رواية حب أمتلاك الحلقه الرابعه والخامسه والسادسه بقلم الكاتب محمد منصور حصريه وجديده على مدونة أصل للمعلومات والروايات
 |
رواية حب أمتلاك الحلقه الرابعه والخامسه والسادسه بقلم الكاتب محمد منصور حصريه وجديده على مدونة أصل للمعلومات والروايات
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وبعدها بيوم تفتح سمر باب شقتها وتستعد للخروج فيقف امامها جلال فتفزع سمر وتقول
انت. تاني
جلال
جري اية يا بت. انتي كل ما تشوفيني تتفزعي
سمر
انت عايز اية
جلال
عايز اللي اتقفنا علية
سمر
انا ما اتقفتش معاك علي حاجة
جلال بحدة
نعم يا روح امك. اومال انا سيبك تروحي وتيجي مع يوسف عشان اية
ويمسكها من ذرعها بمنتهي العنف وينظر في عيونها بحدة ويقول
فين الفيديو اللي قولت لك تصوري ليوسف.
سمر وهي تتالم وتحاول سحب ذرعها من يد جلال
مش هاعرف اعمل كدة. يوسف ما يستاهلش مني اني اكون واطية معاه
جلال
بجد. حبيتي انتي كمان ولا اية
سمر وهي تبعد ذرعها من يد جلال تقول
اة حبيتة. ولو قربت من يوسف انت او الحرباية اللي معاك هاقول له علي كل حاجة وساعتها مش هخاف لاني عارفة انه هيسامحني لما يعرف انا عملت كدة غصب عني وهاكشفك قدام جميلة واعرفها انك بتلعب بديلك من وراها وعايز تساوم يوسف بفيديو اباحي عشان تطلع منه باي فلوس. ودة ماكنش اتفاقك مع مرات يوسف اللي ماعرفش ازاي تخون واحد زي يوسف ومع مين معاك انت
جلال باستغراب ودهشة
انتي عرفتي ازاي باللي بيني وبين جميلة
سمر وهي تخرج الموبيل بتاعها وتفتح صور لجميلة مع جلال وهما في شقة التجمع الشقة اللي بيتقابلو فيها وتقول
كنت براقبكم لغاية ماعرفت العلاقة الوسخة اللي بينك وبينها. تخيل بقي لما يوسف يعرف ان مراتة بتخونة
جلال بارتباك
يوسف لو عرف الموضوع دة. مش هارجع لك فلوسك اللي خدها منك ياسر
سمر
مش عايزا اي حاجة من الدنيا الا يوسف. وابعد عني انت وجميلة. وعرفها اني مش عايزا افضحها عشان هي ست زيي واخاف علي يوسف من رد فعله لما يعرف انها بتخونه. لكن لو فضلت تقابلك هي حرة بقي. ساعتها لازم اعرف يوسف
جلال بمكر
كدة. طيب تعالي نتفق اتفاق جديد. انتي حلال عليكي يوسف وانا حلال علية مراتة خلي يعرف انها بتخونة يروح مطلقها. وانا اتجوزها واخد اللي وراها واللي قدمها ماهي برضو راقدة علي فلوس كتير دي بنت عمران عبد السلام الملياردير
سمر
انا ماليش دعوه بيك ولا بكلامك دة انا بحب يوسف ومش هاتفق علية اي اتفاق. ولا هاكون السبب في فضيحة بني ادمة. دة ربنا أمر بالستر
جلال
يا سمر افهمي انا وانتي زي بعض معدومين العافية ومحلتناش مليم. خلينا نلم من وراء الناس دي اللي نقدر علية
سمر بتهديد
امشي من هنا بدل ما لم عليك سكان العمارة. وافضحك
جلال بابتسامة خبيثة
كدة. ماشي. بس انتي اللي بداتي بالغدر ماترجعيش تزعلي
سمر
هاتعمل اية يعني انت ولا الحرباية اللي معاك. هاتقتلوني
جلال
انا مابقتلش. بس زي ما جمعتكم. هافرقكم
وينزل جلال من عند سمر وسمر تنظر له بغيظ شديد وتقول
ربنا يخلصني ويخلص يوسف من شرك وشر مراتة. جاتكم القرف انتو الاثنين شبة بعض، ،،،،،،،،،
وبعدها بكام ساعة وعند اذان المغرب تقريبا ومن داخل شقة سمر تجلس سمر تشاهد التيلفزيون فتسمع صوت رن جرس الباب فتنهض وتفتح الباب فتجد يوسف ومعه عم خليل وفي يد يوسف بوكاية ورد جميل جدا لونة أبيض اللون المحبب لسمر فتنظر له سمر وتستغرب ما يحدث وتقول
هو في اية
عم خليل
هو انتي بتقابلي ضيوفك علي السلم كدة عادي
سمر باحراج.
