رواية تزوجت صديق زوجها عرفيا الحلقه الثالثه والرابعه بقلم الكاتب عادل عبدالله حصريه وجديده على مدونة أصل للمعلومات والروايات
 |
رواية تزوجت صديق زوجها عرفيا الحلقه الثالثه والرابعه بقلم الكاتب عادل عبدالله حصريه وجديده على مدونة أصل للمعلومات والروايات
اتكلم يا رشدي انا سمعاك .
لأ مش هينفع في التليفون لازم نقعد ونتكلم شوفي الوقت المناسب النهارده ونتقابل .
لا يارشدي مش هينفع نتقابل بدون سبب اوعي تنسي اني ست ارملة ووحيدة وعيون الناس هتبقي عليا .
في سبب وسبب مهم جدا كمان .
طيب قول اي هو السبب
السبب اني بحبك يا هيام .
بتقول اي
بقولك بحبك .
انت اټجننت يا رشدي !!!
بالعكس انا ابقي مچنون لو مش اتكلمت وقولتلك اللي في قلبي دلوقت .
انا مرات خالد صحبك اللي لسه مېت من اسبوع وانت جاي النهاردة تقولي كده !!!
هيام بلاش تعملي نفسك اتفاجئتي بكلامي انتي عارفة اني معجب بيكي وبحبك من زمان .
انت اكيد بتهزر يا رشدي !!! انا مرات صحبك .
انا عمري ما كنت جد وبتكلم من قلبي زي دلوقتي . خالد صحبي الله يرحمه واللي عايشين دلوقتي انا وانتي ليه نعيش بعيد وتعذبيني .
انا هقفل .
لا استني اوعي تقفلي .
عايز اي يا رشدي .
عايزك تعرفي اني بحبك وعاوز اتجوزك ومش هتنازل عنك ابدا .
انا مضطره اقفل دلوقت سلام .
كنت لازم اقفل معاه الكلام رغم اني كنت اتمتي لو يفضل يتكلم علطول مش هنكر ان كلام رشدي دخل قلبي ولمس مشاعري وبدأ احساسي يتحرك تجاهه .
رشدي اي واحدة لازم تنجذب له وتعجب به هو حاجة كده واااو .
سوبر هيرو بجد رجل محترم وكاريزما وسيم وشيك واستايل ومش يبان عمره الحقيقي ابدا يبان دايما اصغر من عمره وفي نفس الوقت دمه خفيف وستايل وفرفوش وقبل كل ده رومانسي وعاطفي جدا لدرجة ان رغم كوارثه وعلاقاته الكتير الا ان ياسمين مراته متمسكه به وبتحبه جدا .
كنت لازم اقفل معاه فورا لأن لو كان كمل كلام ثواني قليلة كنت قولتله ان انا كمان معجبه به وبحبه !!!
بعد نص ساعة رشدي اتصل عليا تاني !!!
هيام قفلتي ليه
مينفعش كلامك ده يا رشدي .
علفكرة انا بحبك يا هيام بجد من زمان مش مجرد اعجاب وكنت ساكت علشان المرحوم خالد الله يرحمه .
ولما انت كنت بتحب خالد كده ينفع تقولي كده بعد مۏته باسبوع
ده مش بمزاجي انا اتكلمت لما حسيت انك هتضيعي مني .
مش فاهمة !!!
حسيت ان في حد تاني حسيت انه بيحاول يقرب منك ويظهر اهتمامه بيكي .
قصدك صلاح
ايوه يعني انتي اخدتي بالك
اللي انت متعرفوش ان صلاح كلمني فعلا .
و قالك اي
قالي ان هو كمان بيحبني وعاوز يتجوزني .
ابن ال.......
ملوش لزوم الغلط .
ليه زعلانه علشانه
لا مش كده لكن هو قال نفس اللي انت بتقوله دلوقتي هتشتمه ليه ! والمفاجأة ان نادر اخو خالد قالي كمان انه عاوز يتجوزني !!
نادر كمان قالك انه بيحبك
لأ نادر قالي انه عاوز ييتجوزني علشان انا وخلود مش معانا راجل ولازم يكون معانا راجل علشان الناس مش تطمع فينا .
