رواية حب امتلاك الحلقه الاولى بقلم محمد منصور حصريه وجديده على مدونة أصل للمعلومات
 |
رواية حب امتلاك الحلقه الاولى بقلم محمد منصور حصريه وجديده على مدونة أصل للمعلومات
بعد سنين كتير يقابلها علشان تفكره بذكريات وبحب عمره ما نسي لكنه ما كنش يعرف انها راجعه لي علشان تكوي بجرح جديد
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
يوسف الجمال رجل أعمال في الاربعينات من عمرة. بس تعالو معايا كدة احكي لكم حكايته قبل ما يبقي المليونير يوسف الجمال. يوسف خريج كلية تجارة ومن بلد صغيرة في الفلاحين و عاش طفولتة مع صاحب ابوة عم خليل بعد ما ابوة وامة ماتو في حادثة وهو عندة 10 س. ومن ساعتها وعم خليل دة هو اللي بيصرف علي يوسف وبيتعبرة زي ابنه ويوسف كمان بيعتبرة زي ابوة وكبر يوسف وهو في حضن عم خليل اللي ماكنش متجوز وكل ما يوسف يكبر سنة حبة لبنت العمدة سمر يكبر ميت سنة لانها كانت احلي بنت في البلد لكنه هو فين وهي فين ومعقولة سمر بنت العمدة تبص ليوسف عشان كدة فضل يوسف يحب سمر ويكتب لها جوبات وشعر ويحتفظ بيهم لنفسه وديما يبص عليها من بعيد لبعيد وهي رايحة المدرسة وهي جاية من المدرسة لغاية ما جه فرح سمر اللي اتعزم في كل كبار البلد وقد اية الفرح كان رهيب ولا افراح الف ليلة وليلة والبلد كلها فرحانة وكان ساعتها يوسف عندة 22س. وكان قاعد علي سطوح بيتهم وبيبص لفروع النور والزينة اللي خارجين من دوار العمدة. ومخنوق ومش طايق نفسه وكاره الفقر اللي كان السبب في انه يتحرم من حب عمرة فانضم اليه عم خليل وطبطب علية وخدة في حضنة وقال له
للدرجة دي بتحبها يا يوسف
فبص له يوسف والدموع محبوسة في عيونه وقال
أكتر من نفسي. تخيل انا كتبت لها اية علشان ابعته ليها
واخرج ورقة وبدأ يقراء ما هو مكتوب فيها
قالولي اوصف لنا حبيبتك
قولت لهم زي القمر لا دي
احلي من القمر***
سالوني عن لون عيونها قولت
لهم احلي ما فيها***
رواية حب امتلاك الحلقه الاولى بقلم محمد منصور حصريه وجديده على مدونة أصل للمعلومات
دي عيونها
تسرق اي قلب ضحكتها
تنسي اي هم ***
وسالوني عن لون شعرها
قولت لهم لون ليل السهرانين
بيعدوا النجوم من حبها***
وسالوني عن أسمها
قولت ليهم حلوه زيها
ماحدش عرفه الا لما اتمني
عشقها ***
مين شاف عينها وسمع كلامها
وصوتها ومتمناش ان قلبه
يكون ملكها ***
مين يقدر يقول لقلبه أوعي تحبها
او تكون في مكان وميتمناش يسمع اسمها***
مين اللي حبك قدي
مين اللي اتمني انك تكوني
اميره قلبه ***
انا بحبك يا قلبي وبحب قلبي
عشان جوه منه حبك انتي ***
مكمل حياتي و دنيتي بيها وضحكتي
وفرحتي شايلهم ليها ***
وحياه من خلق الكون
بشوف عيونك بمتلك الكون
واي حزن في عمري يهون ***
عايش معاكي بتنفس هواكي
حياتي غاليه وانا وياكي، ،،،،
وصفتك حبيبتي مع اني عارف ان كل الكلام
مش كفايه عشان اوصف حلم الاحلام، ،،،
هي دي حبيبتي اللي انا بحبها
وبتمني اني اموت في حضنها
وتفضل حبيبتي لاخر عمري وعمرها
وكرمش يوسف الورقة وهو حزين جدا والدموع بلت الورقة فطبط عليه عم خليل وقال
ياما قولت لك اروح اطلبها من ابوها وانت اللي تقولي لا
يوسف
تطلب مين. انت فاكر ان العمدة عرابي يجوز بنته لواحد زيي
عم خليل
وانت بس مالك انت شاب يتمنا اي اب لبنته
يوسف
بجد. علي اية بقي
عم خليل
اخلاقك العليا وكمان معاك مؤهل عالي
يوسف ضاحكا
وتفتكر ان العمدة عرابي عايز لبنته المؤهل العالي. ولا عايز صاحب الملايين اللي زية
فيسكت عم خليل لانه عارف ان كلام يوسف صح فقال يوسف
سكت يعني
عم خليل
وعايزني اتكلم اقول اية
يوسف
تقول لا اله الا الله
عم خليل
سيدنا محمد رسول الله
يوسف وهو ينظر لدوار العمدة مرة اخري ويقول
