رواية تزوجت صديق زوجها عرفيا الحلقه الثامنه حتى الحلقه الثالثه عشر والاخيره بقلم الكاتب عادل عبدالله حصريه وجديده على مدونة أصل للمعلومات والروايات
 |
رواية تزوجت صديق زوجها عرفيا الحلقه الثامنه حتى الحلقه الثالثه عشر والاخيره بقلم الكاتب عادل عبدالله حصريه وجديده على مدونة أصل للمعلومات والروايات
طيب ما نتجوز رسمي احسن يا رشدي ونرتاح من كل ده
تاني يا هيام ما انا قولتلك اننا هنتجوز رسمي في الوقت المناسب .
امتي بس
قريب اوي يا حبيبتي .
لكن مر اكتر من اسبوع ولسه مفيش شقة .
فوجئت برشدي بيطلب مني انه يقابلني في شقتي اثناء غياب خلود بنتي !!!
رفضت لأني كنت خاېفة لكن لما قالي ان الوضع ده هيكون مؤقت لحد لما يلاقي شقة وافقت لكن بردو كنت قلقانة .
خلود كان عندها درس مرتين في الاسبوع وكانت بتتأخر اكتر من ساعتين اتفقنا اننا هنتقابل في الوقت ده .
وفعلا اتقابلنا اكتر من مرة علي مدار اكتر من شهر ومفيش حد حس بأي حاجة وحتي ياسمين رجعت تاني تيجي البيت وتقعد معايا ومش حسيت بأي حاجة .
وفي يوم رشدي اتصل بيا وقال انه عاوز يشوفني ضروري لكن كانت المشكلة ان بنتي خلود كانت مش هتخرج في اليوم ده !!!
لكن رشدي اټجنن وقالي انه لازم نتقابل واقترح انه هيقول لمراته انه مسافر في شغل وهيبات بره وييجي البيت عندي بالليل !!!
و حوالي الساعة ١١ بالليل كانت خلود في اوضتها رشدي اتصل بيا وقالي انه طالع البيت !!!
دخلت رشدي الشقة بصعوبة وكنت خاېفة كأننا بنسرق !!
شعور الخۏف والقلق كان رهيب وكنت متضايقة جدا وبمجرد ما دخل رشدي الاوضة قفلت الباب من جوه وقولت له يينفع كده يا رشدي اللي احنا بنعمله ده احنا بنعمل كأننا حرامية مش متجوزين !!!
معلش يا حبيبتي ظروف وهتعدي وبكره ناخد شقة واول لما الظروف تتعدل هنعلن جوازنا قدام الناس كلها .
امتي بس يا رشدي
قريب اوي . بقلم عادل عبد الله
وكان لزمته اي نتقابل هنا والبنت موجودة
علشان انتي وحشاني اوي ومش قادر استني الوقت بتاعنا .
فضلنا سهرانين وقافلين باب الاوضة لكن فجأة وكانت الساعة بعد ٢ صباحا خلود قلقت وراحت الحمام وحسيت بصوت غريب في الاوضة واتفاجئت بها بتخبط علي الباب !!!!!
مش قادرة اوصف كنت خاېفة ازاي !!! كنت ھموت من الخۏف وخصوصا لما انا عملت نفسي نايمة ومش رديت عليها وهي استمرت في الخبط علي الباب وكان لازم افتحلها !!!!!
رشدي دخل الدولاب وانا عدلت ملابسي وفتحتلها وكأني كنت نايمة وسألتها في ايه يا حبيبتي
كنت سامعه صوت غريب من شوية .
صوت صوت اي
معرفش انا متأكدة اني سمعت صوت في الاوضة من شوية .
يمكن بيتهيألك او اني كنت بتقلب وانا نايمة .
لا يا ماما انا سمعت صوت حد بيتكلم .
حد بيتكلم !!! مين اللي هيتكلم وانا نايمة لوحدي
مش عارفة بس انا متأكدة .
كانت بيتكلم بيقول اي
مش عارفة الصوت كان بسيط اوي ومش واضح لكن انا متأكدة ان كان في صوت .
اااه افتكرت اصل انا كنت بتفرج علي فيلم علي الموبايل قبل ما انام وسبته شغال ونمت .
طيب يا ماما المهم اني اطمنت عليكي .
مشيت خلود ودخلت اوضتها وانا قفلت الباب وقولت لرشدي اي رأيك يا رشدي ينفع كده !!!
معلش يا حبيبتي انا فكرت دلوقتي في حل يريحنا احسن من اللي بنعمله ده .
حل اي قول .
اي رأيك لما تاخدي حقك في الارض وتبيعي منه جزء ونشتري شقة تبقي تمليك بتاعتك ومش هنعرف حد بالشقة دي لحد ما نعلن جوازنا ووقتها مفيش حد هيعترض علي اي حاجة .
فكرة حلوة لكن تفتكر نادر هيوافق اننا نبيع الارض بسهولة
انتي هتقوليله انكم عاوزين تقسموا الارض وكل واحد ياخد نصيبه وهو لما يعرف هيطير من الفرح علشان هياخد نصيبه ويتصرف فيه واول ما تاخدي نصيبك انتي وخلود تبيعي جزء منها اللي هيوفر لنا تمن الشقة .
وتفتكر نصيبي لوحدي هيكفي تمن شقة
اكيد لأ ما انتي هتبيعي جزء من نصيب خلود .
ازاي هبيع جزء من نصيبها في الارض .
يا حبيبتي انتي طيبة اوي ومش فاهمة حاجة خالص !! يا هيام انتي الوصية علي خلود ومن حقك التصرف في اي حاجة تملكها .
ده بجد
ايوه يا قلبي مش بقولك انتي طيبة ومش فاهمة حاجة .
انا فعلا مش بفهم في الحاجات دي .
عموما انا بفهم في الحاجات دي كويس اوي وبمجرد ما تقسموا الارض سيبي الباقي عليا انا هعملك كل اللي انتي عايزاه .
خلاص اللي تشوفه يا رشدي اذا كنت انا بأتمنك علي نفسي معقول مش هأتمنك علي فلوسي !!!
انتي بكره الصبح اتصلي بنادر واطلبي تقابليه ولما تتكلموا قوليله علي موضوع تقسيم الارض .
وفعلا تاني يوم الصبح اتصلت بنادر وقولتله ازيك يا استاذ نادر
الحمد لله تمام اخبارك اي يا هيام واخبار خلود بنت اخويا اي
تمام كويسين كنت عاوزة اشوفك علشان نتكلم في موضوع مهم .
خير يا هيام خلاص وافقتي اننا نتجوز
لا ما انا قولتلك يا استاذ نادر اني مش هفكر في الجواز تاني .
اومال موضوع اي اللي عاوزة تتكلمي فيه معايا
كنا عايزين نقسم الارض وكل واحد ياخد نصيبه فيها .
انتي عرفتي موضوع الارض منين
المرحوم قالي قبل ما ېموت الله يرحمه .
طيب يا بنت الحلال ما تيجي نتجوز وتبقي الارض كلها علي بعضها بتاعتنا كلنا
تاني هتتكلم في الجواز !! انا مش بفكر في الجواز ريح نفسك كل واحد ياخد نصيبه ويتصرف به زي ما يحب .
انتي ناوية تبيعي الارض
يا استاذ نادر نصيبي انا وخلود يخصنا نتصرف فيه زي ما نحب زي ما انت بالظبط لما تاخد نصيبك هتتصرف فيه زي ما تحب .
