايفها هي مش محتاجه اصلا انها تحط اي مستحضرات تجميل لانها اصلا جميله . 

نور بتنهد: هه انا كدا جاهزة لأول يوم كليه ربنا يستر بقا من الدكاترة الرخمين. 

بتلبس الهيلز بتاعها و بتنزل. 

جدها كان قاعد في الصاله بيشرب قهوته ويوسف كان قاعد. 

نور بهدوء: جدو انا راحه الكليه عايز حاجه. 

حسنين: لأ سلام. 

يوسف: تحبي اوصلك معايا بالمرة. 

نور برفض: لا لا انا هروح مع صحابي. 

يوسف بهدوء: تمام... انا ماشي يا جدي عايز حاجه . 

حسنين: سلام. 

نور: وانا كمان ماشيه سلام. 

حسنين بهدوء: سلام. 

بيركب يوسف العربية بتاعته وبيمشي 

ونور كذلك بتمشي. 

............... 

حور: افف يلا بقا مش عايزين نتاخر. 

رهف: هتلاقيهم جايين دلوقتي اصبري. 

حور: طيب رني عليهم. 

رهف: مش معايا رصيد. 

نور من وراهم: هااي جايز، اتأخرت عليكم؟ 

حور بابتسامه: لا ياختي متاخرتيش. 

نور: ايوه ياختي طبعا متاخرتش انتي عايزة الدكتور يعلقنا علي باب المدرج ولا اي. 

رهف بضحك:ما هو ياختي شهد لسه مجتش يعني لو اتأخرت في امل ان احنا نتعلق علي باب المدرج. 

نور بمزاح: أمل ولا سارة، ان شاء مش هنتاخر دا النهاردة أول يوم يعني. 

رهف: طيب بقولكوا اي انا هروح انا السوبر ماركت دهو اشحن كارت واجي علي طول مش هتأخر .. 

نور وحور: تمام بسرعه بقا . 

بتروح رهف السوبر ماركت 

وشهد بتيجي. 

شهد: هاي بنات، اي دا هي رهف لسه مجتش ولا اي. 

نور: لا ياختي رهف راحت السوبر ماركت، احنا مستنينك من بدري. 

شهد: امم معلش بقا اتاخرت بس لسه ماخدتش انا علي الصحيان بدري دا، دا انا قايمه بالعافيه. 

حور: ولا انا والله دا انا حتي النهاردة عملت المنبه غفوة تلت مرات. 

شهد بضحك: انا بقا عملته خمس مرات. 

بتضحك نور عليهم: انا بقا صحيت من اول مرة. 

شهد وحور بتعجب: اي دا اي دا 

حور بضحك واستغراب: دا من امتا النشاط دا يا نور. 

نور بضحك: مش عارفه الروح النشيطه جاتلي مرة واحدة النهاردة مش عارفه ليه. 

شهد بهزار: دا احنا نحسدك بقا يا بت. 

نور بهزار وهي بتخمس في وشها: لا لا ياختي عينك عينك الله يعينك. 

بتضحك شهد وحور علي كلامها. 

حور: هي البت رهف اتاخرت كدا ليه هي دا كله بتشحن كارت. 

نور وهي بتشاور عليها: اهي جات هناك اهي. 

حور وهي بتنادي عليها: رهههف يلا يا بنتي اجري بسرعه عشان منتأخرش. 

بتمشي رهف بسرعه ناحيتهم ومبتاخدش بالها من العربية اللي جاية ناحيتها. 

رهف بسرعه: جيت جيت اهو. 

شهد بخضة وبتقولها بسرعه: رههف خدي باالك. 

نور بخضة وخوف: رههف الحقي. 

وحور بتتخض وبتحط ايدها علي بوقها. 

بتتجمد رهف مكانها اول ما بتشوف العربية قربت منها وبتحس ان جسمها كله اتجمد ومبقتش قادرة تتحرك. 

والعربية قربت عليها اكتر وكانت علي وشك انها تخبطها. 

بتغمض رهف عنيها بسرعه وكانت حاسه ان هي كدا خلاص وقلبها كان بيدق بسرعه شديدة. 