لا. طبعا اتفضل يا عم خليل
وتوسع المجال لكي يدخل عم خليل وتنظر ليوسف وتقول بصوت خافت
يوسف في اية. انا مش لسة سيباك في الشركة
يوسف
دخليني طيب عشان تعرفي
سمر
ادخل
ويدخل يوسف ويجلس بجانب عم خليل وتغلق سمر الباب وتنضم لهم وتجلس امامهم وهي تقول
نورت يا عم خليل
عم خليل
النور نورك يا عروستنا يا قمر
سمر باستغراب
عرو. عروسة. أزاي يعني
عم خليل
بصي انا مابحبش الكلام الكتير. يوسف جايبني النهاردة عشان عايز يتجوزك
سمر وهي تنظر ليوسف الذي يبتسم وتفرح بشدة. ولكنها تتذكر الاشياء التي تخفيها عن يوسف فتقول بحزن
بس أنا،،،،،،
وتسكت فينظر يوسف لعم خليل ثم ينظر يوسف لسمر ويقول
انتي اية. مش عايزا تتجوزيني
سمر
لا. لا. مش دة قصدي
يوسف
اومال في اية قولي يا سمر واوعي تفتكري انك لو قولتي لا. معملتي ليكي هاتتغير. لا. خالص
سمر
والله مش دة قصدي انا بس عايز اقول أني
وتفكر سمر للحظات ثم تكذب قائلا
انت عارف اني مطلقة ولسة فاضل لي شهر في العدة بتاعتي
عم خليل
هو دة بس اللي مخليكي رافضة الجواز دلوقتي ولا في حاجة تاني
سمر بارتباك
لا. هو دة بس تخلص شهور العدة وانا اتمني اكون ملك يوسف
يوسف
لو كان علي الشهر استحملة بالطول والعرض. لكن بعد الشهر دة مش هاسيبك
سمر ضاحكا
دة انا اللي مش هاسيبك
عم خليل
طيب يالا بينا بقي طالما مافيش جواز
فينهض يوسف فيقول عم خليل ضاحكا
هات الورد معاك. نبقي نجيبة تاني كمان شهر
فتضحك سمر ويضحك يوسف. ويمشي يوسف وعم خليل وتغلق سمر خلف منهم الباب وتبكي بحرقة وتقول لنفسها
سامحني يا يوسف يا حبيبي. مش هاقدر ابدا حياتي معاك وانا مخبية عليك أني اتفقت معاهم عليك وان مراتك بتخونك. وانا عرفت وسيبتك علي عماك كدة هاحس اني بظلمك وبخدعك لازم يعرف الحقيقة وهو ساعتها يختار يكمل معايا ولا. لا، ،،،،،،،
ومن داخل سيارة يوسف واثناء ماكان يقود السيارة يقول له عم خليل
صدقني سمر بتكذب انا حسيت من كلامها ومن الارتباك اللي كانت في انها مخبيئة حاجة مش موضوع عدة وخلاص
يوسف
طيب وهي لية تكذب عليا ومخبية اية عني
عم خليل
ماعرفش. بس انا ابص في عين اللي قدامي اعرف هو كذاب ولا صادق
يوسف
طيب وانا اتاكد ازاي
عم خليل
اول حاجة تعملها تروح المحكمة وتعرف هي مطلقة بتاريخ كام وفعلا لسة فاضل شهر في العدة ولا دي كذبة من سمر
يوسف
ولو طلعت كذبة منها
عم خليل
ساعتها لازم تعرف هي بتكذب عليك. هل لانها خايفة لو قالت لك لا. علي جوازك منها تطردها من شركتك ومن الشقة ولا. في حاجة تانية احنا مش عرفنها
يوسف
يكون في اية مثلا
عم خليل
ممكن تكون بتحب واحد تاني
يوسف مصدوما مما قاله عم خليل لدرجة انه داس فرامل مرة واحدة لدرجة أن عم خليل كانت دماغة هاتنخبط في زجاج السيارة لولا ان حط ايدة علي التبلاو وقال عم خليل
يوسف. لية عملت كدة. انت كنت ممكن تموتني
يوسف وهو يتاسف لعم خليل
حقك علية. والله ما اقصد
ويمسك يدة لكي يبوسها ولكن عم خليل يبعدها عنه وهو يقول
خلاص يا يوسف.
وينظر ليوسف فيجد دموع عيونة محبوسة ويوسف يقول
مش هاستحمل اني بعد مالاقيها وتكون قريبة مني كدة تكون لغيري.