هما الاتنين قالولك الكلام ده امتي ده لسه خالد مېت من اسبوع !!!
الصراحة انا مستغربة اوي لسه خالد مېت من اسبوع و ٣ عرسان يكلموني !!!
ومستغربة من ايه يا هيام انتي مش بتشوفي نفسك في المرايا
مالي يعني فيا اي زيادة عن اي واحدة تانية !!
انتي حلوة اوي يا هيام ودمك خفيف وعسل كل حاجة فيكي تجنن كفاية نظرة عينيكي تملك القلب علطول ولا ابتسامتك ولا شفايفك ولا ...
كفاية كفاية ارجوك يا رشدي مينفعش كده .
وليه مينفعش بالعكس لازم تعرفي كل اللي في قلبي وانا كمان اعرف كل اللي في قلبك .
رشدي انت مش هتعرف تضحك عليا .
انا اضحك عليكي !!! ليه بتقولي كده
انت لك علاقات كتير وكل يوم مع واحدة !! ده غير انك بتحب ياسمين مراتك ازاي هتكون بتحبني انت قلبك مشغول علطول يا استاذ .
اولا ياسمين ام اولادي وانا متمسك بها مش علشان بحبها علشان بس الاولاد اما العلاقات دي نزوات مش حب .
وانا اعرف منين اني مش نزوة من نزواتك
دي بقي مش انا اللي هثبتها لك الايام هيه االي هتثبتهالك .
انت بتاع ستات يا رشدي وملكش امان .
انتي فهماني غلط .
طيب فهمني انت الصح
مفيش راجل مش بتاع ستات نادر اخو خالد الله يرحمه كان كده وانا كده وصلاح كده وغيره كده
خالد كان بتاع ستات
ايوه طبعا وكلنا عارفين .
بقي كده يا خالد !!!! عيشت طول عمرك تستغفلني !!!
كل الرجالة كده يا هيام .
بقي كده يا خالد ربنا يرحمك ويسامحك بقي .
الله يرحمه خلينا احنا في موضوعنا .
عايز ايه يا رشدي
قولتلك انا بحبك وبموت فيكي كمان وعايز اتجوزك .
بص يا رشدي دلوقتي مش هينفع نتكلم في الموضوع ده خالص علي الاقل مش قبل ما تخلص العدة .
ياااه لسه هستني اربع شهور
اربع شهور و١٠ ايام مش هينفع نتكلم في اي حاجة في الوقت الحالي .
افهم من كده انك موافقة
بردو مش هقدر اقولك موافقة ولا لأ قبل ما تعدي العدة .
طيب ممكن سؤال اخير
اتفضل .
انتي كان ردك علي صلاح ونادر نفس الرد ده
وانت عايز تعرف ليه
معلش جاوبيني .
لأ كان ردي مختلف .
كان ردك عليهم اي
كان ردي اني مش بفكر في الجواز بعد المرحوم خالد .
يعني افهم من كده انك موافقة عليا
مش هقدر اجاوبك .
انا اسعد انسان في الدنيا انا كنت عارف ان احساسي
مش بيكدب عليا .
خلاص يا رشدي كفاية كده مش هقدر اتكلم معاك اكتر من كده .
كانت المكالمة دي بمثابة اعلان ارتباط ضمني بيني وبين رشدي لكن نادر وصلاح كانوا مش عارفين حاجة عن كلامي مع رشدي وكان لسه عندهم الامل في الارتباط بيا .
تاني يوم ياسمين زوجة رشدي عدت عليا في البيت وقعدت معايا .
وانا بتكلم مع ياسمين كنت بحاول افهم منها كل حاجة بيحبها رشدي .
بيحب يأكل اي يشرب اي يلبس اي بيحب مراته تلبس اي الوان الميكاب اللي بيحبها لون الشعر ونوع البرفن . كنت كل مرة اقعد فيها مع ياسمين اعرف منها حاجة بيحبها رشدي .
كنت بجهز نفسي واعرف كل حاجة علشان وقت ما ارتبط به استحوذ علي قلبه وعقله ومفيش ست تانية تقدر تنافسني عليه .