نور بخوف وزعيق: رهههف لاااااااا. 

لحسن الحظ العربية بتقف علي اخر لحظه كان ناقص  شبر واحد وتدوسها. 

بتفضل رهف واقفه مكانها مبتتحركش ولسه مغمضه عنيها. 

بينزل الشخص اللي كان في العربيه بغضب. 

_انتي غبيه يا بت انتي؟! 

بتفتح رهف عينيها ببطئ وبتبص حواليها: اي دا هو انا ممتش. 

_استغفر الله العظيم! انتي متخلفه يا بت انتي دا اي الغباء دا. 

رهف بغضب: اهو انت اللي متخلف وغبي وبعدين انت عبيط انت اللي كنت هتخبطني دلوقتي دا اي التخلف دا. 

_انتي عارفه لولا انك بنت كان زماني عرفتك مقامك دلوقتي كويس وازاي تتكلمي معايا كدا اصلا. 

رهف: لا والله؟!دا اي البجاحه اللي انت فيها دي. 

_بقولك اي يا بت انتي احترمي نفسك احسنلك انا ماسك نفسي عنك بالعافيه لكن اقسم بالله لو ملمتيش نفسك..... 

بتقاطعه نور بعصبيه: هتعمل اي يعني يا حيلتها لو راجل جرب حظك كدا. 

بيجرو البنات ناحيتهم بسرعه وبيبقوا مخضوضين. 

نور وهي بتمسك ايديها : رهف انتي كويسه حصلك حاجه. 

حور:حصلك حاجه يا قلبي متقلقناش عليكي. 

رهف: انا كويسه كويسه متخافوش، بس الانسان المتخلف دا كان هيخبطني. 

الشخص بعصبيه:  بقولك اي يا بت انتي اتلمي عشان مزعلكيش انتي مش عارفه انتي بتكلمي مين ولا اي عيله مستهترة وغبيه . 

نور:لا بقولك اي يا جدع انت اتلم احسنلك دا اي البجاحه والتناكه اللي انت فيها دي. 

بيبصلها الشخص من فوق لتحت بغرور: وهو مفيش غيرك انتي يا شبر ونص اللي تيجي تكلمني ولا اي. 

نور بغضب: لا بقولك اي هنا وخط احمر وبعدين انت اللي عمود النور انت مفكر نفسك مين يعني . 

رهف: فكك منه يا نور دا بني آدم متخلف. 

_لحسن حظكم اني مش فاضي وعندي شغل مهم لولا كدا كان زماني عرفتكو مقامكوا كويس. 

رهف بخوف مصطنع: يا مامي تصدق خفنا. 

شهد بتهدأة: حصل خير يا جماعه اهدو بقا وانت يا استاذ حصل خير. 

بيبص الشخص علي رهف بصة غرور كدا وبعدها بيلبس نضارته وبيسيبهم وبيركب عربيته وبيمشي. 

رهف بضيق: دا اي التناكه اللي فيه دي هو شايف نفسه مين عن شكله وهو مز كدا. 

حور: خلاااص حصل خير  المه..

بتقطع كلامها بسرعه:نعم ياختي؟مز؟!!بت انتي انتي عندك انفصام في الشخصيه. 

بتضحك رهف 

شهد: علي فكرة احنا اتأخرنا اوي. 

نور: هو شكله يوم باين من أوله اصلا. 

رهف: طب يلا يلا عشان منتأخرش اكتر من كدا. 

حور: يلا. 

بيوصلو البنات الكليه وبيدخلوا المدرج بتاعهم وبيقعدو. 

حور: يااه دا احنا كدا جايين بدري كمان متاخرناش. 

نور: طب الحمد لله. 

البنات اللي وراهم. 

_اه الدكتور دا مز اوي. 

=اوي اه لو وقع في حبي يا سلاام.

_ياه بقا لو وقع في حبي انا ااه بجد انا بكراش عليه اوي. 

=انا بجد انا بقيت بحب الكليه اوي. 

_وانا مبسوطه اوي ان هو الدكتور بتاعي دا انا مش هضيع فرصه الا لما اجذبه ليا لازم اخليه يقع في حبي. 

