رواية حب امتلاك الحلقه السابعه بقلم الكاتب محمد منصور حصريه وجديده على مدونة أصل للمعلومات والروايات
 |
رواية حب امتلاك الحلقه السابعه بقلم الكاتب محمد منصور حصريه وجديده على مدونة أصل للمعلومات والروايات
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وبعدها بثلاث ايام ومن داخل قصر يوسف يجلس يوسف ومعه جميلة وابنهم عماد صاحب الاربع سنوات وعم خليل علي السفرة وكانو يأكلون وجبة الغداء واثناء تناول الطعام كان عم خليل يداعب يوسف ويضحك معه ويقول
مش ناوي ترجع شغلك بقي. ولا القاعدة جنب جميلة خليتك تنسي نفسك
يوسف وهو يبوس يد جميلة
بصراحة انا ما كنتش عارف قيمة جميلة لغاية ما عديت بالمحنة الاخيرة وبعدين انت مستكتر علية أجازة تلت ايام افوق بيهم من اللي شوفتة من سمر
فينظر عم خليل نظرة مخيفة لجميلة فتسحب جميلة يدها من يد يوسف فينظر لها يوسف مستغرب اللي هي عملتة ويقول لها يوسف
سحبتي ايدك لية. اوعي تكوني لسة زعلانه مني بعد اللي
فتنظر جميلة لعم خليل اللي بيحط السكينة في طبق اللحمة اللي قدمه وتخيلت جميلة ان السكينة دي في قلبها. ماهي خايفة من عم خليل وجنونة في حب يوسف وقالت
رواية حب امتلاك الحلقه السابعه بقلم الكاتب محمد منصور حصريه وجديده على مدونة أصل للمعلومات والروايات
لا. مش زعلانة
يوسف
اومال سحبتي ايدك من ايدي لية
جميلة وهي تبتسم
عادي يا يوسف اصلي كنت قايمة.
يوسف
قايمة رايحة فين
جميلة
هاجيب مية
يوسف وهو ينظر لي ازازة المية الموجودة امامها ويقول
المية قدامك اهه.
جميلة بعصبية
هاقوم عشان شبعت
وتنهض جميلة من علي السفرة وتاخذ عماد ابنها معها ويوسف يمسك ايدها ويقول بحنية
جميلة يا حبيبتي مالك
جميلة
مافيش مافيش،
وتسحب يدها من يد يوسف وتتجة الي حجرتها وهي تنظر لعم خليل وعم خليل ينظر لها ويبتسم ابتسامة صفراء،،،،،،
ومن داخل حجرة جميلة تجلس جميلة علي سريرها وتمسك الموبيل الخاص بها وتقول
يا ماما خايفة منه. خايفة من نظراتة ليا دة مجنون مش بعيد لما يلاقي يوسف بيتعامل معايا بحنية زيادة ينفذ تهديدة ويقتلني فعلا
فترد عليها زهرة والدتها وتقول
انتي بصراحة مكبرة الموضوع اوي دة بدل ما تحمدي ربنا أن خليل بعد سمر عن يوسف وتشكري خليل في اليوم ميت مرة تخافي منة انا بصراحة مش معاكي
جميلة
ماخفش ازاي بس . دة بني ادم خبيث جدا طول عمرة بيتعامل مع يوسف علي انة ابنة ويوسف بيتعامل معه علي انه والدة ويطلع من وراء كل دة. وعايزاني ماخفش وخصوصا ان يوسف من بعد حوار سمر دة وهو قرب مني اوي وبقي يحبني اكتر من الاول
زهرة
ودي حاجة تزعلك أن جوزك يحبك
جميلة
واللي اسمة خليل دة لما يلاقي يوسف قرب مني اوي ونسي سمر ساعتها افرح لما يقتلني
زهرة ضاحكا
يقتلك. لية يعني. عشان جوزك بيحبك
جميلة بعصبية
يا ماما انا ما بهزرش. الموضوع فعلا يخوف اللي اسمة خليل دة مجنون
زهرة
يا بنتي الراجل دة لو عايز يقتلك كان قتلك من زمان طول عمرة يوسف بيحبك اشمعني يعني هايقتلك دلوقتي
جميلة
ما انا قولت لك بقي عشان كان بيحب سمر اكتر مني ومنه لكن دلوقتي مبقاش في سمر
زهرة
جميلة عيشي حياتك وبلاش الوهم يخلص عليكي. خليل دة مش قتال قتلة عشان يقتلك ولا هو مجنون والكلام اللي قالة علي سمر وانها خدت منه قلب يوسف مش شرط يكون الكلام دة عليكي انتي كمان
جميلة
عمرك ما هاتحسي بيا.