نصيبك انتي اعملي فيه اللي تحبيه لكن نصيب خلود بنت اخويا لازم اطمن هتعملي فيه اي
والله ده شيئ يخصني
انا وبنتي . بقلم عادل عبد الله
لكن دي بنت اخويا وعاوز اطمن عليها .
اطمن عليها يا نادر انت مش هتخاف عليها اكتر مني وعموما لو مش عاوز نقسمها دلوقتي انت حر لكن الارض هتفضل كده زي البيت الوقف ومفيش حد هيستفيد منها !!! فالافضل اننا نقسمها علشان انت كمان تاخد نصيبك وربنا يباركلك فيه وتعمل فيه اللي انت عاوزه .
طيب خلاص انا جاي كمان يومين ونخلص الموضوع ده رغم اني كان نفسي نلم الشمل ونتجوز ونعيش كلنا مع بعض لكن برحتك .
هنتظر حضرتك بعد يومين .
وبعد يومين روحنا انا ونادر وخلود عند المحامي وعملنا عقد تقسيم الارض وحددنا الارضي بتاعتي وارض خلود وارض نادر وتاني يوم سجلنا العقد في الشهر العقاري .
وبمجرد ان رشدي عرف كان هيطير من الفرحة .
وقالي انتي دورك كده خلص انا هعمل كل حاجة .
هتعمل اي يا رشدي
اولا انتي لازم تعمليلي توكيل عام علشان اقدر ابيع الارض .
توكيل !!!!!
#الحلقة_التاسعة
وبعد يومين روحنا انا ونادر وخلود عند المحامي وعملنا عقد تقسيم الارض وحددنا الارضي بتاعتي وارض خلود وارض نادر وتاني يوم سجلنا العقد في الشهر العقاري .
وبمجرد ان رشدي عرف كان هيطير من الفرحة .
وقالي انتي دورك كده خلص انا اللي هعمل كل اللي جاي .
هتعمل اي يا رشدي
اولا انتي لازم تعمليلي توكيل عام علشان اقدر ابيع الارض .
توكيل !!!!! وليه توكيل يا رشدي
علشان نخلص كل حاجة بسرعة ومش ناخد وقت واخلص كل حاجة وانتي قاعدة في البيت بدون تعب انما لو مش عملتي توكيل هتتعبي معايا اوي في مقابلة الناس والاجراءات الموضوع صعب مش سهل .
وانت هتتعب نفسك وتعطل نفسك ليه يا رشدي
علشان خاطرك يا حبيبتي مش عاوز اتعبك .
طيب انا هعملك التوكيل لكن بعد اذنك اول لما تخلص اجراءات البيع وشړا الشقة الجديدة هنلغي التوكيل علطول .
طبعا يا حبيبتي انا مش هحتاجه بعد كده .
وفعلا بعد يومين روحت مع رشدي الشهر العقاري وعملت التوكيل .
رشدي اخيرا نفذت اللي كنت مخطط له من ساعة مۏت خالد .
ياسمين عملتلك التوكيل
رشدي ايوه واهو التوكيل في ايدي .
ياسمين اول مرة اعرف ان البت هيام دي هبلة للدرجادي !!
رشدي لا يا حبيبتي هي مش هبلة لكن جوزك هو اللي سحره لا يقاوم .
ياسمين علشان كده يا حبيبي انا ماسكة فيك بايديا وسناني بس اوعي تلعب بيا انا كمان انا مش هبلة زيها .
رشدي العب بمين يا قلبي ده انتي مراتي وحبيبتي وام عيالي .
ياسمين اوعي تستحلا الهانم وتكمل معاها وانا زي المغفلة .
رشدي لا يا حبيبتي هي دورها كده انتهي خلاص .
ياسمين يعني مش هتروح لها تاني
رشدي لأ لسه لما ابيع الارض الاول وفلوسها تبقي معانا ونبيع الشقة دي كمان ونمشي من هنا خالص .
ياسمين مش بقولك انت استحليت الهانم !!! الظاهر عينيها الخضرا وجمالها عمل شغل معاك .
رشدي لو فكرتي في كده تبقي عبيطة بجد لو كانت علاقتي بيها علشان جمالها كنت خبيت عليكي ومش عرفتك حاجة .
ياسمين انت هتضحك عليا يا رشدي !!! انا لولا كلام البنت لما شافتك ماسك ايديها كنت مش هعرف حاجة وبعدها انت قولتلي علي اللعبة اللي بتلعبها عليها !!! والله اعلم انت بتلعب اللعبة دي عليها بجد ولا بتلعب عليا انا !!
رشدي علفكرة هزعل منك لو قولتي كده تاني هلعب عليكي ازاي وانت حبيبتي ومراتي وام اولادي وشريكة حياتي كلها !!! انا كنت مخبي عليكي من الاول علشان عارف غيرتك عليا وانك بغيرتك دي ممكن تضيعي الخطة كلها .
ياسمين هعمل نفسي مصدقاك لكن علي شرط انك مش تروح لها تاني .
رشدي لأ طبعا مش هينفع اللي بتقوليه ده لازم اكمل معاها طبيعي جدا لحد ما نبيع الارض والفلوس تبقي في ايدينا .
ياسمين لا يا رشدي معلش انا مش هستحمل اكتر من كده .
رشدي هانت يا حبيبتي كلها ايام وكل حاجة تنتهي .
ياسمين انت مش متخيل انا بكون ازاي وانا عارفة انك معها !! بتبقي ڼار في جسمي وبكون هتجنن وانا بتخيل الموقف ده .
رشدي يا حبيبي بكون معها لكن قلبي وروحي معاكي انتي والموضوع كله ايام ونبعد عنها خالص .
ياسمين طول عمرك بتكدب عليا وطول عمري بصدقك لما اشوف اخرتها اي معاك يا حبيبي .
اندهشت لما رشدي غاب يومين بدون اتصال علي غير عادته فاتصلت عليه وقولتله فينك يا رشدي مش بتكلمني من يومين ليه
رشدي ابدا يا حبيبتي كنت مشغول بعمل اعلانات لبيع الارض .
وبيع الارض يشغلك عني بالشكل ده !!!
يا حبيبتي الدنيا كلها مش تشغلني لحظة واحدة عنك .
ماشي يا حبيبي وجالك مشتري للارض ولا لسه
لسه يا حبيبتي الارض تمنها اكتر من مليون او مليون وربع ولو استعجلنا في بيعها ممكن نبيعها بخسارة الموضوع مش هيطول ممكن كام اسبوع ولا شهر او اتنين بالكتير ونكون بعنا واشترينا شقتنا الجديدة .
وباقي الفلوس هنعمل فيها اي
تتحط وديعة باسم خلود طبعا علشان دي فلوسها .
والشقة هتتكتب باسم مين يا رشدي
زي ما تحبي باسمك او باسم خلود برحتك .
ماشي يا حبيبي بس يارب الموضوع مش يطول اكتر من كده لأني بصراحة كل ما نتقابل هنا في شقتي بكون خاېفة اوي .
مټخافيش طول ما انا معاكي المهم انتي وحشتيني اوي وعاوز اشوفك النهاردة ضروري جدا .
النهارده خلود مش هتخرج من البيت خليها بكره .
لأ مش هينفع استني لبكره لازم النهاردة .
بطل جنان بقي مش هتفرق النهارده من بكره .
لأ هتفرق كتير اوي .
مش هينفع يا رشدي .
بصي انا هاجي بالليل زي المره اللي فاتت .