انا عارفة ومتأكدة ان في كتير هيتعاطف معايا ويعرف ان مشاعر واحاسيس الحب ممكن تجبر الست تعمل اي حاجة .
لكن في نفس الوقت متأكدة ان النسبة الاكبر هيقولوا عليا اني ست مش كويسة ازاي بفكر في الجواز بعد ايام من مۏت جوزي وفي نفس الوقت عاوزة اتجوز جوز صحبتي وقعدة معها وبضحك في وشها وانا في نفس الوقت پطعنها في ضهرها .
بالنسبة لجوزي الصراحة بعد مۏته حسيت اني خرجت من سجن ظلمه ليا وقسوته عليا .
اما بالنسبة لياسمين صحبتي انا عارفة اني غلطانة في حقها لكن مش بايدي !! انا انسانة وليا احساسي ومشاعري ولما مشاعري اتحركت كان مش بارادتي !! وهي كمان مش جديد عليها ان جوزها يعرف عليها ستات وهيه بتبقي عارفة صحيح المرة دي هيتجوز عليها لكن بيتهيألي بالنسبالها مش هتفرق كتير .
المشكلة الاكبر كانت في صلاح اللي مش بيبطل يتصل بيا ليل ونهار !!
ومهما اقوله اني مش بفكر في الجواز بعد خالد مفيش فايدة .
لدرجة أني بدأت ازهق من اللي صلاح بيعمله وقررت المواجهة بأي طريقة .
وفي يوم وكان عدا علي مۏت خالد اكتر من شهرين اتصل بيا صلاح واضطريت اني ارد عليه باسلوب قاسې واول لما سمعت صوته قولتله انت مش هتبطل تتصل بيا بقي
هبطل اتصل في حالة من الاتنين اما انك توافقي تتجوزيني او اني اموت .
اسمع يا صلاح من الاخر انا مش هتجوزك فهمت ولا لسه
مش هتتجوزيني انا تحديدا ولا مش هتتجوزي بصفة عامة
بصفة عامة انا مش هتجوز وحتي لو فكرت اتجوز مش هتجوزك يا صلاح اظن كده الكلام واضح .
معني كلامك انك رفضاني انا شخصيا !!
اظن يا صلاح الجواز رضا وقبول ومش يعيبك ابدا اني مش اوافق اتجوزك بالعكس انت رجل محترم ومتجوز ولو حبيت تتجوز تاني الف واحدة ترضي وتوافق عليك .
لكن معني كلامك يا هيام ان باب الجواز ممكن ينفتح في اي وقت
متزعلش مني دي حاجة تخصني انا مش تخصك .
طيب اعملي حسابك يا هيام لو اتجوزتي غيري مش هعديها بالساهل .
انت بتهددني يا صلاح
مش ټهديد لكن انا اولي بيكي من اي حد خصوصا انك عارفة اني بحبك من زمان .
مفيش حاجة اسمها كده يا صلاح انا انسانة ليا مشاعر واحاسيس مش جماد علشان تقول الكلام ده معلش انا مضطرة اقفل سلام .
بعد المكالمة دي كان لازم انهي لصلاح الموضوع ده نهائي واضطريت اني اعمل حاجة مكنتش عاوزة اعملها من الاول .
#رواية الحلقة ٤
#بدون_لينات
#تزوجت_صديق_زوجها_عرفياً
#الكاتب_عادل_عبد_الله
#الحلقة_الرابعة
بعد المكالمة دي كان لازم انهي لصلاح الموضوع ده نهائي واضطريت اني اعمل حاجة مكنتش عاوزة اعملها من الاول .
اضطريت اني اكلم ندي مراته واقولها علشان تتصرف معاه وتبعده عني .
وفعلا اتصلت بندي وطلبت انها تيجي البيت عندي .
ولما ندي وصلت البيت سألتني في ايه يا هيام انت قلقتيني لما قولتيلي انك عاوزاني ضروري !!
انا كنت مش عاوزة اتكلم واقول لكن انا خلاص زهقت ولازم اتكلم .
اتكلمي قولي فيه ايه يا هيام قلقتيني يا حبيبتي .