نور: يااه دا مين الدكتور اللي مدوب نص بنات المدرج كدا دا. 

حور: دا البنات كلهم مش بيتكلموا الا عليه. 

شهد: تصدقوا ان عندي فضول اعرف مين الدكتور اللي خلاهم دايبين اوي كدا. 

نور بضحك: وانا؟! بس بجد البنات دول هبل دا اي دا. 

رهف: هما كدا بيريلوا علي اي حد وخلاص. 

بيضحكوا البنات. 

نور: بس بجد كلامهم خلاني اعرف مين الدكتور اللي جايلنا دا. 

رهف بضحك: وانا، عايزة اشوف المز اللي مدوبهم كدا ممكن انا كمان اكراش عليه زيهم . 

نور بضحك: ادينا هنشوفه دلوقتي. 

بعد شويه بيدخل الدكتور والبنات  مش مبطله همس عليه. 

_السلام عليكم.. اعرفكم بنفسي، انا الدكتور فارس عصام وهشرحلكم ان شاء الله بدل الدكتور محمد. 

بتبص رهف ناحية الصوت بسرعه وبتقول بصدمه: يا نهار اسود. 

نور باستغراب: اي في اي 

وبتبص علي الدكتور وبتقول بتفاجأ: يا نهار احوس شيلنا المادة. 

وشهد وحور بيبصولهم باستغراب وبعدها بينقلوا نظرهم ناحية الدكتور وبيتصدموا.

رهف وهي بتلطم: يا حوستاي شيلنا المادة خلاص. 

حب_في_مهمة

#البارت_9

رهف بلطم: يا حوستاي شيلنا المادة خلاص. 

حور وهي بتلوي شفايفها: شكلها سنة طين. 

شهد: طب ايه؟ هو احنا كدا هنشيل المادة خلاص. 

نور بضيق: لا ياختي ولا يقدر. 

رهف وهي بتلوي شفايفها: يقدر ياختي يعملها ونص وتلت وربع كمان اتنيلي. 

فارس وهو بيشاور عليهم: الاربع بنات اللي ورا عمالين ترغوا في اي كدا. 

شهد بصوت منخفض: يالهواي هو قصده علينا؟. 

رهف: لا لا اعملوا نفسكوا مش واخدين بالكوا بصوا خبوا وشكوا اعملوا اي حاجه خلوا المحاضرة دي تعدي علي خير. 

فارس بضيق: انتي يا انسه انتي وهي قوموا اقفوا. 

حور بتوتر: دا بيكلمنا احنا يالهوي. 

نور بتوتر: اعملوا نفسكوا مش واخدين بالكوا. 

وفضلوا يخبوا في وشهم 

اللي تحط الطرحه علي وشها واللي تخبي وشها في الديسك 

فارس بضيق:انتي يا ماما انتي وهي انا مش بكلم نفسي. 

شهد: حاسه اني هعيط. 

نور : يا رب يا رب. 

بنت من وراهم: انتو هو قصده عليكوا انتو قوموا. 

نور بصوت منخفض: اسكتي ياختي هي مش ناقصاكي انتي كمان. 

فارس بضيق: انتي يا ماما مش بكلم نفسي البنت اللي لابسه طرحه بينك دي والتلاته اللي قاعدين جمبها قوموا اقفوا. 

(رهف اللي كانت لابسه طرحه بينك)

بيقوموا البنات يقفوا بإحراج. 

رهف بتوتر: استر يا رب. 

(صحيح نسيت اعرفكم فارس هو نفس الشخص اللي كان هيخبط رهف بالعربية واتخانقت معاه) 

بينصدم فارس اول ما يشوفهم وبعدها بيبتسم ابتسامه خبيثة كدا وبيخبيها بسرعه  . 

فارس بجديه: عمالين ترغوا في اي كدا بقا وانا بتكلم. 

البنات ساكتين باحراج ومش عارفين يردوا. 

فارس بجدية: انا مش بحب أتكلم كتير ولا أكرر كلامي.. فـ أول قاعدة هنا إن احترام المحاضرة أهم من أي حاجه، واللي هيكسر القواعد دي.. هيشوف مني وش تاني.. واضح؟ 

نور بتوتر: ت تمام يا دكتور احنا اسفين. 