عم خليل
انا بقول ممكن ومافيش حاجة اكيد في ايدينا يبقي تهدا كدة وتعمل حساب أي حاجة وجايز اطلع انا اللي غلطان وهي مش كذابة ولا حاجة،،،،،،،
ويرجع يوسف الي القصر بتاعه ويصعد الي حجرتة فيجد جميلة تجلس علي السرير وهي في احلي طلة لها وتنظر له وتقول بدلع
هافضل مستيناك كدة كتير
فينظر لها يوسف ويذهب ناحية الدولاب ويستعد لخلع ملابسة وهو يقول
وتستني لية
فتنهض جميلة وتذهب ناحيتة وتقول له
واحشتني
فينظر لها يوسف بأستغراب شديد ويقول
أية
جميلة بدلع شديد
واحشتني
يوسف
ودة من امتي
جميلة
من النهاردة
وتدفعة ناحية كرسي التسريحة وتجلس عند قدمة وتقلعه الحذاء ويوسف ينظر لها مش مصدق ان دي جميلة ويقول
جميلة بنت عمران بتقلعني الجذمة بنفسيها
جميلة
وفيها اية مش جوزي حبيبي. ابو ابني
يوسف ضاحكا
اة صحيح دة انا كنت ناسي
جميلة وهي تاخذة في حضنها
لا. متنساش بعد كدة، ،،،،،،،،،،،
وبعدها بيومين ومن داخل الشركة الخاصة بيوسف تجلس سمر علي مكتبها فيتصل بها يوسف ويقول
تعالي يا سمر
فتذهب له سمر مكتبه وتدخل فتجد رجل صعيدي اول مرة تشوفة يجلس امام يوسف علي مكتبة فينظر لها يوسف ويقول
تعالي سلمي علي الحاج سويلم اللي اشتري منك ارض الجنينة اللي انتي ورثتيها عن ابوكي العمدة
سمر باستغراب
ارض اية انا اول مرة اشوف الراجل دة
الحاج سويلم
لية يا بنتي بتقولي كدة دة انا جاي عشان اديكي اخر قسط من اقساط الارض يبقي دة جزاتي
سمر وهي تقف امام الراجل الصعيدي بالظبط وتقول بعصبية
ارض اية وقسط اية انا اول مرة اشوفك اصلا
الحاج سويلم
يا نهار ابيض. مالك يا سمر يا بنتي اية اللي حصل لك انا مش قادر افهم.
ويخرج الحاج سويلم عقد بيع لارض الجنينة وعليه امضاء سمر ويضع العقد قدام يوسف ويوسف ينظر للعقد والحاج سويلم يقول
الحاج سويلم علي اخر الزمن يبقي كذاب. ولا عال. علي كل حال
ويخرج شيك من جيبة ويضعه امام سمر ويقول
الشيك دة في اخر قسط من اقساط الارض وانا غلطان اني اتعملت مع حرمه في بيع وشرا سلالمو عليكم
وينطلق الرجل الصعيدي وسمر تحاول منعه وهي تقول
استني هنا انت كذاب وانا عارفة مين اللي سلطك تقول كدة
يوسف لسمر. بحدة
سمر مش في مكتبي. انا ماحبش صوت عالي يطلع من عندي
سمر وهي تمسك الحاج سويلم
دة نصاب وضلالي وانا عارفة. ،،،،،،،
فيقاطعها يوسف ويقول بحدة وهو يضرب بايدة علي سطح المكتب
هو برضو اللي كذاب.
سمر مصدوما من رد فعل يوسف وتنظر له باستغراب ويوسف يكمل
هو برضو اللي قال لسة فاضل شهر في العدة. وانتي لسة علي ذمة اللي اسمة ياسر هو برضو اللي قابلني وهو عامل نفسه فقير ومنصوب علية وانتي حسابك في البنك معدي ال عشرة مليون.
وتترك سمر الحاج سويلم من هول الصدمة ويخرج الحاج سويلم مسرعا وهي تقول له
أنت مين اللي قال لك الكلام دة
يوسف وهو يخرج من وراء مكتبة وينظر لها في عيونها. ويقول
روحت المحكمه بنفسي وسالت عن تاريخ طلاقك وعرفت الحقيقة انت لسة علي ذمة ياسر وروحت البنك وعرفت رصيد حسابك
ويمسك ذراعها بمنتهي العنف ويقول
لية ظهرتي في حياتي بالطريقة دي. كنتي عايزا مني اية تنصبي علية انتي وجوزك. ردي انطقي رد،،،،،،،
ولكن يوسف لم يكمل الجملة وسقط مغمي علية،،،،،،،،،،
ح(5)
حب أمتلاك
حلقة اوراق التاروت هتنزل باذن الله الساعة 5 م
من تاليفي
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن داخل شركة يوسف يدخل اثنين مسعفين ومعهم نقالة ويحملو يوسف مسرعين ويخرجوا به من المكتب بمنتهي السرعة وسمر تجري بجانبهم وهي ملهوفة علي يوسف اللي فاقد للنطق تماما وداخل في غيبوبة بسبب ارتفاع في ضغط الدم. وفي هذة اللحظة كان يقف رجل من الذين يعملون في الشركة ويدعي سعد. ويخرج موبيلة ويتصل بجميلة ويقول لها علي اللي حصل بالتفصيل فتتفاجاة جميلة مما سمعته وتقول
انت متاكد يا سعد ان دة حصل
سعد
ايوة يا جميلة هانم انا سمعت كل الكلام اللي دار جوة المكتب من اول ما الراجل الصعيدي دة جة لغاية ما يوسف بية وقع من طولة
جميلة
يعني اللي اسمها سمر دي كانت بتلعب علينا
سعد
اظاهر كدة.
جميلة
بنت الكلب. دة انا صدقتها. طيب اقفل انت دلوقتي
وتنهي جميلة المكالمة وتقول لنفسها
معقولة تكون البت دي بالذكاء دة وعرفت تخلينا نصدق انها اتنصب عليها ولا. يكون جلال عمل كدة عشان يخلص منها. ومقليش علي الملعوب دة
فتتصل جميلة بجلال ويرد جلال قائلا
الو.