زهرة
يا بنتي بلاش تخلقي حكاية تنكدي بيها علي نفسك
جميلة
خلاص يا ماما. انا هاتصرف، ،،،،،،،،
رواية حب امتلاك الحلقه السابعه بقلم الكاتب محمد منصور حصريه وجديده على مدونة أصل للمعلومات والروايات
ومن داخل مكتب يوسف يجلس يوسف مع عم خليل وامام الباب تقف جميلة تتجسس عليهم وتسمع يوسف وهو يقول
لا. زعلانة من اللي حصل انا عارف جميلة لكن انا مش هارتاح الا لما انسيها الفترة اللي ظهرت فيها سمر في حياتي وهاعوضها وهاخلي فرحتها بالنسبة لي كل همي
عم خليل
ياااااا. للدرجة دي زعل جميلة فارق معاك
يوسف
ومايفرقش معايا ازاي مش مراتي حبيبتي
عم خليل
بعد اللي كانت بتعمله معاك
يوسف
جميلة من بعد سمر ما ظهرت وهي اتغيرت معايا خالص وبقيت تحبني اكتر من الاول وبحبها ليا انا نسيت سمر وحبها
عم خليل
بالسرعة دي. انت بتضحك علي نفسك
يوسف
لا. ما بضحكش انا عارف بقول اية وزي ما كانت سمر حب عمري كله هاتكون جميلة حب عمري وحياتي كلها وهاعوضها عن الايام اللي بعدت فيها عنها
عم خليل
ربنا يسعدكم.
وتخاف جميلة مما سمعتة ويظل وسواس عم خليل يشغلها وتطلع الي حجرتها مسرعا وهي تفكر وخائفة من حب يوسف لها وخائفة من اللي جاي، ،،،، ،
وتمر الليلة ويطلع النهار ويخرج يوسف من القصر ويركب سيارتة ويتجة بها الي شركتة وبمجرد ما يصل الي الشركة وينزل من السيارة يقابلة سعد موظف الشركة وياخذ منة الشنطة وتقف امامه سمر وتنظر له وتقول
يوسف
فينظر لها يوسف ولا يرد ويستعد ليدخل الشركة ولكن سمر تقف امامه وقد بان عليها البهدلة فهي باعت الموبيل اللي كان معاها عشان تعرف تاكل وتشرب ولقيت اوضة في دور ارضي في بيت قديم وقعدت في واشترت موبيل طراز قديم وهي تقف قدام يوسف تقول
انا من حقي ادافع عن نفسي وأعرفك اني اتغدر بيا واني مظلومة وانا استنيت لغاية ما تخف وترجع شغلك عشان اعرفك الحقيقة
فينظر لها يوسف من فوق لتحت ويقول لسعد
اديها قرشين عشان باين عليها غلبانة
ويبعدها عن طريقة بمنتهي العنف ويقول للامن الشركة
البت دي لو جت في اي وقت عشان تدخل الشركة امنعوها مفهوم
فتبكي سمر وتقول
يوسف انا سمر
فينظر لها يوسف ويقول
انا ماعرفش حد بالاسم دة
ويتركها وينصرف وسعد يخرج لها 50ج. ويرميها لسمر فتنظر سمر للفلوس وتبكي ،،،،،،،،،،،
ومن داخل حجرة جميلة واثناء ما كانت جميلة تجلس قدام المرايا تسرح شعرها تسمع صوت الخادمة اللي عندها وهي تقف قدام باب الحجرة وتقول
مدام جميلة.