فارس: دا اخر إنذار ليكو.. اتفضلوا اقعدوا. 

بيقعدو البنات وبيبقوا محروجين. 

رهف بصوت منخفض وهي بتدعي عليه: يلعنك يا بعيد تك قرف. 

حور بصوت منخفض: انا كنت مفكرة انه هيطردنا. 

شهد بتوتر: دي شكلها هدوء ما قبل العاصفه. 

رهف بتوتر: ربنا يستر. 

بيبدأ فارس في شرح المحاضرة وبعدها بيبص لرهف. 

فارس وهو بيشاور عليها: انتي يا آنسة. 

رهف وهي بتشاور علي نفسها بدهشه:انا؟ 

فارس بغرور: ايوه انتي قومي اقفي. 

رهف وهي بتقف بتوتر: نعم يا دكتور. 

فارس: اتفضلي اشرحي اللي انا قلته. 

رهف بصدمه: نعم؟! 

فارس : ايه؟ مسمعتيش؟ بقولك اشرحي اللي انا قلته. 

بتسكت رهف باحراج لانها اصلا مكنتش مركزة معاه. 

فارس باستهزاء: ها انجزي. 

رهف باحراج:م مش عارفه. 

فارس بغرور وكبرياء: امم اسمك اي بقا؟ 

رهف باحراج: احم ا اسمي رهف. 

فارس بغرور : تمام يا انسه رهف اتفضلي اطلعي برا. 

رهف بصدمة: ايه؟! 

فارس: ايه؟ بقولك اطلعي برا هي حاسة السمع عندك بايظة ولا اي. 

رهف بتأسف واحراج: انا اسفه يا دكتور هبقي اركز المرة الجاية متأسفه جدا لحضرتك اخر مرة . 

بص لها فارس بغرور واشار ليها بصباعه خارج المدرج وقال بكبرياء: لو سمحتي إتفضلي علي برا، وياريت متضيعيش وقتي ووقت زمايلك أكتر من كدا. 

بتبصله رهف بكره وبتفضل تدعي عليه ف سرها وبتبقي حاسه باحراج

بس بعدها بتتنفس بهدوء وطلعت بكل كبرياء ومستنتهوش حتي يكمل كلامه وخبطت الباب جامد وراها. 

وفارس ابتسم بانتصار بس خبي ابتسامته بسرعه. 

نور بغيظ في سرها: يلعنك تك داهية تاخدك، يا عيني عليكي يا صاحبتي. 

شهد: يالهوي دا طردها. 

حور: اسكتو بقا لنطرد احنا كمان. 

طلعت رهف من المدرج بضيق وكانت متضايقه جدا وكانت حاسه انها هتولع من المغرور المتعجرف دا

خدت نفس طويل وطلعته عشان تهدي من نفسها 

راحت حديقة الجامعه وقعدت فوق النجيله الخضرة وطلعت الهاند فري بتاعتها وقعدت بهدوء تستمع. 

طلع فارس من المدرج بعد ما انتهي من القاء محاضرته علي طلابه، بص بعينيه عليها 

لقاها قاعدة زي الفراشه وسط الزهور وعماله بتدندن  وكأن شئ لم يكن. 

بصلها بكبرياء واتضايق من برودها وعدم مبالاتها وبعدها اتجاهلها وطلع مكتبه. 

بيروحو البنات عندها بعد ما طلعوا 

شهد باستغراب وهزار: اي يا بت البرود اللي انتي فيه دا؟ قاعدة مشغله ميوزك وبتغني ولا كأنك كنتي مطرودة من المحاضرة. 

بصت رهف ليها بابتسامه ورفعت كتفيها ومطت شفتها بحركة لا مبالاة. 

نور وهي بتحط ايديها علي خد رهف: قوليلي يا قلبي انتي كويسه. 

رهف: الحمد لله، بحاول اهدي نفسي شويه، البني آدم اللي اسمه فارس دا مستفز وبارد ومغرور وكلح ورخم

حور: هدي نفسك بقا يا رورو، و يلا تعالو ناكل أي حاجه في الكافيتيريا، انا جعانه جدا. 