جميلة
ايوة يا جلال. انت من امتي بتلعب من ورايا
جلال باستغراب
بلعب من وراكي. لية بتقولي كدة
جميلة
مش انت اللي بعت الراجل الصعيدي لمكتب يوسف وخليتة يفهمة انها معها فلوس وانها لسة متجوزة ياسر
جلال باستغراب اكتر واكتر
راجل اية وفلوس اية. ومين دي اللي لسة متجوزة ياسر ماتفهميني في اية
فتحكي لة جميلة ما حدث في مكتب يوسف فيقول جلال
انا ماليش يد في الحوار دة خالص. انا كنت برتب لها حوار تاني يخلي يوسف يطردها
جميلة باستغراب
يعني اية مش أنت اللي وراء اللي حصل دة
جلال
يعني مش انا.
جميلة وقد يصيبها شي من الجنون
اومال مين طيب.
جلال
ماعرفش
جميلة
معقولة تكون البت دي كانت بتلعب علينا وهي فعلا متفقة مع ياسر علينا. وهي فعلا لسة مراتة
جلال
هو ياسر دة تعبان ومش سالك وتوقعي منة اي حاجة. لكن انا متاكد انة طلقها
جميلة
طلقها ازاي ويوسف راح المحكمة وسأل ولاقها لسة مراتة
جلال
ماعرفش. ماعرفش انا هاتجنن. دة لو طلع ياسر وراء اللي بيحصل دة. مش هارحمة لا هو ولا اللي أسمها سمر، ،،،،،،
وبعدها بساعتين ومن امام حجرة الرعاية المركزة المحجوز فيها يوسف تقف سمر ومعها عم خليل وباين عليهم التوتر فتنضم لهم جميلة وتنظر لسمر وتقول لها
انتي بتعملي اية
فتنظر لها سمر من فوق لتحت ولا ترد فتمسكها جميلة من ذراعها وتحاول ان تدفعها بعيد عن الحجرة وسمر تبعد يدها عنها وتقول
شيلي ايدك عني
عم خليل لجميلة
جميلة ما ينفعش كدة ما تفرجيش الناس علينا
جميلة لعم خليل
خليها تمشي من هنا. الزفتة دي هي السبب في اللي حصل ليوسف
سمر
انا برضو. بس يقوم يوسف بالسلامة والكلام بيني وبينك هايبقي كتير
جميلة
انا مافيش كلام بيني وبينك. انتي مش واحدة متجوزة يالا روحي لجوزك. واحترمي نفسك
سمر باستهزاء
وشوفي مين اللي بتتكلم
جميلة وهي تنظر لها بحدة وتمسكها من ذراعها
قصدك اية يا زبالة
سمر وهي تمسك ذراع جميلة. بمنتهي العنف وتنظر في عيونها بغل وتقول بصوت خافت ولكنه يشبة فحيح التعابين
الزبالة هي انتي. والليالي اللي بينك وبين جلال تشهد عليكي
فتنصدم جميلة مما سمعتة وسمر تكمل قائلا
انا سترتك ورحمتك من الفضيحة مرة. وكنت غلطانة يوم ما خبيت علي يوسف حقيقتك لكن المرة التانية مافيش رحمة وصورك انتي وجلال معايا علي الموبيل بتاعي وهاوريها ليوسف
عم خليل وهو يفرق ما بينهم ويقول بحدة
كفاية بقي فضايح انتو الاتنين
فتبتعد جميلة عن سمر وهي تنظر لها مش مصدقة ولا مستوعبة أنها عرفت خيانتها ليوسف وبدات تفكر ازاي تخلص من سمر قبل ما يوسف يعرف حاجة زي دي وتبقي فضيحة. ليها ول أهلها.،،،،،،،،،
وبعدها بكام ساعة ويوسف لا يزال في غيبوبة. تجلس جميلة في سيارتها ومعها جلال وتقول له بانفعال
وانت ازاي ماتعرفينش ان الزفتة دي عرفت اللي بينا
جلال
كنت هاقول لك. بس لما اوصل لطريقة أبعدها بيها عن يوسف وعننا
جميلة
وطيب العمل دلوقتي البت دي اول مايوسف ما يفوق من اللي هو في اكيد هاتقول له.
جلال
شئ اكيد
جميلة
يبقي لازم نخلص منها
جلال
انا ماليش في سكة الدم. فاهمة
جميلة بضيق
طبعا ما الموضوع مش هايمس شرفك انت. فعادي لو انا اتفضحت
جلال
ازاي يعني انتي ناسية اني انا كمان متجوز وعلاقة زي دي لو اتعرفت هاتخرب بيتي وحياتي كلها. ومش بعيد يوسف يقتلني ويقتلك
جميلة
طيب وعايز بعد كل دة. نسيبها تعيش وتخرب علينا حياتنا
جلال بحزم
انا مش هاقتل.