لا لا انت عايزها تحس بينا زي المره اللي فاتت !!! ربنا سترنا المرة اللي فاتت المرة دي اخاڤ ننكشف .
لا مټخافيش انا هروح البيت عندك بعد العشا بشوية ومش هطول ساعتين بالكتير وهمشي علشان مش هينفع اقول لياسمين اني هبات بره زي المرة اللي فاتت .
صعب يا رشدي .
لأ مش صعب ولا حاجة اللي اعرفه ان خلود قاعدة علطول في اوضتها اهم حاجة تعرفي تدخليني بدون ما البنت تحس وانا عارف هخرج ازاي .
طيب يا رشدي ربنا يستر شكلك عاوز تفضحنا !!
بطلي خوف بقي احنا متجوزين يا حبيبتي مش بنسرق او بنعمل حاجة غلط جمدي قلبك شوية .
وحوالي الساعة التاسعة بليل رشدي اتصل وقال انه جاي وقدرت بصعوبة ادخله الشقة بدون ما تشعر خلود .
وبعد اقل من نص ساعة سمعت جرس الباب بيرن !!!!!!
انا ورشدي سكتنا فجأة و سألني مين اللي هييجي عندك دلوقتي
مش عارفة يا رشدي !!!!
انا مش منتظرة حد .
ده اللي علي الباب مصمم انك تفتحي وباين كده ان خلود بنتك نايمة علشان مش قامت تفتح الباب .
انا مش هينفع اخرج بالشكل ده .
ومين قالك اني هسيبك تخرجي !! سيبي اللي بيرن يرن ولو بنتك مش فتحت يرن لما يزهق ويمشي .
وبعد قليل سمعت صوت الباب بيتفتح وبعدها خلود خبطت علي الباب ونادت عليا .
ارتبكت وكنت مش عارفة اتصرف ازاي !!
بعدها عملت اني نايمة ورديت عليها ايوه يا حبيبتي في اي
خلود انتي قفلة الباب ليه يا ماما
مفيش يا حبيبتي كنت عايزة انام .
طيب طنط ندي مرات عمو صلاح جات وعايزاكي ضروري .
ندي !!!!
طيب يا حبيبتي اقعدي معها لحد ما اخرج .
رشدي ندي جايالك دلوقتي ليه
مش عارفة يا رشدي دي ندي من ساعة مشكلة جوزها وهي بعيدة عني ومش بنتكلم زي الاول .
وهتعملي اي دلوقتي
لازم اخرج اشوفها عاوزة اي
طيب حاولي تمشيها علطول علشان اعرف امشي منها لله بوظت السهرة .
معلش يا حبيبي تتعوض بكرة .
لبست وخرجت ومثلت عليها اني كنت نايمة .
ندي باكية صلاح طلقني يا هيام .
انتي بتهزري يا ندي
لأ بتكلم جد صلاح طلقني حالا .
انا مش ليا ذنب يا ندي انتي علي يدك انا كنت علطول بصده ولما زودها قولتلك علشان يبعد عني خالص .
انا عارفة يا هيام انك مش ليكي ذنب انا مش جايالك علشان كده انا جاية علشان ابات عندك لبكره الصبح علشان مش هعرف اسافر لأهلي في المنيا بالليل .
كلمة ندي وقعت عليا كالصاعقة !!! هعمل اي دلوقتي مش هينفع اقولها لأ وفي نفس الوقت مفيش مكان تنام فيه الا اوضتي اللي رشدي فيها دلوقتي ومش عارف يخرج !!! ده غير ان رشدي نفسه مش هيعرف يخرج من البيت !!!
ولو ندي شافته هتبقي مصېبة وڤضيحة !!!!
#رواية الحلقتين ١٠ و ١١
#بدون_لينات
#تزوجت_صديق_زوجها_عرفياً
#الكاتب_عادل_عبد_الله
#الحلقة_العاشرة
ده غير ان رشدي نفسه مش هيعرف يخرج من البيت !!!
ولو ندي شافته هتبقي مصېبة وڤضيحة !!!!
كان المكان الوحيد اللي ينفع تنام فيه هو اوضتي .
دخلت قولت لرشدي ان ندي هتنام في الاوضة معايا .
رشدي وبعدين هخرج انا من هتا ازاي
مش عارفة الحل الوحيد اننا نستني انها تنام وانت تتسحب لحد ما تخرج .
طيب وانا هقعد فين الفترة دي كلها
حاول تنام تحت السرير بدون حركة ولا صوت .
هحاول وانتي كمان حاولي تخليها تنام بدري .
وبالفعل دخلت انا وندي ننام في الاوضة وغيرنا ملابسنا ولبسنا ملابس النوم وندي بدأت تاني تبكي !!
فقولتلها خلاص بقي يا ندي غلط يا حبيبتي البكاء بالليل .
مش قادرة يا هيام مش قادرة امسك نفسي .
طيب نامي دلوقتي والصبح احكيلي اللي حصل .
ينفع يا هيام الحيوان ده يطلقني
معلش كل البيوت بيحصل فيها مشاكل وكلها كام يوم كده وترجعوا لبعض .
مش ممكن ابدا ارجعله الندل الحيوان ده .
انتي بتقولي كده علشان زعلانه منه بس لكن اول لما تتصالحوا هترجعوا سمن علي عسل تاني .
اسكتي يا هيام اصل انتي مش عارفة حاجة .
خلاص يا ندي بكره احكيلي كل اللي نفسك فيه .
لا انا هقولك دلوقتي علشان تعرفي حقيقته البيه مسكته بيخوني !!
معقول يمكن ظلماه يا ندي
لا يا حبيبتي انا مسكته متلبس .
معقول !!!! ازاي
كنت قاعدة زهقانة قولت ادخل اقعد مع جارتي شوية رنيت عليها جرس الباب كتيييير لغاية ما فتحت .
وبعدين
دخلت اقعد معها حسيت انها مرتبكة وعايزاني امشي سألتها اذا كان وراها حاجة شغلاها قالتلي انها عندها موعد عند الدكتور .
وبعدين
خرجت من عندها وانا شاكة فيها لكن مش تخيلت ابدا اني هلاقي صلاح عندها فضلت اراقبها لحد ما شوفت صلاح خارج من عندها .
نهاره اسود !!! وبعدين
فتحت الباب بسرعة وصړخت ولمېت عليهم الناس وفضحتهم .
بتتكلمي بجد
ايوه كنت لازم اعمل كده .
وبعدين
طلقني قدامها وقدام الجيران .
بدل ما يتكسف علي دمه يقوم يطلقك !! صحيح ده مش عنده ډم .
ايوه والمصېبة انه قال انه متجوزها عرفي .
سمعت منها الكلمة دي وافتكرت علطول رشدي اللي نايم تحت السرير !! وخۏفت انها تشوف رشدي او تحس به فتصرخ وتعمل زي ما عملت مع جوزها وتفضحنا زي ما فضحته !!!!
وفضلنا نتكلم انا وندي وكل ما احاول اساعدها انها تنام ندي تفتح كلام تاني وتكمل كلامها وقعدنا كده لبعد الفجر .
نامت ندي بعد الفجر بحوالي نص ساعة وخرجت انا من الاوضة واطمنت ان خلود كمان نامت وقدرت اخيرا اني اعرف اخرج رشدي من الشقة بدون ان يشعر احد .
الساعة ٨ الصبح صحينا من النوع انا وندي وقعدنا نفطر ورجعت ندي تتكلم تاني وتشتكي من صلاح جوزها .
