رواية حب أمتلاك الحلقه الثالثه بقلم الكاتب محمد منصور حصريه وجديده على مدونة أصل للمعلومات
 |
رواية حب أمتلاك الحلقه الثالثه بقلم الكاتب محمد منصور حصريه وجديده على مدونة أصل للمعلومات
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وبعدها بيوم وفي تمام الساعة 8.ص يجلس يوسف في سيارتة ويخرج الموبيل الخاص به ويتصل بسمر فترد سمر بصوتها الجميل وهي لسة نايمة وتقول
الو
يوسف
احلي الو سمعتها في حياتي
سمر
يوسف. انت بتتصل بدري لية كدة
يوسف
بتصل بدري لية انتي نسيتي وراكي اية
سمر باستغراب
ورايا اية
يوسف
هو احنا مش متقفين اني هافوت عليكي عشان تروحي تستلمي شغلك
سمر وهي تترجي يوسف
طيب معلش ممكن تسيبني النهاردة عشان انا تعبانه. انت ما تعرفش انا اتبهدلت قد اية الفترة اللي فاتت وياما نمت علي الرصيف
يوسف بعد ما صعبت علية قال
طيب خلاص من النهاردة لاخر الاسبوع انتي اجازة من الشغل لكن من اول الاسبوع الجاي مش هاسيبك
سمر
انت بجد طيب قوي وحنين عليا نفس حنية أبويا الله يرحمة
يوسف
الله يرحمه. وبعدين انا هاسيبك عشان انا حاسس قد اية انتي اتبهدلتي. يلا هاقفل انا دلوقتي وأسيبك تكملي نومك
سمر
طيب ما تطلع تقعد معايا شوية
يوسف
لا. خلاص انسي بقي ان ادخل الشقة دي تاني
سمر بضيق
لية كدة
يوسف
عشان ماحدش من سكان العمارة يتكلم عليكي او تسمعي كلمة تمس شرفك
سمر بتاثر شديد
للدرجة بتخاف عليا
يوسف
اومال مش هاخاف عليكي دة انتي،،،،،،،
ويسكت يوسف فتقول سمر
انا اية
يوسف وقد منع لسانه من نطق كلمة حبيبتي بالعافية وقال
بلدياتي. يالا سلام بقي عشان انا كدة اتاخرت علي الشغل
سمر
طيب هاتكلمني تاني
يوسف
بعد ماخلص شغل هابقي اتصل اطمئن عليكي
وينهي المكالمة وسمر تنظر للموبيل وتري صورتها فتبكي وتقول لنفسها
انتي غدارة وحيوانة. يا سمر. شوفي هو بيعمل معاكي اية وانتي متقفة مع شوية كلاب علية حرام عليكي يا سمر يوسف اللي باين علية بيحبك اوي انا ازاي اوافق اللي اسمة جلال دة والحرباية اللي معه علي اللي هما عايزين يعملو ازاي. بس برضو انا اخاف اقول له الحقيقة اخسر كل حاجة. ومايسمحنيش وارجع اترمي علي الرصيف تاني لازم أفكر في طريقة أحل بيها المشكلة دي من غير
ما خسر حب وحنية يوسف عليا ، ،،،،،،،،،
وبعد منتصف الليل يدخل يوسف الي حجرة نومه فيجد جميلة تجلس في انتظارة فينظر لها ويقول
انتي لسة صاحية
جميلة بحدة
كنت فين
يوسف
ما انتي كلمتيني من ساعة وعارفة اني كنت في الشغل
جميلة باستهزاء
والله. انت اول مرة من ساعة ما اتجوزنا ترجع بعد نص الليل
يوسف
ما انا قولت لك اني كنت في محزن اكتوبر بعمل حصر للخساير اللي حصلت بسبب الحريق
جميلة
ومافيش حد غيرك يعرف يعمل الحصر دة
يوسف بضيق