جميلة
يبقي أقتلها انا
جلال باستغراب
تقتليها أنتي اتجننتي
جميلة
مش احسن ما حياتي تنتهي بفضيحة
جلال
طيب اجلي اي حاجة لغاية ما نعرف اية حكاية رصيدها اللي في البنك وياسر اللي هي لسة مراتة
جميلة
هو انت لسة ما وصلتش للي اسمة ياسر دة
جلال
اختفي من بعد ما طلق سمر
جميلة
طلقها ازاي بس وهي لسة علي ذمتة
جلال
انا عارف بقي. شكلنا وقعنا وسط عصابة. ما تسيبك من يوسف دة واطلقي منة ونتجوز ونعيش حياتنا
جميلة ضاحكا
بقي بذمتك أسيب واحد زي يوسف واتجوزك انت
جلال بضيق
مالك بتقولي انت دي وزي ما كون نكرة
جميلة
انت فعلا بالنسبة ليوسف نكرة شوف هو اية وانت اية
جلال
ولما انا نكرة لية جريتي ورايا وخليتني اخون مراتي
جميلة بغرور
عشان كنت عاجبني ونفسي امتلكك
جلال وهو يحاول ان ياخذها في حضنة وبمنتهي قلة الكرامة
ما انتي فعلا امتلكتيني
جميلة وهي تبعدة عنها
مش وقتة الكلام دة. نخلص من المصيبة اللي اسمها سمر وبعد كدة اروق لك ،،،،،،،،،،
وبعدها بيوم ومن داخل المستشفي تجلس سمر امام حجرة الرعاية المحجوز فيها يوسف وكانت بتنام وهي جالسة فينضم لها عم خليل ويقول
يا بنتي اسمعي الكلام روحي نامي ليك شوية انتي من امباراح ما نمتيش
سمر
مش هنام الا لما اطمئن علي يوسف
عم خليل وهو يجلس بجانبها وينظر لها
للدرجة دي خايفة علية.
سمر باحراج
طبعا. هو انت عايز بعد كل اللي عمله معايا ماخفش علية
عم خليل
يااااااااا. بقي مراته ام ابنة تسيبة في الحالة دي وتمشي وانتي تنامي علي باب الاوضة اللي محجوز فيها
سمر
انا لو بيدي أفدي يوسف بعمري بس هو يبقي كويس
عم خليل
للدرجة دي بتحبي يوسف
سمر باحراج
حب اية بس. يوسف بلدياتي وانا لازم اكون جنبة
عم خليل
طيب ما انا كمان بلدياتك وكان عندي برد من يومين ما كنتيش جنبي يعني
فتضحك سمر فيقول عم خليل
هو يا بنتي الحب عيب ولا حرام. وبعدين بقي تبقي غبية اللي تلاقي قلب زي قلب يوسف ومايكنش ملكها. وانا مافتكرش انك غبية زي جميلة
سمر
لا. مش غبية. انا بحب يوسف ونفسي يكون بيحبني نص ما بحبة
فيضحك عم خليل بشدة ويقول
يوسف من عشرين سنة ما بيعملش حاجة غير انة بيحبك
سمر بدهشة
عم خليل انت بتقول اية
عم خليل
بقول ان يوسف بيكبر وحبة جوة قلبك بيكبر يوسف. من وهو في الثانوي وانتي كنتي في اعدادي. وهو عمرة ماشاف غيرك ولا حب غيرك تروحي المدرسة يروح وراكي تخرجي مع صحابك يخرج ويراقبك من بعيد عينة ديما عليكي. لغاية ما اتجوزتي وقرر ان يسيب البلد ويمشي عشان مش هايقدر يشوفك وانتي مع راجل غيرة واشتغل واشتغل عشان ينسي حبك لكن ماقدرش ينسي حب عمرة.
سمر وهي تبكي من الفرحة
وهو انا استاهل الحب دة كله
عم خليل
بالنسبة ليوسف كله حب دة قليل عليكي. لكن لية تجرحي وتكذبي علية
سمر وهي تبكي بحرقة
والله العظيم مظلومة.
فيطبط عليها عم خليل ويقول
طيب اهدئي. وبطلي عياط
فتنضم لهم جميلة وتقول وهي تنظر لسمر
انتي لسة هنا
سمر
ما هنا ورايح اتوعدي انك تشوفيني ديما في المكان اللي في يوسف
جميلة
اما انتي بج،،،،،،، ،
عم خليل مقاطعة لها
جميلة كفاية بقي.
وتخرج الممرضة من حجرة الرعاية المركزة وتقول لعم خليل
استاذ خليل. الاستاذ يوسف عايزك
عم خليل فرحا
يوسف ابني فاق
ويدخل الي الحجرة مسرعا ومن خلفة سمر وجميلة فينظر يوسف لعم خليل وعم خليل يبوسة في جبينة ويقول له
الف حمد لله علي سلامتك
يوسف بصعوبة
الحمد لله. انا بخير
ثم تجلس جميلة بجانبة وتقول
حبيبي. الف سلامة عليك
فيبوسها يوسف ويحضنها وهو يقول
الله يسلمك يا حبيبة قلبي
ثم تقع عينة علي سمر فيقول بضيق
انتي بتعملي اية هنا
سمر
بطمئ،،،،
فيقاطعها يوسف ويقول
اطلعي برة. واوعي توريني وشك تاني
فتنظر لها جميلة نظرة شماتة ويوسف يقول لعم خليل
البت دي تاخد منها الشقة اللي انا قعدها فيها ورجليها ما تخطيش الشركة وترجع لجوزها هو اولي بيها مني.
سمر وهي تبكي
يوسف. انا مظلومة والله.
يوسف بحدة
برة.
وياخذ جميلة في حضنة وهو يقول
انا ماليش الا مراتي. حبيبتي.