صلاح يا ندي .
صلاح جوزي
ايوه .
ماله
مش سايبني في حالي من يوم مۏت خالد الله يرحمه وهو بيطاردني وبيكلمني وبيقولي انه عاوز يتجوزني .
صلاح جوزي !!!!!!
ايوه .
وانا سجلتله مكالمة علشان تبقي دليل معايا واثبات علي كلامي .
وبعد ما ندي سمعت المكالمة كانت مصډومة و بكت وقالتلي خلاص يا هيام انا هتصرف ومشيت .
وفي نفس اليوم بالليل صلاح حاول يتصل بيا كتير لكن انا مش رديت لأني فهمت انها كلمته واكيد حصلت بينهم مشكلة .
بعدها رشدي كلمني وكان لسه ميعرفش اللي انا عملته فقولتله علي اللي حصل علفكرة يا رشدي صلاح كلمني تاني ورغم اني صديته بدل المرة الف مرة مفيش فايدة فأضطريت اقول لندي مراته .
رشدي بتتكلمي جد
ايوه .
ضحك رشدي اوي وقالي يخربيتك ده زمان ندي مولعه فيه حريقة !!
وكنت اعمل ايه يعني وهو مش سايبني في حالي
ومش قولتيلي ليه انه كلمك تاني
انا قولت اني لما اكرر رفضي له هييأس ويسكت لكن مفيش فايدة .
علي العموم ندي هتقوم بالواجب وهتوريه النجوم في عز الضهر .
علشان كده انا قولتلها .
ندي بتتصل عليا هقفل معاكي اكلمها وارجع اكلمك تاني .
وبعد حوالي ربع ساعة اتصل رشدي تاني وقالي زي ما توقعنا ندي خربت الدنيا وبهدلت صلاح ومصممة علي الطلاق .
بتتكلم بجد يا رشدي
ايوه وطلبت مني اني اقنع صلاح يطلقها .
لا يا رشدي بالله عليك روح صلح ما بينهم شوية وانا هكلم ندي علشان اهديها .
كلمت ندي وكانت مصممة علي الطلاق ورفضت انها تقابلني او اي محاولات للصلح .
بعدها صلاح اتصل بيا وقالي بقي كده يا هيام تقولي لندي
كنت اعمل ايه وانا شايفاك مش عاوز تسيبني في حالي !!
علشان بحبك يا هيام .
وانت بتكلمني كنت ناسي انك متجوز وان مراتك مش هتسكت
لأ مكنتش ناسي .
طيب وزعلان ليه اني قولتلها هي كده او كده كانت هتعرف .
طيب خلاص سيبك منها دلوقتي وخلينا في نفسنا انا لسه عند كلامي ليكي وكمان هطلق ندي علشان اكون ليكي لوحدك .
لا يا صلاح معلش انا مش هبني بيتي علي انقاض بيت تاني وفي اي حال من الاحوال احنا مش هننفع مع بعض .
ماشي يا هيام علي راحتك لكن اعملي حسابك لو عرفت انك اتجوزتي غيري هزعل اوي وانا زعلي وحش .
تاني يا صلاح !!! لغة الټهديد دي مش بحبها .
عدت ايام كتير وقربت مدة العدة علي الانتهاء وقبل نهايتها باسبوعين نادر اخو خالد الله يرحمه اتصل بيا .
نادر عاملة ايه يا هيام
الحمد لله بخير .
وخلود بنت اخويا اخبارها ايه
الحمد لله كويسة .
العدة خلصت ولا لسه
اظن انك عارف تاريخ ۏفاة اخوك وعارف ان لسه باقي حوالي اسبوعين !!
فعلا انا عارف لكن كنت بتصل علشان نتفق هنعمل اي .
نتفق علي اي
نتفق علي جوازنا .
اظن اني قولتلك قبل كده اني مش بفكر في الجواز .
ايوه قولتي كده فعلا لكن ده علشان كان لسه المرحوم مېت وزعلك عليه فقولت اكيد مع الوقت موقفك هيتغير .
انا موقفي مش هيتغير ابدا .