بيروحو البنات الكافيتيريا 

شهد: بس علي فكره شرحه ممتاز. 

نور: امم وكمان متمكن في انه يقدر يخليكي تندمجي وتفهمي شرحه بطريقه سلسه جدا. 

حور: هو ممتاز اه بس ما شاء الله علي الاستقصاد. 

نور وهي بتبص لرهف: وبالذات الاستاذة رهف. 

رهف بضيق: دا من اول محاضرة وابن ال طردني. 

نور:ربنا يستر بقا علي الايام الجاية. 

رهف: انا حاسه انه مش هيسيبني في السنة الطين دي الا اما يسقطني. 

حور: ربنا يستر. 

شهد بحب:مستنيه محاضرة يوسف اوي عايزة اشوفه. 

نور بضحك: يالهوي ياني. 

حور بضحك: واحدة بتكره دكتور ومش بتطيقه وواحدة تانيه واقعه في غرام دكتور. 

نور: بت يا شهد دا انتي هتفضحينا فياريت بالله عليكي تبقي تركزي ف ام المحاضرة مش تركزي فيه. 

شهد: مش بقدر. 

حور: دا انتي واقعه واقعه، واقعه منيله. 

وفجأة وهما بيتكلموا موبايل نور بيرن برقم سيف. 

حور باستغراب: نقط؟ 

شهد بضحك واستغراب: دا مين اللي انتي مسجلاه بنقط دا. 

نور بتوتر: ه ل لا مفيش، عن اذنكوا. 

بتقف نور في جمب وبتفتح علي سيف. 

نور بابتسامه: الو. 

سيف: الو عامله اي يا نور. 

نور: الحمد لله بخير. 

سيف:بصي تعرفي تقابليني بعد الكليه. 

نور باستغراب: نتقابل بعد الكليه؟ ليه؟ 

سيف:كنت عايز اتكلم معاكي شويه . 

نور بتحس انها فرحت من جواها لانها بقالها فترة مشافتهوش. 

نور بضيق لما افتكرت ان جدها بيراقبها: صحيح انت نسيت ان انا متراقبه؟ ف هنتقابل ازاي. 

سيف: متشغليش دماغك انا هتصرف. 

نور بابتسامه: تمام، شكلك عندك حل لكل حاجه. 

سيف بابتسامه وثقة: تعرفي عني غير كدا. 

نور بابتسامه: لأ طبعا ازاي. 

سيف: طيب سلام بقا هبقي ارن عليكي بعد ما تخلصي لان ضروري نتقابل. 

نور بابتسامه: تمام سلام. 

نور قفلت المكالمه، بس كانت ابتسامتها مش قادرة تتخبي.. قلبها بيرقص ومتوترة بس مبسوطه. 

رجعت لصاحباتها بسرعه قبل ما يشكوا فيها اكتر. 

حور بفضول: هااا، مين النقط؟ 

نور: مفيش واحدة صاحبتي. 

شهد باستغراب: صاحبتك؟ وليه مش مسجلاها باسمها. 

نور بضحكة مصطنعه وبتحاول تغير الموضوع: الله اي يا جماعه هنقعد نحقق ولا ناكل، انا جعانه موت. 

حور: خلاص يا اوختشي. 

بيجي معاد المحاضرة التانية و بيدخلو المدرج تاني 

وبيقعدو بهدوء 

رهف كانت قاعده في النص بتأفف، ونور كانت سرحانه وبتفكر في حياتها اللي اتشقلبت، وحور بتاكل لب سرا، وشهد؟ شهد كانت قاعدة في حاله مختلفه خالص.. عينيها معلقه علي الباب. مستنيه لحظة دخول يوسف. 

الباب انفتح.. ودخل يوسف  

شهد همست لنفسها من غير ما حد يسمع: يااه حتي طريقته وهو ماسك الشنطه شبه اللي في الافلام. 

رهف لمحتها وقالت لها بهمس: بت يا شهد ارحمي نفسك، دا دكتور مش بطل مسلسل تركي. 