فتنظر سمر للمنظر وتفكر أنها توري الصور الخاصة بمراتة ولكنها تخاف علية وتتجة ناحية باب الحجرة فيقول يوسف
تخرجي من الشقة زي ما دخلتيها بالجلبية المقطعة. اللي ضحكت عليه بيها
سمر والدموع تجري علي خدودها
حاضر. اوعدك انك مش هاتشوفني تاني ،،،،،،،،،،،،،
وبعدها بيوم ومن داخل شقة التجمع تجلس جميلة مع جلال في حجرة النوم وجلال يقول
زي ما بقول لك كدة ياسر طلق سمر فعلا. ودي معلومة انا اتاكد منها بنفسي من الماذون اللي طلقهم
جميلة بدهشة
الله اومال ازاي يوسف لقي في المحكمة انا سمر وياسر لسة متجوزين
جلال
طيب خدي التقيلة بقي الراجل الصعيدي اللي اسمة الحاج سويلم دة كومبارس من اللي بيطلعة في السيما وفي حد اجرة عشان يمثل التمثلية دي لا وكمان الفلوس اللي دخلت في حساب سمر في البنك بتاريخ قديم دي مش فلوس سمر دة حد حط المبلغ دة وسحبة بعديها بيوم بس موظف الشباك وصفي لي الراجل اللي حط الفلوس في حساب سمر واللي رجع سحبهم تاني. وكل الموصفات اللي قلها تمشي علي عم خليل
جميلة بصدمة
عم خليل. وهو لية يعمل كدة. لية يفرق بين سمر ويوسف
جلال
حاجة تحير. بس عشان نتاكد اكتر انتي تيجبي صورة لعم خليل اوريها للصراف ولو هو يبقي كدة اللعب علي كبير انما لو واحد شبة يبقي لازم نعرف مين وراء اللي حصل دة ولية بيعمل كدة.،،،،،،،،،
وبالفعل تمر الليلة ويطلع النهار وتروح جميلة وجلال الي البنك ومعهم صورة لعم خليل ويدخلا الاثنين الي الصراف وبعد السلام والتحية تضع جميلة صورة عم خليل امام الصراف فينظر الصراف للصورة ويقول، ،،،،،،،،،،،،،،،،،،
ح(6)
حب امتلاك
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
خلص الجزء الاول علي ان جلال راح لموظف البنك وعرف عن طريقة وصفة للراجل اللي حط فلوس في حساب سمر وكان السبب في انة يفرق بين سمر ويوسف وعن الطريق الوصف دة شك جلال في عم خليل وبلغ جلال. جميلة بكل اللي عرفة وخدت جميلة صورة لعم خليل وراحت هي وجلال لموظف البنك وحطت جميلة الصورة في ايد الموظف وبص الموظف للصورة وقال
ايوة هو دة
فانصدمت جميلة وبصت لجلال وبصت للموظف مرة تانية وقالت
متاكد
الموظف
الا متاكد دة حط. 11 مليون جنية يعني رقم ما يتنسيش
وجه راجل في الاربعينات تقريبا سال علي حساب سمر في البنك ومشي وبعديها بيوم بالظبط نفس الراجل الكبير دة جة سحب المبلغ كلة
جلال لجميلة
اية دة بقي دة الموضوع خطير كدة
جميلة
عم خليل هو اللي عمل كدة طيب لية دة كان موافق علي جواز سمر من يوسف وديما كان زي الاب واكتر ليوسف لية يعمل كدة،،،،،،،،
وبعدها بيوم ومن امام قصر يوسف تقف سيارة يوسف وبها كلا من يوسف وعم خليل وسمر وتنزل جميلة وتفتح الباب ليوسف لكي ينزل وهي تقول له
الف حمد لله علي سلامتك
فينزل يوسف من السيارة وهو يقول
الله يسلمك
ويستند علي عم خليل وهو يقول
تعبتكم معايا
عم خليل
اوعي تقول كدة. المهم انك رجعت لبيتك بالسلامة
فتنظر جميلة لعم خليل وهو يساعد يوسف علي انة يطلع درجات السلم وتقول لنفسها
دة انت ممثل بطريقة رهيبة
ويدخلو القصر ويغلقو الباب خلف منهم وفي هذة اللحظة كانت سمر تقف امام بوابة القصر وتنظر ليوسف وتطمئن علي سلامتة من بعيد، ،،،،،،،،،،
وبعدها بساعتين ومن داخل شقة سمر يرن جرس الباب فتفتح سمر فتجد عم خليل ومعه سعد اللي بينقل ألاخبار لجميلة وهو شغال موظف في شركة يوسف فترحب سمر بهم ويدخل عم خليل ومن خلفة سعد ويقول عم خليل والحزن باين علية
سمر. يوسف باعتني ليكي برسالة بس بايخة شوية
سمر
عارفة. يوسف باعتك عشان تستلم الشقة
سعد
مش الشقة وبس كمان كل الهدوم اللي جيبها ليكي ووصاني اتاكد اني مافيش مسمار ناقص من الشقة ولو في حاجة ناقصة اعمل بيها محضر في القسم
سمر بضيق
للدرجة دي.