جميلة
ادخلي يا صفية
فتدخل الخادمة ومعها صنية عليها النسكافية الخاص بجميلة فتنظر لها جميلة وتقول
حطي عندك
فتضع صفية الصنية علي تربيزة صغيرة وهي تقول
حاجة تاني يا مدام
جميلة
لا خلاص روحي
وبمجرد خروج صفية يدخل عم خليل فتنظر له جميلة وتقول وهي مفزوعه
عم خليل
فيذهب عم خليل ناحية كوبية النسكافية ويقول
أة.
ويخرج كيس بة مادة بيضاء ويضعة في النسكافية فتنظر له جميلة باستغراب وتقول
انت بتحط اية في النسكافية
عم خليل
دة سم
فتبلع جميلة ريقها بالعافية وتخاف وتنظر له وتقول
انت عايز تموتني
عم خليل
أنا. لا خالص
جميلة
اومال بتحط لي سم لية
عم خليل
كدة النسكافية يبقي طعمة احلي
جميلة
عم خليل. انا عايزه اعيش وصدقني انا ما بحبش يوسف
عم خليل
بس هو بيحبك.
جميلة
مش زي سمر. سمر هي العدوة بتاعتك انا لا
عم خليل
ما هو بينسي حب سمر بحبك وانا مش هاستني لما اكرر نفس الغلطة واسيبة يتعلق بيكي وتكوني نمرة واحد في حياتة
جميلة
انا مش عايزا اكون نمرة واحد في حياة يوسف.
عم خليل وهو يشرب النسكافية
بجد. هانشوف
وياخذ كوبية النسكافية وهو ينظر لها ويقول
هاخلي صفية تعمل لك كوباية غيرها
ويخرج عم خليل من الحجرة وهو يشرب النسكافية فتبلع جميلة ريقها وتقول واعصابها محطمة
انا لازم اخلص من الكابوس دة،،،،،،،،،
وبعدها بساعتين ومن داخل شقة التجمع تجلس جميلة وفي يدها الموبيل بتاعها وتنظر في الساعة وتقول لنفسها
اية اللي اخرك يا جلال كدة
ويفتح باب الشقة ويدخل جلال فتنظر له جميلة وتقول بعصبية
اية اللي اخرك كدة. ولا انت عشان جاي غصب عنك
جلال
جميلة قولت لك قبل كدة الحوار بتاعنا دة لازم يخلص انا مش قد خلود ولا قد جننها دي ممكن تعمل حاجة في بنتي تحرمني منها
جميلة
وانت فاكر اني انا هاموت واشوفك انا عايزاك تخلصني من خليل
جلال
عم خليل.
جميلة
اة. هو
جلال باستغراب
لية عمل اية
جميلة
بيهددني انة يقتلني
جلال باستغراب اكثر
لية
رواية حب امتلاك الحلقه السابعه بقلم الكاتب محمد منصور حصريه وجديده على مدونة أصل للمعلومات والروايات
فتحكي له جميلة ما حصل بينها وبين عم خليل فيقول جلال
غلط اكبر غلط. ماكنش لازم تعرفي انك عرفتي علي حقيقتة
جميلة
ماكنتش اعرف انه مجنون كدة.
جلال
واهو طلع مجنون. وانتي بالنسبة له بقيتي خطر علية اية الحل بقي
جميلة
الحل اننا نخلص منه
جلال
تخلصي منة. انا ماليش دعوي بالمشوار دة
جميلة
ازاي يعني
جلال
هو اية اللي ازاي. انت اتصرفي وخلصي حوارك بعيد عني. وانا هاخرج من هنا ومش هاتشوفي وشي تاني
جميلة
انت بتتخلي عني في الوقت اللي محتاجة ليك في
جلال
ماعنديش حاجة اعملها ليكي
ويتجة جلال ناحية باب الشقة ويفتح الباب فيجد خلود تقف امامة وتنظر له نظرة مخيفة، ،، ، ،، ،،
بدات نار الغيرة والانتقام اللي هاتحرق جلال وجميلة
ياتري اية اللي جاي.
عايزين تعرفة تابعوني