وفي وسط الكلام ندي قالتلي هقولك سر اول مرة هتعرفيه
خير سر اي
عارفة صلاح كان عاوز يتجوزك ليه
ليه يا ندي
كان عاوز يتجوزك علشان طمعان في الارض .
بتتكلمي جد
ايوه .
وعرفتي ازاي
هو بنفسه اللي قالي كده .
لأ مش ممكن هيقولك كده ليه
لما انتي اشتكيتي منه وقولتيلي انه بيطاردك وعاوز يتجوزك وانا واجهته قالي انه كان عاوز يتجوزك علشان الارض اللي المرحوم خالد سابها قبل ما ېموت .
انتي متأكدة ما يمكن بيقولك كده علشان يخرج من الموقف
لا يا هيام ده حكي لي كل حاجة .
مش فاهمة .
هو كلمني بصراحة وقالي انه لما خالد ماټ فكر ان انتي وخلود هتبقوا لوحدكم وهتورثوا الارض ففكر انه يتجوزك علشان يستفيد بالارض وعلفكرة ده كان نفس تفكير رشدي كمان .
رشدي !!!!!!
ايوه صلاح قالي ان رشدي كمان كان بيفكر نفس التفكير .
معقول !!!!
انتي مش مصدقة ليه !! عاوزة تفهميني ان رشدي مش طلب منك ابدا انه يتجوزك
انا مش قادرة اصدق معقول اقرب اصحاب لخالد واللي كنا فاكرينهم احسن من اخواته بعد مۏته يطمعوا في مراته وفلوسه بالشكل ده !!! لا لا لا اكيد الكلام ده مش حقيقي .
وانا هكدب عليكي ليه يا هيام يا حبيبي الفلوس لغة العصر وكله بيعمل اي حاجة علشانها وعموما لو مش مصدقاني انتي حرة انا بس حبيبت اوضحكلك قذارته .
مين رشدي
لأ قصدي صلاح ورشدي كمان ماهو فكر نفس التفكير القذر .
الصدمة من كلام ندي شلت تفكيري لدرجة اني كنت مش عارفة انا بحلم ولا دي حقيقة .
معقول رشدي اللي عيشت معاه ايام قليلة حسيت فيها اني كنت مش عايشة قبل كده يطلع كده !!! بعد ما حبيته كل الحب ده ووثقت فيه وسلمته نفسي وفلوسي
وفوقيهم سلمته فلوس بنتي يطلع في الاخر مش بيحبني وبيمثل عليا الحب و بيضحك عليا وعاوز ينصب عليا وياخد فلوسنا !!!!!!
ولحسن حظي ان ندي مش قالت الكلام ده الا بعد مارشدي مشي يعني دلوقت هو لسه مش عارف اني
عرفت حقيقة اللعبة اللي بيلعبها عليا .
كان لازم اول حاجة اعملها قبل ما
افكر في اي حاجة اني الغي التوكيل قبل ما يبيع الارض .
نزلت بسرعة وروحت الشهر العقاري ولغيت التوكيل .
المشكلة كمان اني وثقت فيه وسلمته نفسي بعد ما اتجوزنا عرفي !! وطبعا هو لو عرف اني كشفته هيحاول يعمل اي حاجة علشان ينكر جوازنا !!!
انا مش عاوزة اكمل معاه لكن عاوزة اخد منه كل حقوقي .
رشدي طبعا كان عرف اللي حصل بين ندي وصلاح .
اتفاجئت ندي برشدي بيتصل بها .
رشدي ازيك يا ندي عاملة اي
ندي الحمد لله .
رشدي انا بتصل علي صلاح موبايله مقفول .
ندي انا معرفش عنه حاجة .
رشدي طيب لو عندك خليه يفتح تليفونه علشان عاوزه ضروري .
ندي انا وصلاح اتطلقنا .
رشدي معقول !!! انا مش مصدق !!!
ندي زي ما بقولك كده .
رشدي حصل اي علشان تطلقوا
ندي البيه صحبك بيخوني .
رشدي مش ممكن !!
ندي وانا هكدب ليه
رشدي لأ الكلام في التليفون مش هينفع لازم اشوفك النهارده .
ندي مش هينفع علشان انا هسافر عند اهلي في المنيا .
رشدي لأ اجلي السفر دلوقتي انا عاوز اقابلك النهاردة ضروري .
ندي طيب قولي انت عاوزني في اي
رشدي لما نتقابل هتعرفي .
ندي حاضر يا رشدي هأجل سفري النهارده .
رشدي طيب ينفع يا ندي نتقابل بعد ساعتين
#الحلقة_الحادية_عشر
رشدي لأ الكلام في التليفون مش هينفع لازم اشوفك النهارده .
ندي مش هينفع علشان انا هسافر عند اهلي في المنيا .
رشدي لأ اجلي السفر دلوقتي انا عاوز اقابلك النهاردة ضروري .
ندي طيب قولي انت عاوزني في اي
رشدي لما نتقابل هتعرفي .
ندي حاضر يا رشدي هأجل سفري النهارده .
رشدي طيب ينفع يا ندي نتقابل بعد ساعتين
وبعد ساعتين اتقابل رشدي مع ندي وكانت ملامح الحزن تملأ وجهها .
رشدي ياااه للدرجادي انا اول مرة يا ندي اشوفك حزينة بالشكل ده !!!
ندي انت مش متخيل صدمتي كانت ازاي لما شوفت صلاح خارج من عندها .
رشدي انتي متأكدة ان صلاح كان بيخونك
ندي ايوه زي بالظبط ما انا متأكدة انك قدامي دلوقت .
رشدي بصراحة انا مش قادر اصدق .
ندي ليه واي الغريب في كده ما انت كمان بتخون ياسمين !!!
رشدي ايوه لكن لو كنت متجوز واحدة زيك مستحيل كنت افكر اعرف عليها واحدة تانية .
ندي باندهاش انت بتعاكسني يا رشدي
رشدي لأ انا بقول الحقيقة .
ندي اللي هي اي
رشدي اللي هي انك مش زي اي ست تانية واي حد يعرفك ويقرب منك لازم يحبك ومستحيل يفكر في واحدة تانية .
ندي انت بتقول اي !!! انت تقصد اي يا رشدي
رشدي قصدي اني من اول مرة شوفتك فيها وانا حبيتك واتمنيت لو تكوني انتي مراتي .
ندي انت اكيد بتهزر .
رشدي لما اقول واخرج اللي في قلبي من ناحيتك ابقي بهزر !
ندي رشدي بلاش تلعب بعواطفي انا مش معايا حاجة تاخدها ولا فلوس ولا ارض ولا اي حاجة .
رشدي ليه بتقولي كده
ندي انا عارفة انك مش بتعرف واحدة الا لو معاها فلوس او ارض .
رشدي مين اللي قالك كده بقلمعادل عبد الله
ندي صحبك صلاح طبعا .
رشدي هقولك حاجة يا ندي انا عرفت ستات كتير فعلا لكن عمري ما حبيت ولا اتمنيت غيرك انتي .
ندي اياك تلعب بمشاعري يا رشدي !! انا مچروحة مش اد چرح تاني .
رشدي لو انتي اول مرة تعرفي اني كنت معجب بيكي وبحبك فانا عايز اقولك انك كنتي غلطانة غلطة عمرك .
ندي انا خاېفة منك يا رشدي !!
رشدي انا ليه
ندي اللي يخليك تبص لمرات صحبك وقبل كده بصيت لمرات صحبك التاني يخوفني منك اوي .