هو في اية انا في تحقيق ولا اية
جميلة
لا. مش تحقيق بس حساك بتكذب
يوسف بدهشة
بكذب يعني اية. وهو انا من امتي كذبت عليكي. جميلة هو انتي عايزا تقولي اية بالظبط
جميلة
عايزا اقول انك ماكنتش في الشغل وكنت مع الزفتة اللي اسمها سمر
يوسف
تاني بتغلطي فيها
جميلة
اة. هاغلط واغلط تاني وتالت طالما عايزه تخطف مني حاجة بتاعتي
يوسف مستغرب الجملة
حاجة بتاعتك. ده اللي هو انا
جميلة
اة أنت. هو انت مش ملكي ولا اية
يوسف بضيق
لا. انا مش ملك حد. أنا ان كنت بتعامل معاكي بكل حب فدة عشان انتي حبيبتي و مراتي ولازم اكون ليكي بما يرضي الله انما تفتكري حبي ليكي ضعف قدامك وذل ومن حقك تمتلكيني. لا. تبقي غلطانه
جميلة
ياااااااا. اتغيرت اوي معايا من بعد ما ظهرت الست سمر
يوسف
جميلة. انتي مراتي وام ابني وحبيبتي وسمر دي بلدياتي وفي ضيقة مش عيب ولا حرام لما اقف جنبها. من غير
ما قل من كرامتك ولا اخونك
جميلة بغرور
انت ما تعرفش تقل من كرامتي ولا تعرف تخوني
يوسف بضيق
بطلي غرور بقي. انا لو عايز اخونك هاخونك. بس الحاجة الوحيدة اللي تمنعني اني اعمل كدة هو خوفي من ربنا مش منك انتي ولازم تعرفي انا عيشت خمس سنيين معاكي عمري ما سمعت منك كلمة حلوة مع اني حبيتك من كل قلبي لكن اي لحظة حلوة كانت بيني وبينك بقابلها منك ببرود ولا كانك مغصوبة علي العيشة معايا. ورغم كدة لفكرت اخونك ولافكرت اتجوز عليكي انما بقي تفتكري ان دة ضعف مني. لا. وياريت بقي تسيبني انام وارتاح عشان انا تعبان
ويتجة الي الحمام لكي ياخذ دش ساخن وجميلة تنظر لباب الحمام وتقول لنفسها
برضو مش مصدقاك ،،،،،،،،،،،
وبعدها بيوم تنزل سمر من شقتها وهي ترتدي فستان جعل منها ملكة الجمال والرقة واخرجت الموبيل الخاص بها واتصلت بيوسف وقالت
الو يا بلدياتي
يوسف فرحا
سمر ازيك.
سمر
انا بخير وعايشة احلي ايام عمري
يوسف
طيب دي حاجة تفرحني.
ويسمع صوت العربيات من حوالين سمر فيقول
اية دة انتي في الشارع ولا اية
سمر
اة. في الشارع.
يوسف
ورايحة فين
سمر
رايحة اقابل واحد بلدياتي واحشني
فيضحك يوسف ويقول
وهاتقبلي فين بقي
سمر
في شركتة مكان ما هاشتغل
يوسف
الله انتي مش قولتي تعبانه وعايزا اجازة
سمر
عيلة بقي ورجعت في كلامي. اجي لك ولا اروح تاني
يوسف
تروحي فين بس. دة انا اتمني. هابعت لك عنوان الشركة في رسالة واطلبي اوبر وتعالي
سمر
ومين اللي هايدفع لي اوبر
فيضحك يوسف ضحكة من قلبة لم يضحكها من سنين وقال
بلدياتك. ،،،،،،،،،
ومن امام شركة يوسف تقف سيارة تبع سيارات اوبر وتنزل منها سمر فينظر لها يوسف وقلبة بيدق جامد كالعادة ويحاسب سائق الاوبر وسمر تقول له
المدير بنفسه هو اللي نازل يستقبلني
يوسف بكل حب الدنيا
ماحدش جالي هنا اغلي منك
فتبتسم سمر وتقول
كلامك حلو.