بالعكس انا متأكد ان موقفك هيتغير لكن احنا عايزين نكسب وقت .
انت بتقول اي يا استاذ نادر !!!
بقول ان في كل الاحوال بعد شهر اتنين او حتي سنة او سنتين لازم هتتجوزي فيبقي مش نضيع وقت علي الفاضي وخصوصا اني الصراحة من وقت ۏفاة خالد وانا بفكر فيكي وبصراحة اكتر انا حبيتك .
استاذ نادر لو سمحت التزم بادب الحوار وبلاش كلام ملوش لزمة .
وهو لما اعبر عن حبي ليكي يبقي كلام ملوش لزمة !!
بعد اذنك الموضوع ده اقفله خالص ومش عاوزة خلاص فيه تاني ابدا .
يعني افهم من كده انك رافضة فكرة الجواز ولا رفضاني انا شخصيا
في العموم انا رافضة فكرة الجواز .
طيب يا هيام انا هحترم رأيك لكن لو عرفت انك فكرتي بس مجرد تفكير في الجواز هفهم وقتها انك كنتي بترفضيني شخصيا ووقتها هيكون ليا تصرف تاني .
وانت بتكلمني بالاسلوب ده كده ليه انت مش لك عندي حاجة علشان تكلمني كده .
ليا خلود بنت اخويا .
بنت اخوك موجودة وقت لما تحب تشوفها وتطمن عليها هتشوفها .
ايوه لكن انا مش هسمح ان راجل غريب يربي بنت اخويا .
لما يحصل كده وقتها ابقي اعمل اللي عايز تعمله .
انتهت المكالمة وانا في قمة ڠضبي واتصلت في وقتها برشدي وحكيت له المكالمة كلها .
رشدي بقي نادر كلمك وقالك الكلام ده
ايوه .
انا عارف السبب الحقيقي اللي هو عاوز يتجوزك بسببه .
يعني اي السبب الحقيقي مش فاهمة بقلم عادل عبد الله
السبب الحقيقي ان المرحوم خالد كان شاري قطعة ارض من اكتر من ١٠سنين وخلص اقساطها ودلوقتي الارض دي تمنها اكتر من ٢ مليون جنية .
انت بتقول اي يا رشدي انا اول مرة اسمع الكلام ده !!!
هي دي الحقيقة ولو فتشتي في حاجة خالد كويس هتلاقي اوراق الارض دي .
وازاي خالد يعرفك انت واخوه نادر اللي كان مقاطعه ومش يعرفني انا حاجة عن الارض دي
هقولك يا هيام بس ارجوكي اوعي تزعلي من كلامي .
قول يا رشدي .
الصراحة ان المرحوم كان قلقان منك ومش بيثق فيكي .
: أنا !!!! خالد كان مش بيثق فيا انا !!!! طيب ليه انا عمري ما عملت معاه حاجة وحشة !!!
هي دي الحقيقة يا هيام .
يعني كان بيثق فيك انت ونادر اكتر مني
الحقيقة انه كان مش بيثق في نادر اخوه لكن نادر عرف بالصدفة .
تقصد تقول ان نادر عاوز يتجوزني علشان طمعان في الارض .
يا هيام الارض دي انتي ليكي التمن فيها والباقي بنتك ليها نصها ونادر له نصها .
ليه بقي نادر ياخد نصها ليه !!!
علشان المرحوم خلف بنت واحدة يبقي من حق اخوات المرحوم نص التركة .
بالشكل ده لازم نرتب اوراقنا من جديد .
لأ يا حبيبتي قصدك لازم نتجوز انا وانتي بسرعة .
افترض اننا اتجوزنا دلوقتي يا رشدي نادر مش هيسكت وهيقلب علينا الدنيا وهندخل في مشاكل كبيرة اوي معاه .
عندك حق يا حبيبتي علشان كده فكرت لحد ما لقيت احسن حل .
اي هو
نتجوز عرفي .
بتقول اي انت اټجننت يا رشدي !!!
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الحلقه الثالثه و الرابعه من هنا
💙🌺🌹❤️💙🌺🌹❤️💙🌺🌹❤️💙🌺🌹❤️💙🌺