عم خليل
معلش يا سمر دي تعليمات يوسف
سمر وهي تبكي
من حقة طبعا. ان كل حاجة جابها ياخدها. بس عرفة اني انا مش حرامية عشان اسرق حاجة من الشقة
سعد
معلش لازم اتاكد بنفسي
ويبدأ سعد في فحص الشقة وبعد بنص ساعة ينتهي من الفحص يقف امام سمر ويقول
تمام كدة.
سمر
خلاص ينفع امشي
سعد
لية لسة
سمر
لسة اية تاني
سعد
الفستان اللي عليكي دة مش من حقك
سمر بضيق
بلغ يوسف ان رميت الجلبية المقطعة ولو يخلصة امشي عريانة في الشارع اقلع لكم الفستان
عم خليل
لا. مش للدرجة يا سمر.
سعد
فين المفاتيح
سمر وهي تخرج المفاتيح من شنطتها
المفاتيح اهي.
وتخرج سمر من الشقة وهي حزينة مما حصل، ،،،،،،،،
وبعد نص الليل وأثناء ماكان عم خليل يقرأ في كتاب يسمع صوت خبط علي باب حجرتة فينظر للباب ويقول
ادخل
فتدخل جميلة فيندهش عم خليل ف دي اول مرة جميلة تيجي لة اوضتة فيقول
خير اول مرة تعمليها
جميلة وهي تتجة ناحية فوتية موجود في الحجرة وتجلس علي الفوتية وتضع رجل علي رجل وتنظر له وتقول
جاية اتعلم منك
فيضع عم خليل الكتاب بجانبة وينظر لها
بتقولي اية عشان مش فاهمك
جميلة وهي تعيد الجملة ببطئ
جاية اتعلم منك.
عم خليل
تتعلمي اية بقي
جميلة
ازاي اكون خبيثة
فيقف عم خليل منفعلا ويقول بغضب
جميلة احترمي نفسك انا مش صغير معاكي
جميلة بنظرة كلها ثبات انفعالي تقول
ماتتحمأش اوي كدة ليحصل لك حاجة واقعد وخلينا نتكلم بالراحة
عم خليل وهو لايزال منفعلا
انا مافيش كلام بيني وبينك. ياريت تخرجي وترجعي اوضتك وتكوني جنب جوزك العيان
فتقف جميلة وتتجة ناحيتة وهي تقول
جوزي خد العلاج ونايم وانا كمان المفروض اكون نايمة دلوقتي بس بصراحة مش قادرة انام التفكير هايقتلني. انت ازاي كدة. ازاي جواك كل الخبث دة ومش باين عليك
عم خليل بأنفعال شديد
تاني بتغلط،،،،،،،،،
جميلة وهي تقف امامة بالظبط وتضع يدها علي فمة وتقول
لية فرقت بين سمر ويوسف مع انك كنت موافق علي الجوازة دي
فيصدم عم خليل ويبعد يدها عن فمة ويقول
أنتي بتقولي اية
جميلة وهي تلف حوالين منة
بقول اني كنت في البنك وعرفت مين حط الفلوس في حساب سمر لا وكمان عرفت مين اتفق من الكومبارس اللي عمل نفسه الحاج سويلم وعرفت كمان مين زور شهادة جواز سمر وياسر عارف مين. واحد اسمة عم خليل
فينظر لها وهي تقف في ظهرة وتنظر له وهي رافعة حاجبها وتبتسم وتقول
انت.
عم خليل
وانتي جايه. بعد نص الليل عشان تعرفيني انك عرفيتي كل دة
جميلة
بصراحة انا قولت اعمل نفسي ماعرفتش حاجة لكن ماقدرتش انام الا لما اعرف انت عملت لية كدة.
عم خليل
وهايفرق معاكي. تعرفي السبب
جميلة
أنا مش هنام غير لما اعرف عملت لية كدة
عم خليل
عشان بعد كل اللي عملتة ليوسف فضلت نمرة اتنين في حياتة حبة لسمر خلاه ينسي انا عملت عشانة اية وأزاي ضحيت عشان سعادتة وفرحتة تكون كاملة. بفلوسي أنا يوسف بقي عندة كل الفلوس دي
ويغضب عم خليل ويكمل قائلا وبحدة
وفي الاخر سمر هي اللي في قلبة وعقلة وانا بعد كل اللي عملتة عشانة ابقي نمرة أتنين.
ويغضب اكثر واكثر ويقول
لا. انا مش هاقبل اكون نمرة اتنين في حياة يوسف. وعشان كدة كان لازم ابعد سمر عن يوسف واحرمة منها عشان اكون نمرة واحد في حياتة
جميلة مستغربة اللي بيتقال وحاسة انها شايفة واحد اول مرة تشوفه وتقول
طيب ما يوسف بيحبني لية مافرقتش بيني وبينة وخليتة يتجوزني
عم خليل
يوسف عمرة ما حبك زي ماحب سمر وعشان كدة انتي عمرك ما كنتي في حساباتي.