يوسف
مش احلي منك
وينظر لها يوسف مش قادر يشيل عينه من عليها و سمر تحرج وتقول
هو احنا هانفضل واقفين هنا
يوسف
لا. طبعا
سمر
طيب مش هانخش الشركة عشان استلم الشغل
يوسف
شغل اية انتي اجازة النهاردة
سمر ضاحكا
هو انا لسة اشتغلت عشان اخد اجازة تاني
يوسف
الشغل بتاعي وانا حر. مش نفسك تاكلي شورمة فراخ
سمر
انت عرفت كمان اني بحب الشاورمة برضو
يوسف
بطلي رغي يالا انا عزمك
ويمسكها من يدها ويتجة بها الي سيارتة،،،،،،،،
وبعدها بثلاث أيام ومن داخل شقة في التجمع الخامس تجلس جميلة قدام جلال في حجرة نوم وجلال يضحك ويقول
انت هاتحيرني معاكي لية مش انتي اللي طلبتي اشوف واحدة تكون حلوة قوي وظروفها تعبانة وتظهر في حياة يوسف بالصدفة ويوسف قدام ظروفها هايضعف ويساعدها وهي تستغل النقطة دي و تلعب علية وتشغلة وتعمل نفسها بتحبة وتلهي يوسف عنك ونروق بقي لبعضينا ونسافر شرم سوي ونقضي شهر اجازة كله حب وغرام
جميلة
اة. انا اللي قولت لك تعمل كدة. وكنت مراهنة نفسي اني امتلكته ومستحيل يبص لغيري. بس انت ماتعرفش هو من ساعة ما شافها عمل عشانها اية وبيعمل اية
جلال
مش بلدياته زي ما بيقول
جميلة
لا. خالص. انا قلبي حاسس ان كان في حاجة بينه وبينها
جلال باستغراب
حاجة اية يعني. علاقة تقصدي
جميلة بضيق
ماعرفش. بس من ساعة ما ظهرت وهو متغير معايا مش هو يوسف اللي انا اعرفه. انت السبب
جلال
انا
جميلة
ايوة انت. عشان خلاص ضاقت بيك الدنيا رايح تتفق مع واحدة هو يعرفها
جلال
وهو انا كنت اعرف منين. انه يعرف سمر. انتي طلبتي واحدة ظروفها تعبانة وتكون حلوة وسمر دي كانت مرات صاحبي ياسر اللي نصب عليها وخد كل فلوسها أستغليت انها متمرمطة ونايمة في الشارع واتفقت معها ووافقت اعمل اية تاني. وبعدين تعالي هنا انتي مالك مضايقة لية كدة انه مهتم بيها انتي بتحبي ولا بتحبيني انا
جميلة
بحبك انت طبعا. بس مضايقة وما كنتش متوقعه ان في واحدة تقدر تاخد يوسف مني بالسهولة دي
جلال بعصبية
يوسف. يوسف. يوسف. انا كرهت الاسم دة بسببك. انتي جاية لي هنا عشان ننبسط ولا عشان نقعد نتكلم عن يوسف
جميلة وهي تاخذة في حضنها
لا عشان ننبسط. بس مضايقش نفسك عشان خاطري
وينظر لها جلال ويضحك ويقول
ايوة كدة. مش طلبة نكد دة انا سايب بيتي ومراتي عشان اقضي معاكي اليوم دة نقوم نضيعة في الكلام عن يوسف.
خلي يوسف يبقي لسمر وانتي لجلال حبيبك،،،،،،،،،
وبعديها بيومين ومن داخل حجرة المكتب الخاص بيوسف والموجودة في القصر يجلس يوسف مع عم خليل ويقول عم خليل له
بتقول اية. هاتتجوز سمر
يوسف
اة وفيها اية انت مش قولت هاتحضر فرح قريب اهو الفرح جة
في هذة اللحظة كانت جميلة تقف امام باب المكتب بعد ما سمعت كلام يوسف مع عم خليل وتستشاط غضبا وعم خليل يقول
والله كنت عارف انك مش هاتستني كتير وهاتقول لي انك هاتتجوز سمر
يوسف
مش قادر بصراحة اسمع صوتها وانا بعيد عنها ولا قادر اشوفها قدامي وماشربش من نهر جمالها
عم خليل
حيلك حيلك يا عم الرومانسي.
يوسف
اعمل اية بس بحبها وانت عارف هي بالنسبة لي اية
عم خليل
عارف والله انها حب عمرك. طيب وهاتعمل اية مع مراتك جميلة
يوسف
مش لازم تعرف دلوقتي.
عم خليل
يوسف لو عايز تتجوز سمر اتجوزها بس اوعي تظلم مراتك جميلة
يوسف
هو انت تعرف عني اني ظالم. جميلة هاتفضل مراتي
ام ابني واللي بحبها وهافضل احبها لكن دي سمر
عم خليل
خلاص. يبقي علي بركة الله. وربنا يبارك لك،،،
وتضغط جميلة علي اسنانها بكل غيظ وتقول لنفسها
لا والله وانا بقي هاسيبك تتجوزها. واخلي الجربوعة دي تشاركني فيك دة بعينك، ،،،،،،،،،،
ناوية علي اية جميلة وهاتقدر تمنع جوازة يوسف من سمر ولا. عايزين تعرفه اللي جاي تابعوني
ومن النهاردة كل اللي فات حمادة وكل اللي جاي حمادة تاني خالص
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الحلقه الرابعه والخامسه والسادسه من هنا
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