انا مش هطيق اقعد في البلد تاني واشوفها رايحة وجاية وهي علي ذمة راجل تاني
عم خليل بدهشة
ناوي تهج وتسيب البلد يا يوسف
يوسف بحرقة
اة. ناوي اهج واروح لبلد غير البلد واشتغل واشتغل واشتغل لغاية ما بقي كبير ومعايا فلوس كتير اقدر اشتري بيها كل حاجة تسعدني
عم خليل
وانت فاكر ان السعادة في كتر الفلوس
يوسف
أكيد. ومن غير الفلوس الواحد مننا يعيش تعيس
فيضحك عم خليل ويقول
الفلوس بتخليك تعيش التعاسة وانت سعيد
يوسف
مش فاهم تقصد أية
عم خليل بحكمه السنين
أي انسان معه فلوس مهما كانت كتير. لازم الدنيا تحرمه من حاجه ويفضل يدور عليها طول الوقت. لان الراحة مش مكتوبه علي الانسان في الدنيا. الراحه في الجنة وبس
يوسف
كلامك صح. بس دة ما يمنعش ان الفلوس سبب اساسي للفرحة وانا لو كان معايا فلوس كان زماني دلوقتي متجوز اللي بحبها وعشان كدة أنا قررت أسيب البلد واسافر مصر وأشتغل هناك واعمل فلوس وفلوس كتير كمان
عم خليل
طالما مصمم يبقي رجلي علي رجلك
يوسف
هتسافر معايا وتسيب بيتك وارضك
عم خليل
أومال أسيبك تسافر لوحدك. أنا ماليش في الدنيا غيرك وعشان كدة هابيع الارض والبيت واروح معاك مكان ما تحب
يوسف
هاتسيب البلد عشاني
عم خليل
انا ماليش غيرك في الدنيا دي انت ابني واخويا وصاحبي الوحيد وكمان رحله مصر دي محتاجة فلوس هاتجيب منين الفلوس ،،،،،،
وفعلا يبيع عم خليل كل شي يمتلكه في البلد وسافر هو ويوسف للقاهرة ومن هناك بدأ يوسف رحلة كفاح وخد جزء من فلوس عم خليل وفتح بيها مكتب مقاولات صغير وبالجزء الباقي من الفلوس اشتروا شقة في عمارة قديمة وبدا يوسف رحلتة في البحث عن السعادة عن طريق انه يجمع فلوس وسبحان الله ربنا اراد لي ان مكتب المقاولات بتاعه ينجح ويكبر ودة بسبب ان يوسف كان ملتزم في مواعيدة وعمرة ما غش اي انسان اتعامل معه وفضل يوسف يكبر في السن وفلوسه تكبر معه لغاية ما وصل لسن 35 وهو بقي مليونير وثروته تخطت ال100 مليون جنية ورغم كل دة فضل مشتاق لحب كان. وعمره ما نسي سمر عرابي ورجع البلد وسال عليها وعرف انها اطلقت وعاشت في البلد لفترة جنب ابوها اللي مات وورثتة واتجوزت من سنة بس وسافرت مع جوزها القاهرة ورجع للقاهرة ودخل القصر بتاعه وهو حزين فقابلة عم خليل وقال له
اية ما وصلتش ليها
فيجلس يوسف علي فوتية امامه وينظر لعم خليل ويقول
اطلقت واتجوزت تاني والعمدة عرابي مات وسابت البلد وعايشة مع جوزها الجديد في القاهرة
عم خليل
اظن بقي كدة المفروض انك تشوف نفسك بقي وتتجوز
يوسف
اتجوز
عم خليل
أة. تتجوز ولا انت هاتفضل عايش ومستني انها تكون ليك
فينظر له يوسف ويسكت، ،،،،،
ولم يمر سوي شهرين حتي تزوج يوسف من جميلة عمران بنت رجل الاعمال عمران عبد السلام وعاش مع جميلة وحبها بحكم العشرة وماقدرتش جميلة تنسي يوسف حبه الاول سمر. وبعد ما عاش معها خمس سنيين ماقدرش يوصل لقلبها زي ما هي وصلت لقلبة. ومن ليلة عيد جوازة من جميلة الخامس تبدأ قصتنا.،،،،،،،
ومن داخل حجرة جميلة تجلس جميلة مع والدتها زهرة واثناء ما كانو يتكلمو يدخل يوسف ومعه هدية مفاتيح عربية جديدة كانت نفسها فيها جميلة فيقف امامهم ويهز سلسة المفاتيح وهو يقول
كل سنة وانتي طيبة يا حبيبة قلبي
فتنظر له جميلة ببرود وتاخذ منه سلسة المفاتيح وهي تقول
كل سنة وانا طيبة علي اية بقي
يوسف مصدوم ويقول
علي اية النهاردة عيد جوازنا
جميلة
كدة. طيب. وانت طيب يا سيدي
فتنظر زهرة لها وتقول
اية الرد الناشف دة يا جميلة. دي واحدة غيرك المفروض تكون طايرة من الفرحه ان جوزها مانسيش عيد جوازهم
جميلة ببرود
انا فرحانه اهو اعمل اية تاني
زهرة
انتي كدة،،،،،،،،،،،
فيقاطعه يوسف لانه حس بأحراج وقال لزهرة
خلاص يا ماما هي باين عليها تعبانه.