رشدي اولا انتي طليقة صحبي صلاح ثانيا مين مرات صحبي التاني اللي انا بصتلها
ندي هيام مرات خالد الله يرحمه .
رشدي بتوتر مين اللي قالك كده
ندي صلاح طبعا اللي قالي .
رشدي ده كداب انا عمري ما فكرت فيها ده صلاح كان بيكدب عليكي علشان يخرج من ورطة انك عرفتي انه كان عاوز يتجوزها .
ندي عرفنا انك بتحبني ممكن اعرف انت عاوز مني اي دلوقتي يا رشدي
رشدي اكيد عايز ارتبط بيكي .
ندي واي شكل الارتباط ده يعني نتجوز ولا نتصاحب ولا ...
رشدي نتجوز طبعا .
ندي علي العموم يا رشدي انا دلوقت اعصابي تعبانه ومش قادرة افكر اديني فرصة اهدا وبعدين نتكلم في الموضوع ده .
رشدي انا مش عاوزك تفكري خالص انا عايزك تحسي وتسيبي قلبك توصله كل مشاعري .
ندي بضحكة يخربيتك يا رشدي انت بتجيب الكلام ده منين !!! انا قعدت معاك نص ساعة سمعت منك كلام عمري ما سمعته من جوزي .
رشدي علفكرة انا لسه مش قولتلك اي حاجة من اللي في قلبي .
ندي كمان !!! ده علي كده بقي فعلا ليهم حق الستات تحبك وټموت فيك .
رشدي انا مش يهمني الستات انا مش يهمني الا انتي بس .
ندي يا رشدي انا لسه مطلقة البارح !!
رشدي وانا مش هقدر اخبي مشاعري اكتر من كده .
ندي طيب نأجل الكلام في الموضوع ده لوقت تاني .
بعد ما ندي كشفت لعبة رشدي عليا كنت مش عاوزة اكمل معاه لكن عاوزة اخد منه كل حقوقي .
كنت مش قادرة اصدق انه يضحك عليا ويتجوزني عرفي وياخد فلوسي وفلوس بنتي ويهرب ولا كأنه عمل حاجة !!!
فوجئت بندي خرجت الصبح وقالتلي انها هتروح مشوار وهترجع منه تاخد شنطتها وتسافر اخر اليوم .
وبعد حوالي ٣ ساعات ندي رجعت وكان واضح علي وجهها السعادة !!
وفوجئت بندي بتقولي عندي مفاجأة مش هتتوقعيها ابدا .
مفاجأة اي خير
رشدي طلبني للجواز . بقلم عادل عبد الله
نعم !!!!!!!
اول لما عرف اني اتطلقت من صلاح .
حسيت پصدمة شديدة جدا انا مش قادرة اتخيل الرجل ده بيعمل كده ليه !!!! معقول كل ما يشوف ست عايز يتجوزها !!! ولا هو عايز يتجوز كل زوجات اصحابه !!!!!
كان لازم ابدأ اخد خطوات امان لنفسي منه اخذت عقد الزواج العرفي وقدمته لمحامي ورفعت دعوي اثبات زواج .
وبعد خروجي من عند المحامي جرس تليفوني رن وكان رشدي اللي بيتصل اترددت اني ارد عليه لكني في النهاية رديت عليه وطلب مني اننا نتقابل فقولتله انت عايز اي يا رشدي
وحشتيني يا حبيبتي ونفسي اشوفك .
طيب لو عاوز نتقابل ونقعد في اي كافيه ماشي انما تيجي الشقة عندي مش هينفع نكررها تاني .
ليه يا قلبي انا مش وحشتك
يا رشدي مش هينفع نكرر الموفف ده المرة الاولي البنت كانت هتشوفنا والمرة التانية كنا هنتفضح قدام ندي وانا مش
هغامر ونكررها تالت مرة .
عارفة معني كلامك ده اي
ايوه عارفة معناه اني مش عاوزة اتفضح .
لأ يا هيام مش كده معناه اننا مش نتقابل لحد ما ابيع الارض واشتري الشقة يعني ممكن نفضل بعاد بالشكل ده شهر او اتنين او تلاتة ويمكن اكتر .
وانا في ايدي اعمل اي
طيب يا هيام انا كده عرفت انك مش بتحبيني واني مش فارق معاكي .
كان نفسي اقوله اني كشفته وكشفت كدبه والاعيبه عليا وكمان علي ندي لكن لازم اصبر لما اوثق الزواج بشكل رسمي علشان اخد منه حقوقي خصوصا انه كتب مؤخر ربع مليون جنية في العقد العرفي .
ياسمين عملت اي يا رشدي
رشدي في اي يا حبيبتي
ياسمين خلصت وبيعت الارض ولا لسه
رشدي لأ لسه .
ياسمين واي اللي مانعك يا رشدي ولا انت مستحلي الهانم
رشدي هانم مين دي !!! مفيش هانم وست الهوانم الا انتي يا روح قلبي .
ياسمين ركز يا حبيبي وشوف انت بتكلم مين ! انا ياسمين مراتك اللي عجناك وخبزاك وفهماك وعارفة كل الاعيبك .
رشدي اكيد يا حبيبتي انتي مراتي وحبي الوحيد وعمري ما اقول الكلام ده لحد غيرك ابدا .
ياسمين يا خۏفي يا رشدي لتكون هيام عجبتك وحبتها بجد وتكون بتلعب عليا انا مش هقولك ساعتها هعمل فيك اي .
رشدي كده ان ازعل منك بجد لما تشكي في حبي واخلاصي ليكي ازعل .
ياسمين خليني معاك للنهاية يا رشدي وبكرة نشوف المهم دلوقتي لازم تخلص من موضوع بيع الارض ده في اقرب وقت وعايزاك توعدني وعد .
رشدي اؤمريني يا قلبي
ياسمين عايزاك توعدني انك مش تلمس العقربة اللي اسمها هيام دي تاني لحد ما تطلقها .
رشدي من غير ما تطلبي يا قلبي احنا من ساعة ما سبنا الشقة الايجار واحنا مش عارفين نتقابل .
ياسمين ايوه كده اظهر وبان ومالك بتقول كده وانت زعلان ومتأثر اوي كان نفسك تكون في حضنها كل يوم مش كده ايوه طبعا ما انا مش مالية عينيك .
رشدي لا يا حبيبتي انتي فهماني غلط .
ياسمين ماشي يا رشدي هعمل نفسي مصدقاك واصبر معاك للاخر .
#رواية
#بدون_لينات
#تزوجت_صديق_زوجها_عرفياً
#الكاتب_عادل_عبد_الله
#الحلقة_الثانية_عشر
اتفاجئت بندي بتقولي ممكن اطلب منك طلب يا هيام
اكيد طبعا .
انا مش عاوزة اسافر عند اهلي دلوقتي ممكن اقعد عندك اسبوع ولا اتنين ولا تضايقي
لا يا حبيبتي ابدا تنوريني انتي عارفة انا قاعدة مع خلود وحدنا ووجودك معنا يسعدني اكيد .
استغربت جدا من طلب ندي خصوصا اني عارفة انها متكبرة ومش من السهل انها تطلب طللب زي ده
لكن في نفس الوقت كان وجودها مهم عندي علشان تبقي حجة امنع بها رشدي انه يطلب يقابلني في شقتي وفي نفس الوقت اعرف هي هتعمل اي مع رشدي .
وبعد يومين كنت قاعدة انا وندي وسألتها عملتي اي مع رشدي
ندي ولا حاجة .