ثم ينظر عم خليل في عيون جميلة نظرة المجنون ويقول
لكن يوم ما تكوني انتي نمرة واحد في حياة يوسف. هادفنك وانتي صاحية
فتخاف جميلة من نظرة عم خليل لها وتخرج من الحجرة مسرعا وعم خليل ينظر لها وهي تخرج من الحجرة ويرجع يجلس مرة اخري بمنتهي الثبات الانفعالي ويكمل قرائة الكتاب، ،،،،،،،،
ومن داخل حجرة نوم يوسف تفتح جميلة الباب وتدخل الي الحجرة ودقات قلبها متسارعة خائفة مما قالة عم خليل وتجلس علي السرير وتقول لنفسها
ازاي عم خليل الراجل الطيب يكون كدة حبة ليوسف اتحول لحب جنون انا مش قادرة اصدق نفسي،،،،،،،،
وتفزع عندما يضع يوسف يدة علي كتفها فتنظر له وهي مخضوضة فيقول لها يوسف
مالك اتخضيتي لية كدة
جميلة وهي تلتقط انفاسها
اصلي كنت سرحانة
يوسف
سرحانة في اية بقي في ساعة متاخرة زي دي
جميلة
لا. دي مشكلة عند واحدة صاحبتي. المهم نام انت عشان تبقي كويس
يوسف وهو يبوس يدها
انا كويس طول ما انتي كويسة. وحقك علية اني فكرت في يوم اكون لواحدة غيرك
جميلة
لو بتتكلم علي سمر. خلاص دة حوار وخلص. المهم تقوم لينا بالسلامة
يوسف
جميلة عايز اكون في حضنك. قربيني منك وماتخليش اي حاجة تحرمني منك
جميلة وهي تاخذ يوسف في حضنها
انا معاك اهو وجنبك،،،،،،،،،،
وتمر الليلة ويطلع النهار ويخرج جلال من بوابة العمارة اللي هو ساكن فيها وينظر لفوق ويودع زوجتة خلود اللي كانت واقفة في البالكونة مع بنت جلال اللي من مراتة المتوفية وتدعي شروق وبمجرد خروج جلال من البيت تدخل سمر وتصعد الي شقة جلال وترن جرس الباب وتفتح لها خلود فتنظر لها سمر وتقول
مدام خلود
خلود
أيوة انا. مين حضرتك
سمر
أنا واحدة ست جاية وعايزا مصلحتك ممكن ادخل
خلود
اسفة ما تعودش استقبل حد غريب في بيتي
سمر
حتي لو الحد دة جاي عشان يقول لك جوزك بيخونك
فتصدم خلود وينزل الكلام علي قلبها كالصاعقة وتفسح الطريق لسمر وهي تقول لها
أدخلي
فتدخل سمر وتغلق خلود الباب، ،،،، ،،،
ويمر النهار ويحل الظلام ويرجع جلال الي شقتة وبمجرد دخوله من باب الشقة يجد خلود تجلس علي الركنة وتشاهد صورة وفيديوهاتة مع جميلة علي الشاشة فينظر للشاشة وقلبة يدق بشدة فتنظر له خلود وتقول
واقف لية عندك كدة تعالي اتفرج معايا علي فيلم السهرة
فيتجة جلال ناحية ريموت الشاشة ويغلق الشاشة وينظر لخلود التي كانت تبكي ويقول لنفسه
عملتها سمر
ثم يقول لخلود
والله العظيم. انا بحبك انتي بس دي مجرد علاقة مصلحة هاطلع منها بقرشين مش اكتر عشان خاطرك وخاطر بنتنا
خلود وهي تبكي
بنتك انت وبس
جلال باستغراب
من امتي وانتي بتعتبري شروق مش بنتك
خلود
من هنا ورايح شروق مش بنتي ولازم تشوف لها حد يراعيها غيري ويديها علاج القلب في ميعادة
جلال
خلود شروق ملهاش دعوي بغلطتي. بلاش تاخدي شروق بذنبي
خلود
انا اتجوزتك وعيشت خدامه ليك ولبنتك العيانة عشان حبيتك انما تخوني هاخد حقي منك في بنتك
جلال برجاء
خلود لازم تصدقيني أنا بحبك انتي
خلود
وأنا كمان بحبك. بس تقبل اني اخونك عشان اجيب فلوس ليك
جلال غاضبا
لا. طبعا انتي بتقولي اية
خلود
طيب انت مقبلتهاش علي نفسك عايزني اقبلها انا
جلال وهو يمسك ايد خلود ولكن خلود تسحب يدها من يدة فيقول
أعتبريها غلطة ومش هاتتكرر تاني
فتنظر له خلود وبغموض تقول
ولو اتكررت
جلال
أعملي اللي انتي عايزا
خلود
ومش هاتزعل من اللي هاعمله فيك
جلال باستغراب
اية هاتقتليني
خلود
لا. خالص. دة انت اللي هاتقتل مراتك
جلال باستغراب اكثر واكثر
انا اقتلك انتي طيب لية
خلود
لا. انا بتكلم علي مراتك الثانية
جلال
مراتي الثانية. انا مش متجوز غيرك
فتقف خلود علي قدميها وتنظر له
ساعة ما هاتقتل هاتكون متجوز علية
وتتركة وتدخل حجرتها وهو ينظر لها، ،،،،،،،،
ناوية علي اية خلود وهايعمل أية جلال.
عايزين تعرفو تابعوني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الحلقه الرابعه والخامسه والسادسه من هنا
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