شهد: هش ملكيش دعوة.

يوسف كتب علي السبورة وبدأ في الشرح. 

وشهد ابتسمت ابتسامه طفوليه وهي بتسمعه. 

شهد همست لرهف وهي مندمجه: بسم الله ما شاء الله.. حتي شرحه دافي. 

رهف بضحك: ٠شرحه ولا هو؟ 

شهد ضربتها بكوعها بخفة، وعينيها ما زالت علي يوسف.

يوسف بيسأل سؤال 

وشهد رفعت ايديها بحماس 

يوسف ابتسم وهو بيبصلها: اتفضلي يا انسه شهد. 

بتقوم شهد بتجاوب علي السؤال. 

يوسف وهو مبتسملها: ممتاز يا  انسه شهد اتفضلي اقعدي. 

شهد ابتسمت بحب ورهف وحور كانوا بيبصوا لبعض وبيضحكوا عليها. 

رن الجرس، والطلبة قاموا. 

يوسف وهو بيلم حاجته بص لنور وقال بصوت هادي جدا. 

يوسف: نور انتي كويسه؟ 

نور باستغراب: اه انا كويسه، ليه؟ 

يوسف: اصلك كنتي سرحانه طول المحاضرة وحاسك مكنتيش معانا اصلا ودي مش عادتك وبقالك فترة بقيتي بتسرحي كتير وحاسك متغيرة..انتي كويسه؟. 

نور بتوتر: لا لا انا كويسه مفيش حاجه انا بس كنت حاسه نفسي تعبانة شويه. 

يوسف: لو تعبانة استأذني وروحي. 

نور: لا لا انا كويسه. 

يوسف: تمام. 

بيطلع يوسف مكتبه ونور بتروح عند صحابها. 

شهد بفضول: هو كان بيقولك اي؟ 

نور بلامبالاه: مفيش عادي. 

شهد بضيق: ماشي عادي كان بيقولك اي يعني. 

حور وهي بتضربها بكوعها:يا بت بطلي بقا. 

شهد: هش ملكيش دعوة. 

حور: ياختي انتي بتنشي دبانه. 

نور:يا بنتي كان بيسالني انا كويسه ولا لأ استغفر الله العظيم ابن عمي وبيتطمن عليا اتهدي شويه بقا. 

شهد: امم. 

رهف : ارتحتي كدا ياختي. 

شهد: ايوه ياختي. 

.. 

بعد انتهاء اليوم الدراسي 

كانت نور واقفه جنب باب الكليه، وهي عارفه ان في عربية سودا واقفه بعيد، العربيه اللي دايما ترصدها، والراجل اللي جدها باعته اكيد جوه بيراقبها، وبيبص عليها من ورا الزجاج الفيميه. 

بتبعت رساله لسيف تعرفه ان هي خلصت وواقفه جمب باب الكليه وعرفته ان العربية واقفه . 

عدي دقيقتين ووصلها رساله منه. 

"بصي في مبني هندسه قديم، تعالي انا هناك بس خدي بالك. 

نور: تمام. 

نور بتوتر للبنات: انا راحه مشوار بسرعه وجاية استنوني مش هتاخر. 

البنات باستغراب: مشوار اي. 

نور بتوتر: مفيش هروح اجيب حاجه بسرعه واجي. 

حور: طب نيجي معاكي؟ 

نور بتوتر: لا لا انا مش هتاخر

وبتاخد كاب حور كانت لبساه وبتلبسه وبتنزله علي وشها عشان ميبانش اوي

نور بسرعه :مش هتاخر 

 ومشت بسرعه وسط الزحمة عشان الراجل اللي بيراقبها ميشوفهاش. 

بتمشي ومستنتش حتي ردهم 

ودخلت من شارع جانبي، وبعدها لفت بهدوء ناحية المبني القديم اللي سيف قالها عليه 

وبتدخل

نور: احم احم. 

سيف خرج من جمب حيطه. 

سيف بابتسامه: المبني نور. 

نور ابتسمت وقالت بغرور :دا اكيد يعني. 

بيضحك سيف ضحكة خفيفه: ماشي يا عم الواثق. 