مش كلمك تاني
بالعكس ده بيكلمني كل يوم صبح وليل .
وانتي ناوية علي اي هتتجوزي رشدي فعلا ولا هترجعي لصلاح
مش عارفة .
والاولاد هتسبيهم لباباهم علطول
والله مش عارفة يا هيام محتارة ومش عارفة اعمل اي .
بصراحة دخول رشدي في حياتك دلوقتي مش مناسب ابدا .
عندك حق يا هيام لكن الحقيقة رشدي ده حكاية .
مش فاهمة .
رشدي اي ست تتمناه يا هيام حبوب ورومانسي وحنون وكريم وفي نفس الوقت شخصية قوية وكاريزما مفيش بعد كده بصراحة يا بخت اللي يحبها او يتجوزها انا عن نفسي بحسد ياسمين عليه من زمان .
خلي بالك يا ندي علشان مش تتصدمي خليكي فاكرة ان رشدي ده بتاع ستات واحنا كلنا عارفين كده .
يا حبيبتي ومين مش بتاع ستات ماهو صلاح بتاع ستات وخالد الله يرحمه ويسامحه بتاع ستات يا حبيبتي كل الرجالة كده .
ماشي يا ندي الرجالة كلهم كده لكن بدرجات ورشدي بتاع ستات درجة اولي .
ودي حاجة حلوة مش وحشة لكن بشرط واحد بس .
اي هو
انه لما يعرفني مش يعرف اي ست تانية !! تخيلي نفسك لما حبيبك يكون بتاع ستات ويسيب ستات الدنيا كلها علشانك .
من كلامك كده واضح انك بتحبيه يا ندي
الصراحة ايوه .
وصلاح
صلاح ده مستحيل ارجعله تاني .
ليه
انتي بتستعبطي يا هيام !!! ده عرف واحدة ست وهو متجوزني !! عارفة ده معناه اي يبقي متجوز ندي ويعرف عليها ست تانية !!!!
كلام ندي كان مستفز جدا وغرورها الزيادة كان بيستفزني اكتر واكتر وكان نفسي اقولها ان رشدي اللي بتتكلم عنه ده جوزي و بيضحك عليها زي ما ضحك عليا لكن غرورها جعلني افكر ان اجمل اڼتقام منها ومن غرورها وتكبرها ده هو اني اسيبها علي عماها .
وفي نفس الوقت ارتباطها برشدي هيبقي اقوي اڼتقام من صلاح اللي كان مش سيبني في حالي وبيطاردني وپيتحرش بيا حتي من قبل مۏت خالد علشان قلبه يتكسر ويعرف نفسه انه مش فلانتينو اللي مدوب قلوب العذاري وان مراته وام اولاده فضلت صحبه رشدي عليه .
بعد ايام فوجئت بصلاح بيتصل بيا !!!
فكرت ياتري عايز يكلمني في موضوع ندي ولا هيرجع يكلمني تاني ويقولي انه عاوز يتجوزني
رديت عليه سألني عرفتي ان انا وندي اتطلقنا
ايوه ليه كده يا صلاح
هي ندي عندك
ايوه قاعدة عندي لكن مش موجودة دلوقت .
انا عرفت انها عندك من رشدي يرضيكي اللي ندي عملته تسيب العيال وتمشي
انت كنت عايزها تقعد معاك بعد ما خونتها وطلقتها كمان !!!!
انا مش خونتها هي اللي فهمت غلط وفضحتني وڤضحت الست المسكينة جارتنا .
فهمت غلط ازاي يا صلاح !! دي شافتك وانت خارج من عندها !!!
يا هيام كان الراوتر عندها مش شغال وانا كنت بصلحه .
بطل كدب يا صلاح كلام قديم اوي وحركات مكشوفة اوي اوي .
صدقيني يا هيام .
المهم دلوقتي انت عايز اي عايز ترجعها تاني
ايوه .
شوفت بقي يا صلاح انك بتحبها وكنت بتكدب عليا لما كنت بتقولي انك بتحبني !!!
انتي فاهمة غلط يا هيام انا عايز ارجعها علشان الاولاد بس لكن القلب مفيش فيه الا واحدة بس انتي .
بطل كدب يا صلاح انت عمرك ما حبتني انت بتحب ندي لكن عينك زايغة علي كل الستات انا وجارتك وغيرها وغيرها .
انتي فهماني غلط يا هيام .
طيب المهم دلوقتي انت عاوز تكلم ندي ولا تحب اكلم ندي انا واقنعها انها ترجعلك
هتعرفي تقنعيها
بصراحة مش عارفة لكن هحاول خصوصا ان في حاجة كدة ممكن تقف عقبة في رجعوكم لبعض .
حاجة اي
لا مش وقته دلوقتي انا هحاول وهبقي اكلمك .
اتكلمي حاجة اي اللي هتبقي عقبة ان ندي ترجعلي
مش وقته يا صلاح سلام .
انا عارفة ان صلاح كداب وبيحب التراب اللي ندي بتمشي عليه .
وعموما انا لما قولتله ان في حاجة ممكن تقف عائق وتمنع رجوعهم ده تمهيد كويس علشان في الوقت المناسب هقوله ان رشدي صاحب عمره هو العائق ده وانه عاوز يتجوز ندي !!!
رشدي اتصاله بيا قل كتير عن الاول واصبح كل يوم اتصال مرة واحدة بالكتير لأن كل تركيزه اصبح مع ندي علشان يوقعها في حبه .
وفي يوم رشدي اتصل عليا الصبح وكنت نايمة ولما صحيت اكتشفت انه اتصل عليا اكتر من ٢٠ مرة !!!
حسيت ان فيه حاجة كبيرة حصلت !!!!!
يتبع ...باقي حلقتين فقط تفاعل حتي تصلك باقي القصة الممت،عة
#رواية
#بدون_لينات
#تزوجت_صديق_زوجها_عرفياً
#الكاتب_عادل_عبد_الله
#الحلقة_الثالثة_عشر
وفي يوم رشدي اتصل عليا الصبح وكنت نايمة ولما صحيت اكتشفت انه اتصل عليا اكتر من ٢٠ مرة !!!
حسيت ان فيه حاجة كبيرة حصلت اتصلت به فوجئت به بيسألني انتي لغيتي التوكيل يا هيام
ايوه لغيته .
لغتيه ليه
حسيت ان مش له لازمة وعموما لما المشتري يكون جاهز قولي وانا هكون معاك في اي خطوة سواء البيع او التسجيل .
وليه تلغي التوكيل بدون ما تقولي
كنت قريبة من الشهر العقاري روحت لغيته ونسيت اقولك .
أنتي مش بتثقي فيا يا هيام
لأ .
لأ يا هيام معني تصرفك ده انك مش بتثقي فيا .
لا يا حبيبي انا بثق فيك طبعا اذا كنت بأتمنك علي نفسي معقول مش هأتمنك علي فلوسي وفلوس بنتي .
وتبرري بأيه تصرفك ده
علشان مر وقت كتير بدون ما يحصل بيع قولت ألغي التوكيل لأن مش له لازمة ولما ييجي وقت البيع هتلاقيني معاك يا حبيبي .
عموما برحتك لكن انا مش مقتنع بالكلام ده وعموما اعملي اللي يريحك يا هيام .
رشدي قفل معايا بعد ما شعر بالصدمة من موضوع الغاء التوكيل وبعدها رشدي مش اتصل بيا لعدة ايام !!!