ثم ينظر يوسف لجميلة ويقول
انا حجزت المطعم اللي أكلنا في لي اول مرة سوي لوحدينا لو حابة تروحي نسهر في قومي غيري
جميلة
لا. ماليش مزاج خليها يوم تاني
يوسف بضيق
براحتك
ويخرج من الحجرة وهو علي اخرة من شدة الضيق فتنظر زهرة لجميلة وتقول بحدة
انتي في أية مالك. في واحدة تكون متجوزة راجل زي يوسف وتكون باردة معه كدة
جميلة
ماما. انا تعبانه
زهرة
مرة واحدة كدة بقيتي تعبانه انتي كنتي بتضحكي وتهزري معايا قبل ما يجي يوسف ودي مش اول مرة تتعاملي ببرود مع يوسف في اية مالك ما بتحبيش يوسف لية دة مش مخليكي محتاجة حاجة
جميلة بعصبية
مافيش تعبت وخلاص بقي
وتنهض جميلة من قدام زهرة وزهرة تنظر عليها مش عاجبها اللي بتعمله مع يوسف،،،،،،،،،
وينزل يوسف علي درجات السلم وهو بيسال نفسه
لية جميلة بتقابل حبي بالبرود دة معقولة تكون ما بتحبنيش طيب لو هي مابتحبنيش لية قبلت تتجوزني وهي معروفة ان ماحدش يقدر يغصبها علي حاجة طيب في اية وبتعمل لية كدة
اسئلة كتير بدور في دماغ يوسف لغاية ما وقف قدامة عم خليل وبص له وقال له
تاني قابلت حبك ليها ببرود
يوسف باستغراب
أية دة انت عرفت ازاي
عم خليل
باين عليك طالع وانت مبسوط ونازل وانت حزين وهي مش اول مرة تكسر فرحتك
يوسف
انا هاتجنن هي لية بتعمل معايا كدة. لية ديما فرحتي بتنكسر عندها
فيضحك عم خليل فينظر له يوسف باستغراب ويقول
انت بتضحك وانا مخنوق
عم خليل
بضحك علي حالك من سنين كتير افتكرت ان الفلوس سبب الفرحة واديك معاك ملايين. ولسة فرحتك بتنكسر
فيرن موبيل يوسف وكان احدي موظفي فيرد مسرعا قائلا
الو يا حافظ بتتصل ليه في ساعة زي دي
حافظ
الحقنا يا يوسف بية مخزن الخشب بيولع
ويخرج يوسف مسرعا من القصر وعم خليل يقول له
يوسف في اية مالك
ولكن يوسف لايرد علية ويركب يوسف سيارتة وينطلق بها مسرعا وهو في الطريق واثناء ماكان يقف في كمين تميل علي زجاج سيارتة سمر عرابي وكانت بتشحت وحالتها يرثي لها ولبسة جلبية مقطعة وبتقول ليوسف
عايزا اتعشي ومش معايا فلوس
فينظر لها يوسف ويعرفها رغم كل البهدلة اللي هي فيها ويدق قلبة بشدة، ،،،،،،،،
اية اللي يخلي بنت العمدة واللي عندها اراضي وفلوس ما تتعدش يحصل فيها كدة. تابعوني وانا هاقولكم
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الحلقه الرابعه والخامسه والسادسه من هنا
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