بتبتسم نور

وسيف بيطلع من جيبه علبة صغيرة جدا، شكلها كأنها مرطب شفايف. 

نور باستغراب: اي دا؟ مرطب شفايف؟انت بتحط منه ولا اي. 

سيف بضحكة خفيفة: مرطب شفايف اي يا ذكية وكمان احط منه لا ما شاء الله ذكائك عالي؟. 

نور باستغراب: اومال اي؟ دي شكلها مرطب شفايف اوي. 

سيف بجدية: بصي جوة العلبة دي جهاز تصنت.. حجمه اصغر من ضفر صباعك، بيتثبت في اي مكان، صوت واضح وبث آمن . 

مد ايده بهدوء وهي خدت العلبة منه وبصت فيها شوية وبعدين رفعت عنيها عليه، ولاول مرة بقالهم كتير.. عنيهم تسرح في بعض.

نور تداركت بنفسها وحست باحراج: احم. 

سيف بيبعد عيونه بسرعه. 

نور بحزن وبصوت مخنوق: هو دا كله هيخلص امتا.. انا تعبت تعبت اوي يا سيف. 

سيف بتنهد: كلنا تعبنا يا نور.. بس هانت معدش كتير، وانتي المفتاح. 

نور:حاسه اني خايفة.. خايفة اوي من اللي جاي. 

سيف: متخافيش يا نور انا معاكي وطول ما انا معاكي متخافيش. 

بتبصله نور بابتسامه و بعدها بتقول بتذكر: يالهوي انا نسيت خالص، انا قلت لصحابي اني مش هتاخر.. سلاام 

بتتحرك نور علي برا بسرعه. 

سيف: تمام هبقي احكيلك التفاصيل بقا 

نور بسرعه: تمام سلام. 

سيف بابتسامه: سلام. 

بترجع نور عند صحابها. 

حور بشك: هو انتي روحتي فين كدا يا نور. 

نور بتوتر: مفيش رحت اجيب حاجه بسرعه وجيت عادي. 

رهف: نور انا بجد حساكي غريبة اليومين دول اوي. 

شهد: وانا. 

نور بتوتر بس بتحاول ترسم ابتسامه علي وشها: الله اي يا جماعه انا مالي انتو اللي مالكوا كدا كلكوا النهاردة.

حور: نور بجد حساكي غريبه ومش زي الاول بقيتي بتسرحي كتير ومعدتيش بتهزري كتير زي الاول وحساكي حزينة كدا وبقيتي بتتوتري كتير ومش علي بعضك. 

نور بضحكه مزيفة: الله يا جماعة في اي عادي يعني انا بس كنت مرهقة اليومين دول شويه مش اكتر. 

رهف: نور يا ريت متخبيش علينا ولو في حاجه احكيلنا احنا بنحكي لبعض علي طول ومبنخبيش علي بعض حاجه ف بجد يا ريت لو في حاجه احكيهالنا وفضفضي معانا زي كل مرة 

نور من جواها بتبقي عايزة تفضفضلهم كل اللي في قلبها وترتاح بس بتمنع نفسها لان المرة دي غير كل مرة ودي مهمة سرية مينفعش تتحكي 

نور بابتسامه مصطنعه بس كان وراها حزن ووجع: لا لا متقلقوش مفيش حاجه وبعدين لو في هحكيلكم انا مش بخبي عليكم حاجه يعني. 

رهف: تمام. 

شهد: طب يلا بقا نمشي

بيروحو البنات وكل واحدة بتروح بيتها 

بتدخل نور وملقتش اي حد في القصر ولا جدها ولا عمها وحتي مالك ويوسف. 

نور بابتسامه باهته: يااه دا اي الهدوء الحلو دا. 

وبتطلع علي اوضتها بتغير هدومها وبتتصل علي سيف. 

نور: بقولك انا روحت وملقتش اي حد موجود ولا حتي يوسف ومالك. 

سيف بابتسامه فرحه: حلو جدا دا انسب وقت تحطي فيه الجهاز. 

نور: تمام اشطا هروح احطه دلوقتي بس صحيح احطه فين. 