ياسمين مرات رشدي لاحظت انه مهموم وشكله متضايق فسألته مالك يا رشدي
لا ابدا مفيش حاجة .
لأ طبعا .لازم تتكلم شكلك فيه حاجة كبيرة .
هيام لغت التوكيل .
انت بتقول اي !!!
زي ما بقولك كده هيام لغت التوكيل .
يعني كل تخطيطنا راح علي الارض !!!
للأسف ايوة .
علشان انت مش خلصت بسرعة قولتلك نخلص و تبيع الارض لأي حد والسلام انت مش عجبك وقولت ازم تاخد المبلغ اللي في دماغك !! ادينا مش اخدنا اي حاجة .
خلاص يا ياسمين انا مش ناقص مفيش نصيب .
ايوه طبعا انت مش همك حاجة قضيت يومين حلوين مع الهانم يعني مش طلعت خسران اوي .
والتخطيط والرسم والتكتيك اللي كنت بعمله كله راح كل ده مش حاجة تضايق !!
خلاص يا ياسمين انا مش ناقص .
انت متأكد ان مش هتعرف تطلع متها بأي مصلحة يعني هيام وبنتها هتبقي مليونيرة واحنا لسه علي الحال ده !!!
انها تلغي التوكيل ده معناه ان ثقتها فيا انتهت او علي الاقل اتهزت وبالتالي مش هعرف اخد منها اي حاجة .
شاطر يا رشدي !!! برافو عليك !!! ضيعت كل الترتيب المهم دلوقتي تجيب منها العقد العرفي اللي بينك وبينها واقطعه بايدي .
وانا هجيبه ازاي اذا كنت مش بروح عندها خالص .
هسمحلك تروح عندها مرة واحدة بس علشان تجيب العقد منها .
مش هعرف اروحلها هناك علشان ندي قاعدة هناك عندها .
لما ندي تمشي من هناك المهم العقد ده لازم اقطعه بايدي .
ماشي يا ياسمين هحاول .
صلاح الفضول كان هيموته علشان يعرف اي العقبة اللي هتقف قدام رجوع ندي له ولذلك اتصل بيا وسألني ارجوكي يا هيام قوليلي في اي ممكن يمنع ندي انها ترجعلي
كنت لسه مش عاوزه صلاح يعرف موضوع رشدي علشان كده حاولت اهرب من الاجابة وقولتله خېانتك لها هي مش قادرة تنساها و مش هتسامحك عليها .
طيب ارجوكي علشان الاولاد بس حاولي تقنعيها ترجعلي وانا مستعد اعمل اي حاجة هي عاوزاها .
طيب يا صلاح انا هحاول .
بعدها انا كلمت ندي وسألتها عملتي اي يا ندي
ندي في اي يا هيام
عملتي اي مع رشدي
خلاص يا هيام انا ورشدي هنتجوز .
بتتكلمي بجد
ايوه خلاص رشدي في اسبوعين ملك قلبي وعقلي وروحي خلاص انا ناوية اكمل حياتي معاه .
وولادك يا ندي هتعملي فيهم اي
ابوهم يربيهم وانا هبقي اشوفهم كل اسبوع وده حقي .
وتفتكري ابوهم هيسيبك تشوفيهم بعد ما تتجوزي صحبه !!
مش عارفة لكن مهما عمل انا هشوف ولادي بالقانون وده حقي .
من كلامك واضح انك اخدتي قرار خلاص
ايوه .
وافرضي صلاح رجعك لعصمته خصوصا ان عدة طلاقك لسه مش خلصت
لو عمل كده بدون رضايا هرفع عليه قضية خلع !!!
هتخلعيه لو رجعك علشان رشدي
ايوه .
للدرجادي حبيتي رشدي !!
ايوه يا هيام بقي في دمي خلاص .
طيب خدي المفاجأة دي يا ندي .
مفاجأة اي
انا ورشدي متجوزين .
اي بتقولي اي
بقولك رشدي متجوزني من حوالي ٣ شهور .
انتي اټجننتي يا هيام !! انتي بتقولي اي
طيب انا هخليكي تشوفي بعينيكي .
قومت وطلعت ورقة الجواز العرفي وعقد الجواز الرسمي بعد توثيق العقد العرفي .
ندي اول ما شافتهم كانت هتتجنن ومش قادرة تصدق !!
وبعد ما ندي استوعبت الصدمة قالتلي ومش قولتي ليه اول لما قولتلك انه كلمني كنتي عرفتيني انكم متجوزين !!!
انتي عارفة انه متجوز ياسمين هتفرق معاكي في اي اذا كان متجوزني انا كمان ولا لأ وعموما انا كنت فاكرة انك واخدة الموضوع هزار ومش واخداه بجد كده .
منك لله يا هيام انا حبيته ابن ال ..... وكنت فاكراه صادق معايا وبيحبني بجد مش تخيلت ابدا انه بيكدب عليا !!!
انا لما لقيتك اخدتي الموضوع بجد قولت لازم افوقك .
وانتي يا هيام هتكملي معاه
#الحلقة_الرابعة_عشر_الأخيرة
منك لله يا هيام انا حبيته ابن ال ..... وكنت فاكراه صادق معايا وبيحبني بجد مش تخيلت ابدا انه بيكدب عليا !!!
انا لما لقيتك اخدتي الموضوع بجد قولت لازم افوقك .
وانتي يا هيام هتكملي معاه
لا طبعا .
اومال اتجوزتيه ليه
ضحك عليا زي ما ضحك عليكي بس انا مفيش حد فتح عينيا علشان كده حبيت افتح عينيكي .
ولما انتي حسيتي بالندم ليه وثقتي الجواز وبقي رسمي كنتوا قطعتوا الورق وانتهي كل شيئ .
هقولك انا وثقت الجواز ليه رشدي لما اتجوزني عرفي كان فاكر انه بكده هيضحك عليا بالورقة اللي كتبها وفي اي وقت يقطعها كان فاكر ان بكده يبقي جوازنا بحبر شفاف
كأنه مش موجود مفيش حد هيشوفه ولا يعرف به غيرنا ووقت ما يحب يرميني هيرميني بعد ما يكون اخد اللي عاوزه وزهق مني انما انا وثقت جوازنا واصبح رسمي وبحبر رسمي قوي وثابت واقدر اخد منه حقوقي في اي وقت .
انا بقي هخليه يدفع التمن غالي .
هتعملي اي
انا مش هعمل حاجة ابدا انا هعرف ياسمين كل حاجة وهي هتعمل كل حاجة .
ده ياسمين لو عرفت هتسود عيشته !!
وهو ده اللي انا عاوزاه .
بس اوعي تقوليلها انه اتجوزني .
حاضر مش هقولها عليكي انا هعرفها بس انه كلمني وانه بيحبني وعاوز يتجوزني .
ندي اتصلت بياسمين وطلبت انها تقابلها وفعلا ندي راحت لياسمين وقالتلها انا جايالك يا ياسمين علشان العيش والملح اللي بينا .
ياسمين خير يا ندي في اي قلقتيني !!!
ندي رشدي جوزك .
ياسمين ماله
ندي بيلعب عليا من ساعة ما اتطلقت من صلاح وعاوز يتجوزني .
ياسمين بتقولي اي !!! بطلي هزار
ندي هي دي الحقيقة ومستعدة اثبتلك .