سيف: بصي ادخلي مكتب جدك وحطيه تحت المكتب كدا من تحت. 

نور: تمام سلام بقا عشان الحق قبل ما حد ييجي. 

سيف: تمام سلام خلي بالك من نفسك. 

بتقفل نور معاه و وبتطلع العلبة من شنطتها و بتنزل بهدوء لمكتب جدها وكانت متوترة جدا وخايفه حد ييجي 

بتدخل المكتب بهدوء وبتقفل وراها وبتطلع الجهاز من العلبه وبتثبته في المكتب من تحت 

وبتطلع بسرعه من المكتب وطلعت علي اوضتها 

بتدخل اوضتها وحطت ايديها علي قلبها: الحمد لله يا رب.. كل مرة بدخل المكتب دا الاقي حد بيقفشني يعني مرة مالك ومرة عمي... يلا الحمد لله.

بتحس نور بخنقه وقلبها مقبوض وبتنزل بركبتها وبتقعد علي الارض 

: يا تري اي اللي هيحصل بعد كدا.. وهنعيش ازاي؟! هنعيش ازاي بعد ما جدي وعمي يتقبض عليهم 

بتكمل بدموع 

"و و اي ردة فعلهم بعد ما يعرفوا اني كنت بساعد في القبض عليهم؟ اي رد فعلهم بعد ما يعرفوا؟ انا لحد دلوقتي مش قادرة استوعب.. مش قادرة استوعب اي حاجه.. خايفه خايفه اوي 

دموعها بدات تنزل علي خدها

حاسه اني لوحدي.... ط طب مالك ويوسف هيعملوا اي بعد ما يعرفوا.. يا تري هيسامحوني ولا هيقدروني ويقدروا ان اللي كنت بعمله الصح 

بتضغط راسها علي ركبتها وفضلت تعيط 

حاسه اني متلغبطه اوي حياتي كلها بقت متلغبطه حاسه اني معدتش قادرة استحمل تعبت.. تعبت أوي يا رب انا تعبت معدتش قادرة يا رب بحاول اضحك واهزر بس من جوايا مكسورة يا رب حاسه اني وحيدة مليش حد تعبت تعبت والله معدتش قادرة.

مالك كان معدي من قدام اوضة نور وبيسمع صوت عياطها فبيقلق عليها. 

وبيخبط علي الباب. 

مالك بقلق: نور انتي كويسه؟ 

نور بتنصدم وبتقوم بسرعه وبتمسح دموعها وبتحاول تعدل صوتها علي قد ما تقدر: ا اه اه انا كويسه. 

مالك بقلق: نور انتي بتعيطي؟ 

نور بتوتر وبتحاول تمسك دموعها: ل لا م مش بعيط. 

نور كانت بتحاول تعدل صوتها بس بردو باين علي صوتها انها كانت بتعيط 

مالك: مكنتيش بتعيطي ازاي انا سامعك طب افتحي كدا عايز اتكلم معاكي شويه متقلقنيش عليكي. 

بتمسح نور وشها بايديها بسرعه وبتحاول ترسم ابتسامه بالعافيه وبتفتحله. 

مالك بيبصلها بقلق: مالك يا نور ليه بتعيطي بالشكل دا. 

نور بتوتر وبتحاول تمسك دموعها عشان متنزلش قدامه: انا؟ ل لا مكنتش بعيط خالص ي يمكن بيتهيألك. 

مالك بدهشه: بيتهيألي اي انتي مش شايفه نفسك وبعدين باين علي عينيكي جدا غير اني سمعتك بتعيطي وكنتي منهارة..

بيكمل بهدوء: نور مش انتي بتعتبريني اخوكي فخلاص متقلقنيش عليكي واحكيلي احكي لاخوكي.. اخوكي موجود وهيسمعك. 

مبتقدرش نور تمسك دموعها اكتر من كدا وبتنهار بالدموع وبتعيط بشدة. 

ـــــــــــــــــــــــــــــــــــــــــــــــــــــــــــــــــــــــ

استوووووووووب 

 تتوقعوا نور هتحكي لمالك وتقوله علي كل حاجه ولا اي اللي هيحصل؟ 

تعديل المقال