ياسمين هتثبتي ازاي
ندي خرجت تليفونها واتصلت علي رشدي وفتحت الاسبيكر وكانت بتسجل المكالمة و ياسمين سمعت كل كلام رشدي مع ندي وكلامه انه بيحبها وعايز يتجوزها وانه مش بيحب ياسمين وعايش معها علشان الاولاد بس !!!
ياسمين كانت هتتكلم لكن ندي منعتها ووضعت ايدها علي فمها وقالت لرشدي سلام دلوقت .
ياسمين منعتيني ليه كنت عايزة اشتمه واهزأه .
ندي بلاش عبط .
ياسمين عايزاني اعمل اي اقوله يا حبيبي واخده بالاحضان !!! ولا اديله جايزة !!!
ندي لأ لازم تفكري بهدوء الاول وتشوفي هتعملي اي اخطر حاجة انك تتخذي قرار لحظة الڠضب .
ياسمين مش قادرة يا ندي ڼار في راسي وفي قلبي .
ندي طيب نقعد ونهدا وبعدين نشوف هنعمل اي .
بعدها ندي ارسلت مكالمة رشدي المسجلة لزوجها صلاح !!!!
صلاح اول لما سمع مكالمة رشدي لطليقته ندي كان هيتجنن واتصل برشدي وطلب يقابله !!!
صلاح انتظر رشدي في الكافيه وبمجرد ما صلاح رأي رشدي قام مسكه وضربه جامد جدا ورشدي كان مش عارف يدافع عن نفسه فمسك كوباية ازاز وضړب صلاح علي رأسه !!! صلاح وقع وراسه پتنزف بشدة !!!
عمال الكافيه اتصلوا بالاسعاف وفي المستشفي تم عمل محضر بالواقعة .
چروح صلاح كانت شديدة واحتاج علاج لفترة .
صلاح في المستشفي كان مصډوم من صديقه رشدي اللي عاوز يتجوز طليقته ندي وكلامه عن انه بيحبها من زمان !!!!!
لكن المفاجأة كانت لما ندي زارت صلاح في المستشفي وقالتله الف سلامة عليك .
صلاح الله يسلمك انتي بعتي مكالمة ال... اللي اسمه رشدي ده ليه
ندي لسبب واحد بس علشان تعرف ان زي ما انت بتبص لستات تانية وقدرت تخدعني وتخوني اقرب صديق ليك بص لمراتك وكنت ممكن احړق قلبك زي ما حړقت قلبي وكنت ممكن اوافق واتجوزه .
صلاح ودلوقتي هتعملي اي بقلمعادل عبد الله
ندي مش هعمل حاجة .
صلاح ندي عايزين نرجع لبعض انا مقدرش اعيش من غيرك .
ندي مش هقدر ارجعلك بعد ما خونتني .
صلاح مش هعمل كده تاني دي اخر مرة اوعدك دي اخر مرة انا متأكد انك لسه بتحبيني ارجعيلي علشان خاطري وعلشان عيالنا يعيشوا بينا احنا الاتنين .
ندي ولو عملت كده تاني
صلاح ساعتها ابقي سبيني ومترجعيش تاني .
ندي هرجعلك بس بشرط .
صلاح اي هو
ندي تكتبلي الشقة والعربية باسمي علشان اضمن انك مش هتخوني تاني .
صلاح وانا موافق .
رشدي اتعمله قضية شروع في قتل بسبب چروح صلاح الخطېرة !!!
رشدي اتحبس علي ذمة القضية !!
وفي الحبس اتفاجئ رشدي بياسمين وانا بنزوره مع بعض !!!
رشدي شوفتوا صلاح عمل معايا اي
اي اللي حصل
صلاح اتصل بيا وطلب نتقابل واول لما شافني بدأ يضربني بدون سبب زي المچنون !!! معرفش ليه !!! معرفش اټجنن ولا اي !!! حاولت ادافع عن نفسي ضړبته بازازة في راسه كان ھيموت فيها ومش عارف لحد دلوقتي حصله اي !! ولا هو عمل كده ليه !!!
ياسمين هقولك انا السبب يا روميو .
رشدي نظر لها بتعجب وبعدها نظر ليا وفي عينيه مئات الاسئلة .
ياسمين صلاح عمل كده بعد ما سمع كلام الحب والغرام اللي قولته لندي وانك من زمان بتحبها وانك عاوز تتجوزها بعد طلاقها منه .
رشدي مش حقيقي التسجيل ده متفبرك .
ياسمين انت لسه هتكدب تاني انا سمعت المكالمة دي وانت بتكلمها وكتت جنبها وهي بتسجلها .
وهنا انا اتدخلت في الحوار ووجهت كلامي لياسمين وقولتلها اصل رشدي فاكر نفسه روميو ولا رشدي اباظة وعمال يحب في كل الستات اللي بيشوفها .
رشدي انتي بتقولي اي !!! اي الكلام ده !!!
علفكرة يا رشدي هقولك خبر يفرحك اوي .
رشدي خير بقلمعادل عبد الله
انا وثقت العقد العرفي اللي اتجوزتني به .
ياسمين اتفاجئت بالكلام ده وقالت لرشدي بسرعة طلقني حالا يا رشدي .
رشدي اوعي تقولي كده .
ياسمين لو مش طلقتني دلوقتي هرفع عليك قضية بعد ما المحكمة تحكم بسجنك والمحكمة هتحكم لي بالطلاق للضرر من اول جلسة .
وانا كمان قولتله وانا كمان يا رشدي طلقني دلوقتي والا هرفع عليك قضية طلاق للضرر وساعتها هاخد منك كل حقوقي بما فيها المؤخر اللي انت كاتبه في العقد العرفي الربع مليون جنيه يا روميو .
رشدي انتي فعلا وثقتي العقد العرفي
ايوه ودي صورة منه .
رشدي حط ايديه علي راسه وقال انا مش مصدق اللي بيحصلي ده كله انا عملت اي علشان يحصلي كل ده !!!
هتطلقني يا رشدي وتديني كل حقوقي ولا ارفع عليك قضية
رشدي بص لياسمين ياسمين ارجوكي اقفي جنبي وبلاش تتخلي عني في الوقت ده .
ياسمين انت مش لك رصيد عندي علشان اسامحك به للأسف انت بنزواتك ضيعت كل حاجة حلوة بينا .
هنا انا اتدخلت في الكلام وقولت لياسمين خليكي انتي جنبه مش علشانه هو مش يستاهل خليكي جنبه علشان عيالكم .
بعدها وجهت الكلام لرشدي وقولتله طلقني واديني حقوقي وسبني اروح لحالي .
رشدي انا معنديش مانع اطلقك لكن مش معايا فلوس ادفعلك اي حاجة .
وانا هسيب حقي عندك رغم اني ممكن ارفع قضية طلاق للضرر و بردو هاخد كل حقوقي ولو مش دفعت ممكن احبسك لكن انا هتنازل ومش هاخد حاجة علشان خاطر اولادك .
اطلقت من رشدي وكملت حياتي مع خلود بنتي وحسيت اني غلطت غلطة كبيرة لما فكرت اعوض قسۏة حياتي مع خالد الله يرحمه مع صاحبه اللي متجوز وفكرت في نفسي بس ومش فكرت في خلود بنتي ولا في صاحبتي اللي هي مراته .
انتهت
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الحلقه الثالثه و الرابعه من هنا
الحلقه الخامسه والسادسه والسابعه من هنا
الحلقه الثامنه حتى الحلقه الثالثه عشر والاخيره من هنا
💙🌺🌹❤️💙🌺🌹❤️💙🌺🌹❤️💙🌺🌹❤️💙🌺